Akar Mogomem 18:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Ia Godɨn Nguibamɨn itir darasi, ia bar akongegh! Eghtɨ ia Godɨn gumazamiziba ko aposelba ko Godɨn akam inigha izir gumazamiziba, ia bar akongegh! Arazir kurar nguibar kam ia gamizim baghava, God a tuisɨgha gɨvagha, uam an arazir kuram ikarvasi. Kamaghɨn amizɨ, ia datɨrɨghɨn nguibar kam batozir bizim bagh bar akongegh.’ ”

Godɨn Akar Aghuim; Akar Dɨkɨrɨzir Gavgavir Igiam

²⁰ ‘Ia Godɨn Nguibamɨn itir darasi, ia bar akongegh! Eghtɨ ia Godɨn gumazamiziba ko aposelba ko Godɨn akam inigha izir gumaziba, ia bar akongegh! Arazir kurar nguibar kam ia gamizim baghava, God a tuisɨgha gɨvagha, egha uam an arazir kuram ikarvasi. Kamaghɨn amizɨ ia datɨrɨghɨn nguibar kam batozir bizim bagh bar akongegh.’”

Akar Mogomem 18:20 ပူးပေါင်းရင်းမြစ်များ

Akar Mogomem 6:10

Duar kaba dɨa kamaghɨn mɨgei, “Gavgaviba bar itir Ekiam, nɨ arazir kuraba bar dar saghon ikia egha bar zue! Ezɨ nɨn akar dɨkɨrɨziba da guizbangɨra otifi! E nɨ mɨzua iti, nɨ zuamɨra nguazimɨn itir gumazamizibar araziba tuisɨghɨva, egh en ghuzimɨn ivezim ikarvagh!”

Akar Mogomem 12:12

Kamagh amizɨ, ia Godɨn Nguibam ko an itir darazi bar, ia bar akongegh! Ezɨ nguazim ko ongarim, guavzika, gua bar ikuvigham. Satan fo, a ikiamin dughiam bar otefe, kamaghɨn amizɨ a guan anɨngaghɨ gua gasɨghasɨghasa gua bagha izaghirɨ. Kamaghɨn amizɨ, guan aven itir darasi, iavzika.”

Aisaia 26:21

Ia gan! Ikiavɨra Itir God uan Nguibam ategha izaghiri, egh nguazir kamɨn itir gumazamizibar arazir kurabar ikarvaghamin ivezim me danɨngam. Eghtɨ gumazir igharazir darazi me mɨsoghezɨ me ariaghireziba, nguazim uabɨ ovengezir gumazir kabar ghuziba mongan iburagham. Bar puvatɨgham. A gumazamiziba amizir arazir kurar kaba bar da azenim datɨgham.

Jut Osirizir Akɨnafarim 1:17

Nan namakar bar aghuiba, ia gɨn otivamin bizim gɨnɨghnɨgh, en Ekiam Krais Iesusɨn aposelba an gun mɨkeme.

2 Pita 3:2

Ia ua Godɨn akam inigha izir gumaziba fomɨra mɨkemezir akabagh nɨghnɨghasa kɨ ifonge. Egh ia uaghan Ekiamɨn akabagh nɨghnɨgh, a en Akurvazir Gumazim. Ia uan aposelba da akar kam inis.

Efesus 4:11

Gumazir kamra a “bizir bar aghuiba pura gumazamizibagh anɨngi.” A bizir aghuir kaba me ganɨngi, marazi an aposelɨn ingangarim me ganɨngi. Marazi, a Godɨn akam inigha izir gumazimɨn ingangarim me ganɨngi. Marazi, a Godɨn Akar Aghuim akunamin ingangarim me ganɨngi, marasi, a Godɨn gumazamizibar ganamin ingangarim me ganɨngi, egha marasi, gumazamiziba God ifongezir arazibar men sure damuamin ingangarim me ganɨngi.

Efesus 2:20

Ia uaghan mati God ingarizir dɨpenimɨn mɨn iti. Gumazim dɨpenim ingarasa ter akɨniba kuazizɨ moghɨn, God aposelba ko uan akam inigha izir gumazibav sevezɨ me tuivigha ingangarim gami. Ezɨ Krais Iesus, a uabɨ dɨpenir guarimɨn mɨn iti.

Aisaia 49:13

O overiam, nɨ bar akongezir ighiabar amu. O nguazim, nɨ bar akuegh tiarim akar. O ia mɨghsɨaba, ia bar akongezir ighiabar amu. Ia ganigha fo, Ikiavɨra Itir God, gavgavim isa uan gumazamizibagh anɨngizɨ, me navir amɨrizimɨn iti. Me osɨmtɨzir avɨriba ateri, ezɨ datɨrɨkɨn Ikiavɨra Itir God, men apangkuvigha deraghvɨra me gami.

Aghuzir Akaba 11:10

Gumazir aghuibar dabirabim deraghavɨram otoghtɨ, nguibamɨn itir gumazamiziba bar akuegham. Eghtɨ gumazir zurara arazir kuram gamuavɨra itim aremeghtɨ, nguibamɨn itir gumazamiziba bar akuegham.

Onger Akaba 94:1

Ikiavɨra Itir God, nɨ gumazamizir kurabar araziba ikarvazir God. Nɨ datɨrɨghɨn uan anɨngagharim men akagh.

Onger Akaba 58:10

God, gumazamizir arazir kurabagh amibagh asɨghasɨgham. Eghtɨ gumazamizir aghuiba arazir kamɨn ganigh bar akuegh, gumazir kurabar ghuzibar uan dagariba ruam.

Efesus 3:5

Faragha zuir dughiaba, God gumazamiziba nɨghnɨzir mogomer kamɨn me mɨkemezir puvatɨ. Ezɨ datɨrɨghɨn God uan Duamɨn tuavimɨn uan aposelɨn a baghavɨra itiba ko an akam inigha izir gumazibar akazɨ an azenim girɨ.

Aisaia 44:23

Ikiavɨra Itir God uan ziar ekiam ko gavgavim akagha Israelian akuragha ua me ini. Kamaghɨn amizɨ, O overiam, nɨ ighiabar amu bar akongegh. Nguazimɨn aven itir biziba bar, ia uaghan tiariba akar. O mɨghsɨaba ko temer ruarimɨn itiba, ia uaghan tiariba akar.

Onger Akaba 109:28

Me, nɨ na gasɨghasɨghsɨ me nɨ mɨkɨmam. Eghtɨ puvatɨgham. Nɨ deravɨra na damuvɨra ikiam. Gumazir na gasɨghasɨghasava amiba nɨ me abɨnasa kɨ ifonge. Eghtɨ, kɨ nɨn ingangarir gumazim, nan navim nan deragham.

Onger Akaba 107:42

Ezɨ gumazamizir Godɨn damazimɨn deraziba, bizir kamɨn ganigha men naviba bar men dera. Ezɨ gumazamizir kuraba mɨkɨman asagha purama akabar kumigha nɨmɨra iti.

Onger Akaba 48:11

Saionɨn nguibamɨn aven itir gumazamiziba bar akongegh. Nɨ arazir aghuimra gɨn ghua gumaziba bar men araziba tuisɨsi. Kamaghɨn Judan aven itir nguibabar gumaziba, me bar akongegh.

Onger Akaba 18:47

Nan apaniba na gamizir arazir kuraba, Godra ua da ikarvasi. A Kantrin Igharazibar Gumazamiziba isa nan apengan me atɨ.

Gumazir Dapaniba 5:31

O Ikiavɨra Itir God, kamaghɨra nɨn apaniba mar oveng. Eghtɨ nɨn namakaba mar angazangarimɨn mɨn isiragh, mati aruer angazangarim otogha pamten nguazim gisira. Ezɨ dughiar kamɨn gɨn, Israelian nguazim 40plan azenibar mɨdoroziba puvatɨgha avughse.

Godɨn Araziba 32:42

Na ko mɨsoghamin gumaziba, kɨ bar me gasɨrarightɨ, men ghuziba nan afuzibar emɨr magɨram. Eghtɨ kɨ uan mɨdorozir sabam inigh apanibar namnabar ghoram. Kɨ apanir gumazir kalabusɨn itiba, bar me mɨsoghɨrarigham, egh apanir dapanir arɨzir ruariba itiba kɨ bar men fɨribar ghoreghtɨ, men dapaniba iregham.’

Sefanaia 3:15

Ikiavɨra Itir God, ia gasɨghasɨghasa mɨkemezir akar kam, a anegɨvagha ian apanibar agɨrazɨ me are. Ikiavɨra Itir God, a Israelian atrivim, a ian tongɨn iti. Kamaghɨn amizɨ, ia bizitamɨn atiatingan markɨ.

Akar Mogomem 18:6

Ia amizir kam gumazamizibagh amizir arazir kuraba bagh ivezir magh garimra a ikaragh. An arazir kuraba, da bar avɨraseme, kamaghɨra ia an arazir kurabar ivezim isafuraghɨva bar a danɨngigh. A dɨpar onganir gavgavimɨn kap isa gumazamiziba bagha a inge, kamaghɨra ia dɨpar gavgavir onganim uam a isafuragh a bagh kap gingegh a danɨngigh.