Akar Mogomem 18:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Nguazimɨn nguibaba bar, me an wainɨn kap uari bakɨa akuava amir arazir kuraba izɨvazim ame. Ezɨ nguazimɨn atriviba a ko arazir mɨzɨrɨzir bar kurabagh ami. Ezɨ biziba amaga dagh ivezir gumaziba, me an afiar arazir bar ikuvtɨzibar amodoghɨn dagɨar avɨriba uari bagha da isi. Kamaghɨn amizɨ, amizir kam bar ikufi.”

Godɨn Akar Aghuim; Akar Dɨkɨrɨzir Gavgavir Igiam

³ Nguazimɨn nguibaba bar, me an wainɨn itarim uari okɨa akuava amir arazir kuraba izɨvazim aneme. Ezɨ nguazimɨn atriviba a ko arazir mɨzɨrɨzir bar kurabagh ami. Ezɨ biziba amaga dagh ivezir gumaziba, me an afiar arazir bar ikuvtɨzibar amodoghɨn dagɨar avɨriba uari bagha da isi. Kamaghɨn amizɨ, amizir kam bar ikufi.”

Akar Mogomem 18:3 ပူးပေါင်းရင်းမြစ်များ

Akar Mogomem 17:2

Nguazimɨn atriviba arazir mɨzɨrɨzir bar kurar avɨriba amizir kam ko dagh ami. Ezɨ nguazimɨn gumazamiziba uaghan a ko arazir bar mɨzɨrɨzibagh amua, mati gumazim wainɨn avɨrim amezɨ moghɨn ongani.”

Akar Mogomem 14:8

Ezɨ enselɨn an gɨrara irir mam iza ghaze, “Babilonɨn nguibar ekiam bar ikufi! Guizbangɨra a ikuvigha gɨvazɨ gumazitam an itir puvatɨ. Babilonɨn Nguibar Ekiar kamra gumazamizibagh amizɨ, me a ko arazir uari bakɨa akuir arazir kurar gavgavibagh ami, mati me wainɨn gavgavim me ganɨngizɨ, me aneme.”

Akar Mogomem 18:9

“Nguazimɨn atriviba a ko arazir mɨzɨrɨzibagh amua, egha uaghan a ko arazir kurar igharagha garibagh ami. Egh atrivir kabanagh an gantɨ avir mɨgharim an otoghtɨma, me a bagh naviba osemegh egh a bagh aziam.

Akar Mogomem 18:23

Eghtɨ lamɨn angazangariba ua nɨn aven isian kogham. Eghtɨ gumazamizir uarir ikiasa mɨgeir mɨgɨrɨgɨaba, da ua nɨn aven otivan kogham. Nɨn gumazamizir fomɨra dagɨaba bagha biziba amadiba, gumazamizir igharazibar damatuzibar gumazamizir bar ekiabar otifis. Ezɨ nɨ kantrin igharaziba bar dar gumazamizibagh ifara imezir igharagha garir avɨribar ingari.

Jeremaia 51:7

Ikiavɨra Itir God fomɨra nguazir kamɨn kantriba, ivezir kuram isɨ bar adar anɨngasa, ezɨ Babilonɨn kantri an ingangarir kam gami. Babilon golɨn kavɨn mamɨn mɨn Ikiavɨra Itir Godɨn dafarimɨn iti. Egha kantrin igharazibagh amima, me kavɨn kamɨn wain ame. Egha me datɨrɨghɨn tintinibar ongani.

Jeremaia 51:34

Ezɨ Jerusalemɨn nguibar ekiam kamaghɨn mɨgei: “Babilonɨn Atrivim Nebukatnesar puvɨra na mɨsoke, mati a na apava bar na agɨfa. A mati aser mam bar na tuavareme. Egha nan bizir aghuibar uan navim gazuima a izɨfa. Ezɨ kɨ mati itarir mam, an amegha gɨvazɨ, dagher nataba an itir puvatɨ. Egha gɨn a bar na dɨsi. Babilonia bar nan mɨkarzim gasɨghasɨki, ezɨ nan ghuzim ire. Kamaghɨn amizɨ, me osɨmtɨzim iti, ezɨ Ikiavɨra Itir God men osɨmtɨzir kam ikarvagham.”

Aisaia 47:15

Bar guizbangɨra, nɨ igiamra itima gumazir nɨghnɨzim nɨ ganɨga nɨn akurvaziba, me bar onganigh, men tav nɨn akuraghan kogham.”

Luk Osirizir Akar Aghuim 7:25

Ia tizimra ganasa ghue? Ia ti gumazir korotiar aghuiba aghuizitamɨn ganasa ghue? Puvatɨ. Gumazir korotiar aghuiba azuiba atrivibar dɨpenibar iti.

Nahum 3:4

O Ninive, nɨ mati tuavimɨn amizim, kamaghɨn amizɨ, God ivezir kuram nɨ ganɨdi. Nɨn ganganim bar derazɨ, nɨ kantrin igharazibagh etui, mati tuavimɨn amizim akavsiaba ko, imezibagh amua gumazibagh etui. Kantrin Igharazibar Gumazamiziba nɨ bagha ghua tuavimɨn amizimɨn mɨn nɨ ko, arazir kurabagh ami. Egha me nɨn kalabuziar gumazamizibar mɨn iti.

1 Timoti 5:11

Ezɨ amizir odiarir bar ghurizir puvatɨziba, nɨ men ziaba akɨnafarir kamɨn da osiran markɨ. E fo, men naviba ua pabar ikɨsɨ dɨkavtɨ men arazir kam, a men arazir Krais baghavɨra itim gafiragham.

Akar Mogomem 18:7

A uabɨra kamagh uabɨn mɨgɨa ghaze, ‘Kɨ atrivir amizim, egha atrivir dabirabim gaperaghav iti. Kɨ amizir odiarimɨn mɨn itir puvatɨ, eghtɨ osɨmtɨziba na bativan koghtɨ, kɨ azian kogham!’ A uabɨ uan ziar gavgavim fa egha arazir mɨzɨrɨzir avɨribagh amua, egha arazir kurar igharaziba saram ami. Kamaghɨn amizɨ, ia mɨzazir kurar ekiam ko osɨmtɨzir bar ekiam a danɨngigh, mangɨ an amir arazibar ikegh mangɨ tuzɨ naghɨram, a danɨng.

Akar Mogomem 18:19

Egh me uan osɨmtɨzim akaghasa nguazir mɨnemniaba inigh uan dapanibagh isɨn da kun, naviba bar osemegh egh aziva, kamaghɨn dɨm mɨkɨmam: “ ‘Noka, Babilonɨn nguibar ekiam. Noka! Ongarim garuir kuribar afeziaba, me nguibar ekiar kamɨn dagɨabar, dagɨar gumazir ekiabar otifi. Mevzika! A dughiar otevimrama bar ikufi!