Akar Mogomem 18:15 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁵ Eghtɨ gumazamizir nguibar ekiar kamɨn uan bizir kaba amaga dagɨar avɨriba isiba, tuivigh a isir mɨzazir ekiar kamɨn ganam. Egh bar atiatigh azi, naviba bar osemegh saghon tuivigh, egh kamagh mɨkɨmam:

Godɨn Akar Aghuim; Akar Dɨkɨrɨzir Gavgavir Igiam

¹⁵ Eghtɨ gumazir nguibar ekiar kamɨn uan bizir kaba amaga dagɨar avɨriba isiba, tuivigh a isir mɨzazir ekiar kamɨn ganam. Egh bar atiatigh azi, naviba bar osemegh saghon tuivigh, egh kamagh mɨkɨmam,

Akar Mogomem 18:15 ပူးပေါင်းရင်းမြစ်များ

Akar Mogomem 18:3

Nguazimɨn nguibaba bar, me an wainɨn kap uari bakɨa akuava amir arazir kuraba izɨvazim ame. Ezɨ nguazimɨn atriviba a ko arazir mɨzɨrɨzir bar kurabagh ami. Ezɨ biziba amaga dagh ivezir gumaziba, me an afiar arazir bar ikuvtɨzibar amodoghɨn dagɨar avɨriba uari bagha da isi. Kamaghɨn amizɨ, amizir kam bar ikufi.”

Esekiel 27:31

Me nɨ bagha uan dapanir arɨzibar suigha da asiagharɨgha, azirakar korotiar bɨbɨziba aghui. Me nɨ bagha arava men navir averiaba bar ikufi.

Aposel 16:19

Ezɨ an garir gumaziba fo, men dagɨaba isir tuavim pɨri. Kamaghɨn amizɨ, me Pol ko Sailasɨn suiragha aning amɨkɨrɨgha gumazir dapaniba bagha biziba amadir danganir ekiamɨn ghu.

Mak Osirizir Akar Aghuim 11:17

Egha a men sure gamuava kamaghɨn me mɨgei, “Mɨgɨrɨgɨar kam Godɨn Akɨnafarimɨn osizirimɨn iti, o puvatɨ? “ ‘Nan Dɨpenimɨn ingangarimɨn mɨngarim kamakɨn, kar Nguaziba Bar Men Gumazamiziba God ko Mɨgeir Dɨpenim.’ “Ezɨ ia a gamizɨ, an okɨmakɨar gumazibar mogomer danganimɨn mɨn oto!”

Sekaraia 11:5

Sipsipɨn kabar ghuaviba dav sogha ghaze, ‘E ti arazir kuram gamir puvatɨ.’ Me sipsipbav sogha, dar tuziba dagɨaba bagha da amagava, dagɨaba isa ghaze, ‘E dagɨar gumazibar otivigha gɨfa. Kamaghɨn amizɨ e Ikiavɨra Itir Godɨn ziam fam.’ Ezɨ sipsipbagh eghuvir gumaziba me uaghan, sipsipbar apangkuvir puvatɨ.”

Akar Mogomem 18:12

Me dagɨaba bagha amadir bizibar kara, gol ko silva ko, dagɨar aghuiba ko manmaniar iveziba bar pɨn koziba; ko inir ghurghurir aghuiba ko inir pɨghaghevir aghuiba ko inir slika ko inir agheviba, ko men temer mughuriar aghuir igharagha gariba ko bizir me elefanɨn ataribar ingariziba ko, bizir me temer iveziba bar pɨn itibar ingariziba ko, bras ko ain ko, dagɨar aghuir dɨgɨriba itiba.

Akar Mogomem 18:13

Bizir me amaga dagɨaba isir igharaziba uaghan iti, adar kara, sinamon ko, apir iriziba ko, pauran mughuriar aghuim gamim ko, grisɨn igharagha garir mughuriar aghuiba zuiba ko, sandan aghuim ko, wain ko, wel ko, plauan aghuim ko witba; men bulmakauba ko, sipsipba ko hoziaba ko dar karisba ko, pura ingangarir gumazamizir kɨniba, me dagɨaba bagha men ikɨrɨmɨriba amadi. Bizir kaba bar, gumazamizir dagh ivezamiba puvatɨ.

Akar Mogomem 18:14

“Gumazamizir biziba amaga dagh ivezir kaba kamaghɨn a mɨkɨmam, ‘Bizir aghuir nɨ iniasa navim dɨkavim, datɨrɨghɨn da bar nɨn saghuiamɨn ikiam. Bizir bar aghuir avɨrir iveziba bar pɨn koziba ko nɨ asɨngizir bizir ganganir aghuiba, da bar ovengeghtɨ nɨ ua dar ganan kogham!’

Akar Mogomem 18:19

Egh me uan osɨmtɨzim akaghasa nguazir mɨnemniaba inigh uan dapanibagh isɨn da kun, naviba bar osemegh egh aziva, kamaghɨn dɨm mɨkɨmam: “ ‘Noka, Babilonɨn nguibar ekiam. Noka! Ongarim garuir kuribar afeziaba, me nguibar ekiar kamɨn dagɨabar, dagɨar gumazir ekiabar otifi. Mevzika! A dughiar otevimrama bar ikufi!