Akar Mogomem 17:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Ezɨ kɨ gari, amizir kam Godɨn gumazamizibar ghuziba amegha dɨpar onganiba amezɨ moghɨn ongani. Gumazamizir kaba, me nɨghnɨzir gavgavim Iesusɨn ikia an akam akuri, ezɨ me me mɨsoghezɨ me ariaghire. Kɨ amizir kamɨn ganigha dɨgavir kuram gamigha pura nɨghnɨsi.

Godɨn Akar Aghuim; Akar Dɨkɨrɨzir Gavgavir Igiam

⁶ Ezɨ kɨ gari, amizir kam Godɨn gumazamizibar ghuziba amegha dɨpar onganiba amezɨ moghɨn ongani. Gumazamizir kaba, me nɨghnɨzir gavgavim Iesusɨn ikia an akam akuri, ezɨ me me mɨsoghezɨ me ariaghɨre. Kɨ amizir kamɨn ganigha dɨgavir kuram gamigha pura nɨghnɨsi.

Akar Mogomem 17:6 ပူးပေါင်းရင်းမြစ်များ

Akar Mogomem 16:6

Gumazir kaba nɨn akam inigha izir gumazamiziba ko nɨn gumazamizibav soghezɨ men ghuziba irezɨ me ariaghire. Ezɨ nɨ ghuzim gumazir kurar kabagh anɨngizɨ, me aneremam. Ghuzir me apir kam, men arazir kurar me amiziba ikarvagham.”

Akar Mogomem 13:15

God asɨzir atiar namba 2ɨn amamangatɨzɨ, an asɨzir atiar faragha zuimɨn marvir guar kam gamizɨ, an angamɨra ikia bizibav gei. Kamaghɨn amizɨ gumazamizitaba, marvir guar kamɨn ziam fan aghuaghtɨ, a mɨkemeghtɨ me me mɨsueghtɨ me arɨmɨghiram.

Akar Mogomem 2:13

Kɨ nguibar ia itim bar deragha a gɨfo, Satanɨn atrivir dabirabim nguibar kamɨn iti. Ezɨ ia nan ziamɨn tugha gavgavigha, nɨghnɨzir gavgavim nan ikia egha ia nɨghnɨzir gavgavir kam modir puvatɨ. Fomɨra gumazir mam Antipas, a gumazir nan akam akurim, egha ia ko ike. A guizbangɨra nan akamɨn gɨn zui, ezɨ me ian nguibar ekiar Satan itimɨn a mɨsoghezɨ an areme. Dughiar kamɨn ia uaghan akɨrim ragha na gasarazir puvatɨ.

Akar Mogomem 13:7

Ezɨ God an amamangatɨzɨma, a Godɨn gumazamiziba ko mɨdorozim gamua, egha me abɨra. God gavgavir ekiam a ganɨngi, ezɨ an anababa bar dar gumazamiziba, ko mɨkarzir igharagha gariba bar, ko vaghvagha nguibabar akabav geir gumazamiziba, ko kantriba bar dar gumazamiziba, a me gativaghamin gavgavim iti.

Akar Mogomem 12:11

Kraisɨn adarasi, dughiar gumazamiziba me mɨsozima me ariaghirim, dughiar kamɨn me uan mɨkarzibagh nɨghnɨzir pu. Bar puvatɨ. Me ghaze, pura bizim. Kamaghɨn amizɨ, me Sipsipɨn Nguzimɨn ghuzim ko guizɨn akar me gun mɨgeimɨn, me Satanɨn mɨsuegha anebɨra.

Aposel 22:20

Ezɨ nɨn akam akurir gumazir kam Stiven, me a mɨsoghezɨ an areme. Kɨ an boroghɨn tughav ikia, uan damazimɨn arazir kamɨn garima a dera. Ezɨ kɨ Stiven mɨsoghezɨ an aremezir adarazir korotiar ruaribar gari.’

Daniel 7:25

Eghtɨ an akar kurabar Godɨn Bar Pɨn Itim mɨkɨmɨva, egh an gumazamiziba dɨkabɨnam. Egh me Arazir God Me Ganɨngiziba ko, dughiar ekiar Godɨn ziam feba, da batoghsɨ damuam. Egh an azenir pumuning ko mɨkezim ko akuamɨn Godɨn gumazamizibagh ativagh men ganam.

Habakuk 1:13

Babilonia me gumazamizir ifariba, egha me arazir kurar avɨribagh ami. Ezɨ bar manmaghɨram amizɨ, nɨ me ataghizɨ, me nɨn ingangarim gami? Kɨ fo, nɨ bar moghɨra zue, egha nɨ gumazir arazir kurabagh amibar araziba tuisɨgh, egh men arazir kuraba bagh, ivezir kuram me ikarvagham. Ezɨ gumazamizir kurar kaba, me gumazamizir mong derazibagh asɨghasɨsi. Ezɨ nɨ puram aperaghav ikia men gari. Nɨ bar tizim bagha kamaghɨn ami?

Daniel 7:21

Ezɨ irebar kam kɨ an garima, komɨn kam Godɨn gumazamiziba ko mɨsogha ikia, me dɨkabɨra ghuavti Fomɨra Fomɨra Itir Gumazim oto. Egha a komɨn kam isa kotiam gatɨgha kamaghɨn mɨgei, Godɨn Bar Pɨn Itimɨn gumazamiziba, me kotiamɨn aven komɨn kam gafira. Ezɨ dughiam otozɨma Godɨn gumazamiziba, me biziba bar dagh ativamin gavgavim ini.

Jon Osirizir Akar Aghuim 2:10

kamaghɨn a mɨgei, “Gumazamiziba bar wainɨn dɨpar aghuim faragha me ganɨdi. Ezɨ gumazamiziba wainɨn avɨrim amegha gɨvazɨma, me gɨn wainɨn dɨpar mong afangizim anɨdi. Ezɨ no, nɨ wainɨn dɨpar aghuimɨn anogoregha, egha datɨrɨghɨra nɨ a inigha izi!”