Akar Mogomem 16:19 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁹ Ezɨ Babilonɨn nguibar ekiam bɨaghiregha 3plan okoruabar otifi, ezɨ gumazamizibar nguibaba bar moghɨra ikufi. God Babilonɨn nguibar ekiamɨn arazir kuram gɨnɨghnɨgha, egha a gamizɨ a uan wainɨn kap bar aneme, kar Godɨn anɨngagharir arazimɨn wainɨn kap.

Godɨn Akar Aghuim; Akar Dɨkɨrɨzir Gavgavir Igiam

¹⁹ Ezɨ Babilonɨn nguibar ekiam bɨaghregha 3 plan okuruabar otifi, ezɨ gumazibar nguibaba bar moghɨra ikufi. God Babilonɨn nguibar ekiamɨn arazir kuram gɨnɨghnɨgha, egha a gamizɨ a uan wainɨn itarim bar aneme, kar Godɨn anɨngagharir arazimɨn wainɨn itarim.

Akar Mogomem 16:19 ပူးပေါင်းရင်းမြစ်များ

Akar Mogomem 18:5

A uabɨ uan arazir kurabar pozim mɨkɨrav iti, da ghuavanaga Godɨn Nguibamɨn oto. Ezɨ God an amizir arazir kurabagh nɨghnɨghavɨra iti.

Akar Mogomem 18:10

Egh me mɨzazir ekiar a isir kamɨn ganigh, atiatigh saghon tuivigh ikɨ, kamaghɨn mɨkɨmam: “ ‘Noka, Babilonɨn nguibar ekiam. Noka! Nɨ nguibar ekiar gavgavim itim! Nɨn arazir kurabar ivezir kuram dughiar otevimra nɨ bagha ize.’

Akar Mogomem 17:18

Ezɨ amizir nɨ ganizim, a nguazir kamɨn atriviba bar dar garir nguibar ekiamɨn ababanim.”

Akar Mogomem 18:21

Ezɨ mɨgɨrɨgɨar kaba gɨvazɨma, enselɨn gavgavir mam wit mɨrmɨrir dagɨamɨn mɨn garir dagɨar ekiam ini. Egha dagɨar kam fegha a isa ongarimɨn anekunigha kamaghɨn mɨgei: “Kamaghɨra, me Babilonɨn nguibar ekiam inigh zuamɨra pamtem anekunightɨ a bar magɨrɨgh bar ikuvightɨ, me uam an ganan kogham.

Akar Mogomem 18:2

A pamten diagha kamaghɨn mɨgei: “Babilonɨn nguibar ekiam ikuvigha gɨfa! A bar ikufi! Ezɨ datɨrɨghɨn duar kuraba ko adariar mɨzɨrɨzir kuraba ko kuarazir mɨzɨrɨziba ko kuarazir kuraba, darara an iti.

Akar Mogomem 17:5

Ezɨ amizir kamɨn guam, me ziar mam osiri, ziar kamɨn mɨngarim modoghav iti. Ezɨ an mɨngarim kamakɨn: “Babilonɨn nguibar ekiar gavgavim itim, nɨ, nguazimɨn itir arazir bar kuraba ko amizir gumaziba okɨa me ko akua arazir mɨzɨrɨzibagh amiba, nɨ men amebam.”

Daniel 4:30

Egha kamaghɨn mɨgei, “Ia gan, Babilon a nguibar bar ekiam egha bar dera. Nan gavgavimɨn kɨ uabɨ an ingari, kɨ nguibar kam gamizɨ an otogha, uan gavgavim ko ziar ekiam isɨ gumazamizibar akakaghasa.”

Jeremaia 25:26

nguazir notɨn amadaghan itibar atriviba, men marazi saghon itima, marazi roghɨra iti, kɨ vaghvagha bar me ganɨngi. Kɨ nguazir kamɨn kantriba bar dar atriviba, kɨ bar me ganɨngi, ezɨ me aneme. Ezɨ bar abuan Babilonɨn atrivim abuananam ame.

Akar Mogomem 11:8

Eghtɨ aningɨn kuamning nguibar ekiar kamɨn tuavir ekiamɨn irɨghɨv ikiam. E akar isɨn zuimɨn a dɨbora ghaze, Sodom o Isip. Nguibar kamra me fomɨra gumazir kamningɨn Ekiam, ter ighuvimɨn a gafugha a mɨsoghezɨ an areme.

Aisaia 49:26

Egh kɨ nɨn apanibar amutɨ, me uarira uariv sogh uarigh asɨghasigham, mati gumazim uan namakabar tuzibar amam. Me pamtem uarira uariv sogham, mati gumazim uan namakabar ghuziba apa bar ongani. Eghtɨ nguazir kamɨn gumazamiziba bar bizir kɨ amizir kamɨn ganigh, me kamaghɨn fogh suam, Kɨ uabɨra, kɨ Ikiavɨra Itir God. Kɨ gumazir uamategha uan gumazamiziba isim. Kɨ ian Akurvazir Gumazim. Kɨ Jekopɨn adarazir Godɨn Gavgaviba Bar Itim.”

Akar Mogomem 17:1

Ezɨ 7plan enselɨn itarir 7plan suighizir kabanangɨn mav iza kamaghɨn na mɨgei, “Nɨ kagh izɨ. Eghtɨ kɨ amizir ivezir kuram iniamim, nɨn akaghasa. Amizir kam, arazir kurabagh amir amizim, a dɨpar ekiar avɨribagh isɨn apiav itir amizim.