Akar Mogomem 18:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² O Babilon! Gitan arareba ko marvibar arareba ko, sɨghaba ko, ararer aghuir igharazir maba ua nɨn aven otivan kogham. Eghtɨ fofozir gumazamizir ingangarir guar igharagha garibagh amiba, me ua nɨn ikian kogham! Eghtɨ dagɨar witba mɨrmɨrimɨn ararem ua nɨn aven otivan kogham!

Godɨn Akar Aghuim; Akar Dɨkɨrɨzir Gavgavir Igiam

²² O Babilon! Gitan arareba ko marvibar arareba ko, sɨghaba ko, ararer aghuir igharazir maba ua nɨn aven otivan kogham. Eghtɨ fofozir gumazir ingangarir guar igharagha garibagh amiba, me ua nɨn ikian kogham! Eghtɨ dagɨar witba mɨrmɨrimɨn ararem ua nɨn aven otivan kogham!

Akar Mogomem 18:22 ပူးပေါင်းရင်းမြစ်များ

Esekiel 26:13

Eghtɨ kɨ ian onger akaba ko, gitabav sozir arazim bar ada agɨvagham.

Jeremaia 25:10

Egh kɨ men navir aghuimɨn agoroger arazim ko, bar akongezir arazim ko, gumaziba amuibar ikiamin arazim, kɨ bar ada gɨvagham. Eghtɨ witɨn ovɨziba mɨrmɨramin gumaziba puvatɨgham, kamaghɨn wit mɨrmɨramin dagɨaba ua tɨngaghan kogham. Eghtɨ lamɨn angazangariba ua danganir kamɨn puvatɨgham.

Jeremaia 16:9

Kɨ, Ikiavɨra Itir Godɨn Gavgaviba Bar Itim, Israelian God, kɨ guizbangɨra mɨgei, gumazamiziba ua nguazir kamɨn ikian kogham. Eghtɨ bar akongezir arazim ko navim deragha itir arazim ko poroghamiba uarir itir arazim, kɨ bar moghɨra da agɨvagham. Eghtɨ gumazamizir datɨrɨghɨn itiba, uari uan damazibar bizir kamɨn gantɨ, an otivam.

Jeremaia 7:34

Eghtɨ gumazamiziba ua Judan nguibaba ko Jerusalemɨn tuavibar ikian kogham. Kɨ bizir kaba bar dar amightɨ, da otivam, eghtɨ navir aghuimɨn arazim ko, agoroger arazim ko, poroghamir igiabar isar ekiaba, da bar gɨvagham. Eghtɨ kantrin kamɨn danganiba ikuvigh ikiam.”

Fofozir Gumazim 12:4

Egh ian kuarir toribar bar pɨrightɨ, ia dɨpenimɨn azenan otivir nɨgɨniba baraghan kogham, mati me wit mɨrmɨrir dagɨamɨn tɨngagharim, ko marvir ararer avɨriba. Eghtɨ ia dakuamin dughiamɨn, kuarazibar araremɨra ia gaghunam.

Jeremaia 33:11

Egh me navir aghuimɨn ikɨva, bar akuegh poroghamiba uarir ikiamin isabar amuam. Egh gumazamiziba na mɨnabir ofaba inigh Ikiavɨra Itir Godɨn Dɨpenimɨn izam. Egh me ofaba inigh izɨ, kamaghɨn ighiaba bangam: “Ikiavɨra Itir Godɨn Gavgaviba Bar Itim bar deravɨra e gami. A zurara bar en apangkufi. Kamaghɨn, e a mɨnamam. “Dughiar kamɨn, kɨ Ikiavɨra Itir God, kɨ nguazir kam damightɨ a fomɨra ikezɨ moghɨn ua deravɨram otogham.

Aisaia 23:12

A kamaghɨn mɨgei: “O Saidonɨn nguibar ekiar dirim, gumaka! Nɨ uabɨn akurvaghan kogham. Nɨn bar akongezir arazim gɨvagh ua ikian kogham. Nɨ bar ikuvigh, egh deravɨra ikian kogham. Kamaghɨn amizɨ, ia Saidonian gumazamiziba, ia dɨkavigh arɨ Saiprusɨn Arighatɨzimɨn mangɨ. Egh ia uaghan avughsamin danganiba puvatɨgham.”

Matyu 9:23

Ezɨ Iesus ghua gumazir dapanir kamɨn dɨpenimɨn otogha gari, amiziba ko gumaziba azia iti. Gumazir maba sɨghabagh ivima, gumazamiziba azia nɨgɨnir ekiam gami.

Jopɨn Akɨnafarim 3:7

Gumazamiziba uarir ikiava bar akongezir arazim dɨmagarir kamɨn a gamizir puvatɨzɨ, deraghai. Dɨmagarir kamɨn amiziba boriba batezir puvatɨzɨ, kamaghɨn deraghai.