Akar Mogomem 18:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Ia amizir kam gumazamizibagh amizir arazir kuraba bagh ivezir magh garimra a ikaragh. An arazir kuraba, da bar avɨraseme, kamaghɨra ia an arazir kurabar ivezim isafuraghɨva bar a danɨngigh. A dɨpar onganir gavgavimɨn kap isa gumazamiziba bagha a inge, kamaghɨra ia dɨpar gavgavir onganim uam a isafuragh a bagh kap gingegh a danɨngigh.

Godɨn Akar Aghuim; Akar Dɨkɨrɨzir Gavgavir Igiam

⁶ Egh ia amizir kam gumazamizibagh amizir arazir kuraba bagh ivezir magh garimra a ikaragh. An arazir kuraba, da bar avɨraseme, kamaghɨra ia an arazir kurabar ivezim a isafuraghɨva bar a danɨngigh. Egh dɨpar onganir gavgavimɨn itarim isa a gumazamiziba bagha a ingegh, kamaghɨra ia dɨpar gavgavir onganim uam a isafuragh a bagh itarim ginegh a danɨngigh.

Akar Mogomem 18:6 ပူးပေါင်းရင်းမြစ်များ

Jeremaia 50:29

Ikiavɨra Itir God kamaghɨn Babilonɨn apanibav keme: “Babilon bar puvɨra ifaghata na batoke, kɨ Israelian Godɨn Bar Zuezim. Kamaghɨn amizɨ, ia gumazir barir pibar asa foziba, ia izɨ Babilon mɨsogh. Ia Babilon korogh deragh anevɨnigh. Egh ia Babilonɨn tav ateghtɨ an arɨ mangan markɨ. Me igharaz darazigh asɨghasɨghizɨ moghɨn, Ia pazɨ me damuva, bar me gasɨghasɨkigh.

Onger Akaba 137:8

O Babilonia, ia orakigh. Ia bar ikuvigham! Ian arazir kurar ia e gamizir kam, gumazir uam a ikarvaghamim, a bar akongegh.

Jeremaia 50:15

Ia an dɨvazir gavgaviba ko an tauaba apɨrarightɨ da daighireghtɨ, a ua mɨsoghan iburagh, ia teghtɨ ia a inigh, dughiar kamɨn ia danganiba bar, adar dɨmɨva tiariba akar. Egh a faragha igharaz darazigh asɨghasɨghizɨ moghɨn, ia datɨrɨghɨn bar a gasɨghasɨkigh. Kɨ Ikiavɨra Itir God, kɨ ivezir kuram a danɨng, a gasɨghasɨghasava ami, kamaghɨn amizɨ, ia bar puv a damigh.

Akar Mogomem 16:19

Ezɨ Babilonɨn nguibar ekiam bɨaghiregha 3plan okoruabar otifi, ezɨ gumazamizibar nguibaba bar moghɨra ikufi. God Babilonɨn nguibar ekiamɨn arazir kuram gɨnɨghnɨgha, egha a gamizɨ a uan wainɨn kap bar aneme, kar Godɨn anɨngagharir arazimɨn wainɨn kap.

Akar Mogomem 14:10

a uaghan wainɨn igharagha garim amam. Wainɨn kamnang, a Godɨn anɨngagharim. God faragh wainɨn kam dɨpatam a gisɨn a ingeghtɨ an gavgavitaba gɨvaghan kogham. Bar puvatɨ. An anɨngagharir arazimɨn, arazir kuraba ikarvazir kap gingeghtɨma gumazamizir kaba aneremam. Egh Sipsipɨn Nguzimɨn damazim ko Godɨn enselbar damazimɨn, gumazamizir kaba avim ko salfan dagɨar avimɨn mɨzazir ekiam iniam.

Jeremaia 51:24

“Egha kɨ Ikiavɨra Itir God, kɨ mɨkeme, Babilonian arazir kurar me Saionɨn amiziba bar, kɨ ada ikarvagh ivezir kuram me danɨngam. Eghtɨ ia Israelia ko Judaba, ia bizir kɨ damuamin kabar ganam.

Akar Mogomem 17:4

Amizir kam korotiar aghuibaram aghui, dar ganganim aghevim ko pɨghaghevim. Ezɨ golɨn dɨgɨrir bar aghuiba ko, me dagɨar aghuibar ingarizir dɨgɨriba ko, manmaniar ghurghurir dagɨaba pɨn koziba, amizir kamɨn mɨkarzim gizɨfa. Egha a uan dafarimɨn golɨn kavɨn mam suirazɨ, kavɨn kamɨn aven bar kurigha mughazir araziba ko, gumazamiziba tintinibar uari bakɨa amir arazir bar mɨzɨrɨzir kuraba, a gizɨfa.

Sekaraia 9:12

Ia kamaghɨn fo, kɨ ian akuraghasa ifonge. Kamaghɨn amizɨ, ia uamategh uan nguibamɨn izɨ deravɨra ikiam. Ia osɨmtɨzir Bar ekiam ateri, ezɨ kɨ ia mɨgɨa ghaze, kɨ arazir aghuibar ia damuam. Eghtɨ arazir aghuir kam bar osɨmtɨzir kam gafiragham.

Jeremaia 17:18

Egh datɨrɨghɨn nɨ paza na gamir gumaziba, aghumsɨzim me danɨngightɨ, me dɨgavir kuram damightɨ, kɨ dɨgavir kuram damigh aghumsɨghan kogham. Nɨ men arazir kuram bangɨn dughiar kuram damightɨ, a me batogh bar me gasɨghasɨkigh.

Jeremaia 16:18

Me nguazir kɨ me ganɨngizir kam, marvir guar kurar kaba isa nan nguazim garɨghizɨ, da nan damazimɨn mɨze. Kamaghɨn kɨ me amizir arazir kuramɨn ivezim givɨragh, ua a ikaragham.”

2 Timoti 4:14

Aleksander, gumazir ainɨn bizibar ingarim, a bar paza na gami. Ekiam gɨn arazir kurar an amizir kam ikaragham.

Jeremaia 51:49

Babilonɨn arazir kamra, Israelia gamizɨ moghɨra, a ikuvigham. Ezɨ kantrin avɨriba Babilonɨn agharimɨn ariaghire.”

Akar Mogomem 17:2

Nguazimɨn atriviba arazir mɨzɨrɨzir bar kurar avɨriba amizir kam ko dagh ami. Ezɨ nguazimɨn gumazamiziba uaghan a ko arazir bar mɨzɨrɨzibagh amua, mati gumazim wainɨn avɨrim amezɨ moghɨn ongani.”

Akar Mogomem 13:10

Eghtɨ gumazitam kalabusɨn mangɨsɨ, God amamangatɨghtɨ, a kalabusɨn mangɨ. Eghtɨ gumazitam mɨdorozir sabamɨn ovengsɨ, God an amamangatɨghtɨ, a mɨdorozir sabamɨn ovengam. Bizir kaba otivtɨma, Godɨn gumazamiziba nɨghnɨzir gavgavim ikɨ tugh gavgavigh mamaghɨra ikɨ.”

Aisaia 40:2

Ia apangkuvim itir akar aghuir kam isɨ, Jerusalemɨn nguibamɨn gumazamiziba me mɨkɨm gavgavim me danɨng. Egh kamaghɨn nan gun me mɨkɨm suam, kɨ Ikiavɨra Itir God, kɨ uan dafarimɨn men arazir kuraba ikaragha bar dughiar ruarimɨn me ataghizɨ me kalabusɨn ike. Ezɨ datɨrɨghɨn kɨ men mɨzaziba ko ingangarir ekiam agɨvagha men arazir kuraba gɨn amadazɨ, me fɨriaghɨre.”

Aisaia 61:7

Ia faragha bar aghumsɨzir dafam inigha uan guaba monge. Egh gɨn ia uari uan nguazim inigh a dapiagh bizir bar avɨrim initɨ, da bizir ia faragha inizibagh afiragham. Eghtɨ ia bar akongegh ikɨ kamaghɨra ikiam.

Onger Akaba 28:4

Gumazamizir kamagh amiba, nɨ me amir arazir kaba ikarvagh ivezir kuram me danɨng. Bizir kurar manam me a gami, nɨ anarɨra ikaragh uam a isɨ ivezimɨn mɨn me danɨng.

Akar Mogomem 18:20

Ia Godɨn Nguibamɨn itir darasi, ia bar akongegh! Eghtɨ ia Godɨn gumazamiziba ko aposelba ko Godɨn akam inigha izir gumazamiziba, ia bar akongegh! Arazir kurar nguibar kam ia gamizim baghava, God a tuisɨgha gɨvagha, uam an arazir kuram ikarvasi. Kamaghɨn amizɨ, ia datɨrɨghɨn nguibar kam batozir bizim bagh bar akongegh.’ ”