Akar Mogomem 18:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ezɨ kɨ Godɨn Nguibamɨn otivir tiarir igharazir mam barazi, a kamaghɨn mɨgei: “Ia nan gumazamiziba, ia nguibar kam ategh azenan izɨ. Egh an amir arazir kuraba uaghan dar amuan markɨ. God an arazir kurabar ikarvaghamin dughiam, ia uaghan an aven ikian markɨ!

Godɨn Akar Aghuim; Akar Dɨkɨrɨzir Gavgavir Igiam

⁴ Ezɨ kɨ tiarir igharazir mam Godɨn Nguibamɨn a barazi, a kamaghɨn mɨgei, “Ia nan gumazamiziba, ia nguibar kam ategh azenan izɨ. Egh an amir arazir kuraba uaghan dar amuan markɨ. God an arazir kurabar ikarvaghamin dughiam, ia uaghan an aven ikian markɨ!

Akar Mogomem 18:4 ပူးပေါင်းရင်းမြစ်များ

2 Korin 6:17

Ezɨ Ekiam ua kamaghɨn mɨgei, “ ‘Ia me ategh, mangɨ danganir igharazitamɨn ikɨ. Egh ia bar deraghvɨra uari bagh gan, ia ua bizir Godɨn damazimɨn zuezir puvatɨzitam uam an suighan markɨ. Kɨ uabɨ ia inigh, ian Afeziamɨn mɨn ikɨtɨ, ia nan boribar mɨn ikiam.’ Ekiar Gavgavir Ekiam Itim kamaghɨn mɨgei.”

Jeremaia 51:6

Ia Israelia ko Judaba, ia arɨmangegh deraghvɨra ikiam. Puvatɨghtɨ, ia Babilonian tongɨn ikɨ, men osɨmtɨzim bangɨn me ko ikuvigham. Datɨrɨghɨn Ikiavɨra Itir God, Babilonɨn arazir kuraba bagh ivezir kuram a danɨngamin dughiam. Kamaghɨn amizɨ, ia zuamɨra Babilon ategh mangɨ.

Jeremaia 51:45

“Ia nan gumazamiziba, ia Babilon ategh aregh. Ia vaghvagh aregh deraghvɨra ikiam. Kɨ Ikiavɨra Itir God, kɨ puv Babilonian anɨngaghe. Kamaghɨn, kɨ ti ia ko me saram asɨghasɨgham. Kamaghɨn, ia zuamɨra arɨ mangegh.

Aisaia 52:11

Ia bar moghɨra Babilon atakigh! Ia dɨkavigh zuamɨram azenan izɨ! Egh ia bar deraghvɨra uari bagh gan, ia ua bizir Godɨn damazimɨn zuezir puvatɨzitam uam an suighan markɨ. Egha ia Ikiavɨra Itir Godɨn Dɨpenimɨn itariba ateri darasi, ia uari Godɨn damazimɨn zueghamin arazimɨn gɨn mangɨ. Ia bar moghɨra uari zuegh izɨ.

Jeremaia 50:8

Ikiavɨra Itir God kamaghɨn mɨkeme: “Ia Israelia ko Judaba, ia Babilon ategh arɨ mangɨ. Mati memen apurim memen mabar faragha zui moghɨn, ia kalabuziar gumazamizibar faragh mangɨ.

1 Timoti 5:22

Egh nɨ zuamɨra Godɨn ingangarim damusɨ gumazitaba amɨsɨvɨsɨ dafariba me gisɨn darɨghan markɨ. Eghtɨ gumazamizir kabar arazir kuraba, dar osɨmtɨzim nɨn ikian kogham. Nɨ ua bagh ganɨva, egh Godɨn damazimɨn bar zuegh ikiam.

Aisaia 48:20

Ia kantri Babilon ategh, nguibar kamɨn gumazamizibar arɨmangɨgh. Egh ia bar akuegh pamtemɨn tiariba akar, egh kamaghɨn akam amadaghtɨma a nguazir kamɨn ruaghatevibar mangɨ, “Ikiavɨra Itir God uamategha uan ingangarir gumazim Jekop, uam a ini.”

Onger Akaba 50:18

Ia okɨmakɨar gumazibar gara me ko namakabagh ami. Egha ia poroghamiba uari bakɨa uari ko akuir gumazamiziba koma arui.

2 Jon 1:11

Ia fo, gumazitam o amizitam dughiam gumazamizir kamaghɨn amibagh anɨdi, ia fogh suam, a uabɨ an ingangarir kuramɨn akurvasi.

Jeremaia 51:50

Eghtɨ ia Israelia, Babilonia ia gasɨghasɨghizir puvatɨzir darasi, ia zuamɨra Babilon ategh arɨ mangegh. Guizbangɨra, ia uan nguibamɨn saghon ikɨ, egh ia Ikiavɨra Itir God gɨnɨghnɨgh. Egh ia Jerusalem bakɨnɨghnɨghan markɨ.

Matyu 23:30

Egha kamagh uariv gei, ‘E ti uan inazibar dughiamɨn ikia, egha ti men akuragha Godɨn akam inigha izir gumazibav soghezir puvatɨghai.’

Jenesis 19:14

Ezɨ Lot gumazir an guivimningɨn ikiasa me inabazimning bagha ghu. Egha aning mɨgɨa ghaze, “Ikiavɨra Itir God nguibar kam kuvarɨmasa, kamaghɨn gua dɨkavigh nguibar kam bemɨram anetakigh.” Ezɨ aning ghaze, a ti pura ikarara mɨgei.

Jeremaia 51:9

Eghtɨ Israelia ko Judaba an aven ikɨ kamaghɨn mɨkɨmam, “E kalabuziar gumazamiziba pura Babilon damutɨ, a ua deraghasa, ezɨ a ua deragha otozir puvatɨ.” Egh me gɨn kamaghɨn mɨkɨmam, “Markɨ. E fo, Babilonɨn osɨmtɨzim a bar ekefe, egha overiamɨn pɨn ghuavanabo. Eghtɨ Ikiavɨra Itir God bar pazɨvɨra Babilon damuam. Kamaghɨn, e Babilon ategh uamategh vaghvagh uan nguibabar mangam.