Akar Mogomem 18:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ A uabɨra kamagh uabɨn mɨgɨa ghaze, ‘Kɨ atrivir amizim, egha atrivir dabirabim gaperaghav iti. Kɨ amizir odiarimɨn mɨn itir puvatɨ, eghtɨ osɨmtɨziba na bativan koghtɨ, kɨ azian kogham!’ A uabɨ uan ziar gavgavim fa egha arazir mɨzɨrɨzir avɨribagh amua, egha arazir kurar igharaziba saram ami. Kamaghɨn amizɨ, ia mɨzazir kurar ekiam ko osɨmtɨzir bar ekiam a danɨngigh, mangɨ an amir arazibar ikegh mangɨ tuzɨ naghɨram, a danɨng.

Godɨn Akar Aghuim; Akar Dɨkɨrɨzir Gavgavir Igiam

⁷ A uabɨra kamagh uabɨn mɨgɨa ghaze, ‘Kɨ atrivir amizim, egha atrivir dabirabim gaperaghav iti. Kɨ amizir odiarimɨn mɨn itir puvatɨ, eghtɨ osɨmtɨziba na bativan koghtɨ, kɨ azian kogham!’ A uabɨ uan ziar gavgavim fa egha arazir mɨzɨrɨzir avɨribagh amua, egha arazir kurar igharaziba saram ami. Kamaghɨn amizɨ, ia mɨzazir kurar ekiam ko osɨmtɨzir bar ekiam a danɨngigh, mangɨ an amir arazibar ikegh mangɨ tuzɨ naghram, a danɨng.

Akar Mogomem 18:7 ပူးပေါင်းရင်းမြစ်များ

Sefanaia 2:15

Niniven adarazi nɨghnɨgha ghaze, me gavgavir ekiam iti, me ikuvighan kogham, kamaghɨn amizɨ, me bar akonge. Egha me ghaze, men nguibar ekiam a uabɨra kantrin igharazibar nguibar ekiaba, bar dagh afira. Ezɨ bar puvatɨ. Bizir kurar kaba Ninive bato. Ezɨ nguibam ikuvigha kamaghɨra ikia, asɨzir atiabar danganim gava. Gumazir an boroghɨn zuiba me atiatiava dapaniba roava bar an aghua.

Azir Akam 1:1

Jeremaia 13:18

Ikiavɨra Itir God kamaghɨn na mɨgɨa ghaze: “Nɨ mangɨ akar kam isɨ atrivim uan amebam ko aningɨn mɨkɨm suam, Gua gɨn ua kantri gativaghan kogham. Guan atrivir dapanir asuar dirimning, pura bizir kɨnimningɨn mɨn otogham. Kamaghɨn amizɨ, gua atrivir dabirabimning atakigh.

Onger Akaba 45:9

Atrivibar guivir maba, me nɨn ziaba itir amizibar tongɨn ikia nɨn dɨpenimɨn aven iti. Ezɨ amizir igiar nɨn amuimɨn otoghamim, a nɨn agharir guvimɨn tughav iti. A Ofirɨn kantrin golɨn asɨngizir korotiar aghuim arugha tughav iti.

Onger Akaba 10:6

A uabɨra uabɨ gɨnɨghnɨgha ghaze, kɨ tugha gavgafi. Bizitam bar na munamadaghan koghtɨ, kɨ osɨmtɨzitam batoghan kogham.

Obadia 1:3

Ia uari fer nɨghnɨzimra ia gifari. Dagɨar gavgavir ekiaba ian nguibar ekiam, dɨvazimɨn mɨn anevɨnizɨma, ia mɨghsɨamɨn bar pɨn mar iti. Ezɨ ia kamaghɨn mɨgɨa ghaze, ‘Tina e gekuigh izighiramin gavgavim iti? Bar puvatɨ.’

1 Timoti 5:11

Ezɨ amizir odiarir bar ghurizir puvatɨziba, nɨ men ziaba akɨnafarir kamɨn da osiran markɨ. E fo, men naviba ua pabar ikɨsɨ dɨkavtɨ men arazir kam, a men arazir Krais baghavɨra itim gafiragham.

Akar Mogomem 18:3

Nguazimɨn nguibaba bar, me an wainɨn kap uari bakɨa akuava amir arazir kuraba izɨvazim ame. Ezɨ nguazimɨn atriviba a ko arazir mɨzɨrɨzir bar kurabagh ami. Ezɨ biziba amaga dagh ivezir gumaziba, me an afiar arazir bar ikuvtɨzibar amodoghɨn dagɨar avɨriba uari bagha da isi. Kamaghɨn amizɨ, amizir kam bar ikufi.”

Akar Mogomem 18:9

“Nguazimɨn atriviba a ko arazir mɨzɨrɨzibagh amua, egha uaghan a ko arazir kurar igharagha garibagh ami. Egh atrivir kabanagh an gantɨ avir mɨgharim an otoghtɨma, me a bagh naviba osemegh egh a bagh aziam.

Esta 6:10

Ezɨ atrivim akar kam baregha Haman mɨgɨa ghaze, “Bar dera! Nɨ zuamɨra mangɨ korotiam ko hoziam inigh, egh ziar ekiam Judabar gumazim Mordekai danɨngigh, a gumazir nan dɨpenir tiar akamɨn ingarim. Egh bizir nɨ mɨkemeziba, nɨ bar dar amigh.”

Esekiel 23:34

Nɨ wainɨn kam amɨ bar an agɨvagham, egh kavɨn kam abigh an akuar mɨsaraghirezibar amɨsɨ damuam. Egh an akuar mɨsaraghireziba isɨ uan otemning abɨghɨrarɨgham. Kɨ Ikiavɨra Itir Godɨn Ekiam, kɨ kamaghɨn mɨkemegha gɨfa.”