Akar Mogomem 18:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ “Eghtɨ biziba amaga dagh ivezir gumazamizir nguazimɨn itiba, me Babilon gɨnɨghnɨgh a bagh aziva, naviba bar osemegham. Me gari, gumazamizir men dagɨaba bagh amadir bizibagh ivezamiba ua itir puvatɨ, kamaghɨn me oseme.

Godɨn Akar Aghuim; Akar Dɨkɨrɨzir Gavgavir Igiam

¹¹ “Eghtɨ biziba amaga dagh ivezir gumazir nguazimɨn itiba, me Babilon gɨnɨghnɨgh egh a bagh aziva, egh naviba bar osemegham. Me gari, gumazir men dagɨaba bagh amadir bizibagh ivezamiba ua itir puvatɨ, kamaghɨn me oseme.

Akar Mogomem 18:11 ပူးပေါင်းရင်းမြစ်များ

Akar Mogomem 18:3

Nguazimɨn nguibaba bar, me an wainɨn kap uari bakɨa akuava amir arazir kuraba izɨvazim ame. Ezɨ nguazimɨn atriviba a ko arazir mɨzɨrɨzir bar kurabagh ami. Ezɨ biziba amaga dagh ivezir gumaziba, me an afiar arazir bar ikuvtɨzibar amodoghɨn dagɨar avɨriba uari bagha da isi. Kamaghɨn amizɨ, amizir kam bar ikufi.”

Akar Mogomem 18:23

Eghtɨ lamɨn angazangariba ua nɨn aven isian kogham. Eghtɨ gumazamizir uarir ikiasa mɨgeir mɨgɨrɨgɨaba, da ua nɨn aven otivan kogham. Nɨn gumazamizir fomɨra dagɨaba bagha biziba amadiba, gumazamizir igharazibar damatuzibar gumazamizir bar ekiabar otifis. Ezɨ nɨ kantrin igharaziba bar dar gumazamizibagh ifara imezir igharagha garir avɨribar ingari.

Akar Mogomem 18:20

Ia Godɨn Nguibamɨn itir darasi, ia bar akongegh! Eghtɨ ia Godɨn gumazamiziba ko aposelba ko Godɨn akam inigha izir gumazamiziba, ia bar akongegh! Arazir kurar nguibar kam ia gamizim baghava, God a tuisɨgha gɨvagha, uam an arazir kuram ikarvasi. Kamaghɨn amizɨ, ia datɨrɨghɨn nguibar kam batozir bizim bagh bar akongegh.’ ”

Akar Mogomem 18:15

Eghtɨ gumazamizir nguibar ekiar kamɨn uan bizir kaba amaga dagɨar avɨriba isiba, tuivigh a isir mɨzazir ekiar kamɨn ganam. Egh bar atiatigh azi, naviba bar osemegh saghon tuivigh, egh kamagh mɨkɨmam:

Sefanaia 1:11

Ia gantɨ, ian gumazir dagɨar ingangaribagh amiba, me bar arɨmɨghiregham. Kamaghɨn amizɨ, ia nguibar ekiamɨn danganir zarimɨn ikɨ, bizir kaba baragh aziam.

Akar Mogomem 18:9

“Nguazimɨn atriviba a ko arazir mɨzɨrɨzibagh amua, egha uaghan a ko arazir kurar igharagha garibagh ami. Egh atrivir kabanagh an gantɨ avir mɨgharim an otoghtɨma, me a bagh naviba osemegh egh a bagh aziam.

2 Pita 2:3

Ifavarir tisan kaba dagɨar avɨriba baka, kamaghɨn me eghaghanir ifavarir avɨribar amuva, ian dagɨaba ko biziba iniam. Fomɨra God me isɨ kot darɨghasa dughiam atɨgha, ghaze, me bar ikuvigham. Ezɨ God akuir puvatɨ. A fomɨra me mɨkemezɨ moghɨn me gasɨghasɨghasa me bagha gara iti.

Sefanaia 1:18

Dughiar kamɨn, Ikiavɨra Itir God uan anɨngagharim akagham, eghtɨ men gol ko silva tong bar men akuraghan kogham. Bar puvatɨgham. An anɨngagharim, avimɨn mɨn otogh nguazimɨn ruaghateviba bar dar isigham. A zuamɨram otogh, nguazimɨn gumazamiziba bar me agɨvagham.

Aisaia 47:15

Bar guizbangɨra, nɨ igiamra itima gumazir nɨghnɨzim nɨ ganɨga nɨn akurvaziba, me bar onganigh, men tav nɨn akuraghan kogham.”

Matyu 22:5

“Ezɨ ingangarir gumaziba ghua akar kamɨn gumazibav gei. Ezɨ me oraghan aghuagha tintinibar zui. Mav uan azenimɨn zui, ezɨ mav uan dagɨar ingangarim bagha zui.

Jon Osirizir Akar Aghuim 2:16

Ezɨ a kamaghɨn gumazir dagɨaba bagha kuaraziba amadiba pamten me mɨgei, “Ia kuaraziba inigh mangɨ! Ia nan Afeziamɨn Dɨpenim biziba amadir danganimɨn mɨn a damuan markɨ.”

Aghuzir Akaba 3:14

Guizbangɨra, nɨghnɨzir aghuim bar deragha silva ko gol gafira.

Aisaia 13:19

E fo, Babilonɨn nguibar ekiam, a bar deragha nguibar ekiar mabagh afira. Babilonian gumazamiziba, me uan nguibar ekiamɨn ziar aghuim bagha bar akonge. Eghtɨ God Sodom ko Gomora gasɨghasɨghizɨ moghɨn, a Babilon gasɨghasɨgham.

Esekiel 27:9

Gebalɨn nguibamɨn gumazir aruaba, me kurimɨn ingarir fofozir gumaziba, me nɨ ko arua, kurimɨn toriba apɨrir ingangarim gami. Tairɨn nguibar ekiam, kurir kam a nɨn ababanim gami, ezɨ nɨn fofoziba itir gumaziba, kurimɨn suizir gumazibar mɨn ami. Kantrin igharazibar kuriba bar nɨ bagha ize, egha dar ingarir gumaziba, nɨn nguibar ekiamɨn aven ghua nɨn biziba amadir dɨpenibar, dagɨaba bagha ingangarir bizibagh ami.