Akar Mogomem 15:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ekiam nɨ uabɨra guizbangɨra God. Eghtɨ gumazamiziba bar nɨn atiating ziar ekiam nɨ danɨng. Nɨn arazir aghuiba bar azenim girɨgha gɨfa, kamaghɨn amizɨ, kantriba bar dar gumazamiziba bar izɨ nɨ bagh teviba apɨr nɨn ziam fam.”

Godɨn Akar Aghuim; Akar Dɨkɨrɨzir Gavgavir Igiam

⁴ Ekiam nɨ uabɨra guizbangɨra God. Eghtɨ gumazamiziba bar nɨn atiatigh egh ziar ekiam nɨ danɨng. Nɨn arazir aghuiba bar azenim girɨgha gɨfa, kamaghɨn amizɨ kantriba bar dar gumazamiziba bar izɨ nɨ bagh teviba apɨr nɨn ziam fam.”

Akar Mogomem 15:4 ပူးပေါင်းရင်းမြစ်များ

Onger Akaba 86:9

O Ekiam, ikɨzibar gumazamizir nɨ ingariziba bar izɨ, nɨn ziar ekiam bagh teviba apɨrigh, nɨn ziam fam.

Malakai 1:11

“Kɨ Ikiavɨra Itir Godɨn Gavgaviba Bar Itim, kɨ ghaze, gumazamizir aruem anadi naghɨn itiba ko, aruem uaghiri naghɨn itir kantriba, me bar moghɨra ziar ekiam na ganɨdi. Nguibaba bar dar gumazamiziba mughuriar aghuim zuir ofaba ko, ofan igharazir guar avɨriba sara na danɨngam. Gumazamizir kaba me bar moghɨra ziar ekiam na ganɨdi.

Jeremaia 10:7

Nɨ kantriba bar dar gumazamiziba bar me gativagha men gari, ezɨ me bar nɨn atiating nɨn apengan ikɨ nɨn ziamra fam. Ezɨ nguazir kamɨn fofozir aghuiba itir gumaziba ko atriviba, men tav nɨn mɨn amir puvatɨ.

Onger Akaba 22:27

Nguazimɨn itir ikɨziba bar, me Ikiavɨra Itir God gɨnɨghnɨgh, a bagh izɨ an guamɨn teviba apɨrigh an ziam fam.

Akar Mogomem 11:15

Ezɨ enselɨn namba 7 uan sɨgham givima, Godɨn Nguibamɨn itir darazi tiariba akara ghaze: “En Ekiam ko an Gumazir a Gumazamiziba Ua Me Iniasa Mɨsevezim, aning datɨrɨghɨn nguazir kam gativagha an gari. Egh aning atrivimɨn ikɨ mamaghɨra ikiam.”

Akar Mogomem 14:7

Egha a pamten kamaghɨn mɨgei, “God gumazamizibar arazibar tuisɨghamin dughiam bar roghɨra ize. Kamaghɨn amizɨ, ia Godɨn atiating, egh ziar ekiam a danɨng. Ia, overiam ko nguazim ko ongarim ko nguazimɨn aven ivemarir dɨpabar ingarizir God, an ziam fɨ.”

Sekaraia 14:16

Judaba uan apaniba abɨraghtɨ, men apanir mɨkeaghɨrɨziba, me azenibar zurara Jerusalemɨn izɨva Atrivimɨn ziam fam, a Ikiavɨra Itir Godɨn Gavgaviba Bar Itim. Egh me Averpenibar Ikiamin Dughiar Ekiamɨn aven ikiam.

Aisaia 25:3

Kantrin gavgavibar gumazamiziba, ziar ekiam nɨ danɨngam. Eghtɨ kantrin kurabar nguibar ekiaba, me nɨn atiatingam.

Aisaia 45:23

Kɨ Ikiavɨra Itir God, kɨ uabɨ uan ziamɨn pɨn akakagha mɨkeme, egh kɨ uan akam akɨrigha mɨkemezir bizir kam, kɨ a giraghan kogham. Nan mɨgɨrɨgɨam kamakɨn, gumazamiziba bar moghɨra nan guamɨn teviba apɨrigh nan ziam fam. Egh me akam akɨrigh suam, e uari Godɨn apengan ikiam.

Akar Mogomem 4:8

Bizir 4plan angamɨra itir kaba, da 6plan avɨziba bar vaghvagha men iti. Ezɨ men mɨkarziba damazir avɨriba da ave, egha uaghan men avɨzibar apengan iti. Egha arueba ko dɨmagaribar kamaghɨn mɨgei: “Ekiam, a Godɨn Gavgaviba Bar Itim. Egha a bizir kuraba bar dar saghon ikia a bar zue. A bar zue, a bar zue. A fomɨra ikia, egha datɨrɨghɨn ikia, egh gɨn uamategh izam.” Me mɨgɨrɨgɨar kam gamua mamaghɨra ikia egha avughsaziba puvatɨ.

Sekaraia 2:11

Dughiar ekiar kɨ ian akurazɨ kamɨn, kantrin avɨribar gumazamiziba Ikiavɨra Itir God bagh izɨ, an gumazamizibar ikiam. Guizbangɨra, kɨ izɨ ia ko ikɨva ian tongɨn ikiam.” Bizir kam otoghtɨ, ia fogh suam, Ikiavɨra Itir Godɨn Gavgaviba Bar Itim, a uabɨ na amadazɨ kɨ ia bagha ize.

Akar Mogomem 16:7

Ezɨ kɨ orazi tiarir mam Godɨn ofa gamir dakozimɨn aven otogha pamten diagha ghaze: “Ekiam, nɨ Godɨn Gavgaviba Bar Itim. Nɨ kotɨn gumazamizibar araziba bar guizbangɨra da tuisɨsi, ezɨ nɨn kotiam a bar guizbangɨra ghua egha bar dera.”

Akar Mogomem 19:2

God gumazamizibar araziba tuisɨzir arazim, a guizbangɨra ghua bar dera! Amizir gumaziba okɨa me ko akuim, a nguazimɨn gumazamizibagh amizɨ, me a koma arazir mɨzɨrɨzibagh ami, ezɨ God a isa kot gatɨgha ghaze, an aremegham. Amizir kam Godɨn ingangarir gumazamizibav soghezɨ me ariaghire, ezɨ God an osɨmtɨzir kam ikarvagha osɨmtɨzir ekiam a ganɨngi.”

Aisaia 26:9

Dɨmagaribar mɨtiriam nan azi moghɨn, nan nɨghnɨzim nɨrara iti. Egha mɨzarazibar, kɨ uan navir averiamɨn aven nɨ ko ikiasa bar ifonge. Kɨ fo, nɨ nguazir kamɨn itir gumazamizibar araziba tuisɨsi, eghtɨ me ganɨva guizɨn nɨn araziba deraghvɨra dagh fogham.

Onger Akaba 89:7

Nɨn Nguibamɨn enselbar gumazir dapaniba, me uari akuva bizibav gɨa nɨn atiatia nɨn apengan iti. Enselɨn igharazir nɨ okarigha itiba, me uaghan atiatia nɨrarama apengan iti.

Akɨnafarir Pol Romɨn Nguibar Ekiamɨn Itir Sios Bagha Osirizim 15:9

Krais uaghan kamaghsua, a Kantrin Igharazibar Gumazamizibar amightɨ, me Godɨn apangkuvim bagh an ziam fam. Godɨn Akɨnafarim bizir kam kamaghɨn a mɨgei: “Kamaghɨn amizɨ, kɨ Kantrin Igharazibar Gumazamizibar tongɨn ikɨva nɨ mɨnamam. Egh kɨ nɨn ziam fɨva ighiabar amuam.”

Hosea 3:5

Dughiar kam gɨvaghtɨ, Israelia uamategh Ikiavɨra Itir God, men God bagh izɨ, akongɨva atiatingvɨra an ziamra fam. Egh me Atrivim Devitɨn ovavir borir mamɨn gɨn mangam. Egh me Ikiavɨra Itir Godɨn akamɨn apengan ikɨtɨ, gɨn izamin dughiamɨn a bizir aghuariba me danɨngam.

Aisaia 6:3

Egha me dɨa ongava uarira uariv gɨa ghaze: “Ikiavɨra Itir Godɨn Gavgaviba Bar Itim, an arazir kurabar saghon ikiava Bar Zue, a Bar Zue, a Bar Zue! An angazangarim ko gavgavim ko ziar ekiam, bar nguazim avara.”

Onger Akaba 111:9

A ua uan gumazamizibagh ivezegha ua me ini. Egha Akar Gavgavim me koma anekɨra ghaze, Akar Dɨkɨrɨzir Gavgavir kam zurara ikɨ mamaghɨra ikiam. Ikiavɨra Itir God, an arazir aghuibaram amua bar derazir God, ezɨ gumazamiziba an ziar ekiam gɨnɨghnɨgha ghaze, a bar pɨn kozɨ, me an atiatia an apengan iti.

Akar Mogomem 6:10

Duar kaba dɨa kamaghɨn mɨgei, “Gavgaviba bar itir Ekiam, nɨ arazir kuraba bar dar saghon ikia egha bar zue! Ezɨ nɨn akar dɨkɨrɨziba da guizbangɨra otifi! E nɨ mɨzua iti, nɨ zuamɨra nguazimɨn itir gumazamizibar araziba tuisɨghɨva, egh en ghuzimɨn ivezim ikarvagh!”

Habakuk 1:12

O Ikiavɨra Itir God, nɨ fomɨra ikia iza datɨrɨghɨn, nɨ ikiavɨra iti. Nan God, nɨ nan Godɨn Bar Zuezim. Nɨ zurara ikɨ mangɨ aremeghan kogham. O Ikiavɨra Itir God, nɨ mati dagɨar bar gavgavim, ezɨ e nɨn gɨrakɨrangɨn uari modi. E fo, nɨ en arazir kuraba ikarvagh, puv e damuasa, Nɨ Babilonia amɨsevegha gavgavim me ganɨngi.

Akar Mogomem 3:7

Gumazir kam ua kamaghɨn mɨgei, “Nɨ Filadelfian nguibar ekiamɨn itir siosɨn garir ensel bagh akataba osirigh. Akar kaba kamakɨn: “Kɨ dughiaba bar zuegha God baghavɨra iti, ezɨ nan akar dɨkɨrɨziba da guizbangɨra otifi. Ezɨ kɨ Devitɨn kin suira, egh bizim kɨ a kuightɨ, gumazitam bar uam anesaraghan kogham. Egh bizim kɨ an tiam asaraghtɨ, gumazitam bar uam a kuighan kogham. Kɨ akar kam nɨ bagha anemadazɨma a izi.

Onger Akaba 105:7

Ikiavɨra Itir God, a en God. A nguazir kamɨn gumazamiziba bar me gativagha men gari.

Onger Akaba 99:9

E Ikiavɨra Itir Godɨn ziam fam, a en God, e an mɨghsɨamɨn an ziam fam. Ikiavɨra Itir God, a en God, a Godɨn arazir aghuibaram amim.

Onger Akaba 22:3

Ezɨ nɨrara bar deragha zuegha, arazir aghuibaram amua, uan atrivir dabirabim gaperaghav itima, Israelia nɨn ziam fe.

1 Samuel 2:2

O Ikiavɨra Itir God, tav nɨn mɨn, bar zuezir puvatɨ. Egha godɨn igharazitam nɨn mɨn itir pu. Bar puvatɨ. Nɨ bar dagh afira. Nɨ uabɨra, dagɨar ekiamɨn mɨn gavgavim ikia e moga en akurvagha e geghufi.

Aisaia 60:5

Eghtɨ nɨ bizir kamɨn ganigh, nɨn guam angazangarimɨn mɨn taghtaghtɨ, nɨn navir averiam bar akuegham. Guizbangɨra, kurir ekiaba, bizir aghuir avɨriba inigh ongarim abɨgh nɨ bagh izam, eghtɨ nɨ dagɨaba ko bizir aghuiba nguazir kamɨn kantriba dam ada iniam.

Jeremaia 16:19

O Ikiavɨra Itir God, nɨ gavgavim na ganɨga, nan danganir mogomemɨn mɨn ikia, egha osɨmtɨzibar dughiabar nɨ nan akurvasi. Nguazir kamɨn oteviba bar dar gumazamiziba bar, nɨ bagh izɨ kamaghɨn mɨkɨmam: En inazir afeziabar aseba, da pura bizir kɨniba, da e gifara, en akuraghan kogham.

Aisaia 57:15

“Kɨrara, kɨ God, kɨ ziar bar pɨn itim ikia, egha zurara iti. Ezɨ nan ziam bar zue. Kɨ bar pɨn ikia uan Nguibar Zuezimra iti. Egha kɨ uaghan gumazamizir uari dɨkabɨra, uan arazir kuraba ataghɨragha navibagh iraziba, kɨ me ko iti. Egha kɨ gavgavim men navibagh anɨga, men ikɨrɨmɨrim gamima, a ua deraghavɨram oto.

Aisaia 24:15

Kamaghɨn amizɨ, ia aruem anadi naghɨn itir gumazamiziba, Ikiavɨra Itir Godɨn ziam fɨ. Ia ongarimɨn arighatɨzibar itir gumazamiziba, ia bar moghɨra ziar ekiam a danɨng, a Israelian God, Ikiavɨra Itir God.

Onger Akaba 99:5

Ia Ikiavɨra Itir Godɨn ziam fɨ, a en God. An arazir aghuiba, ko an damazimɨn zuezir arazibara amir God. Kamaghɨn, ia an boroghɨn mangɨ teviba apɨrigh, an ziam fɨ.

Onger Akaba 97:8

Saionɨn nguibamɨn itir gumazamiziba, bizir kam barasi. Judan nguibabar itir gumazamiziba, nɨn kotiar arazir aghuir kam bagh bar akuegh, men naviba deragham.

Onger Akaba 22:23

Kɨ kamagh mɨkɨm suam, “Ia Ikiavɨra Itir Godɨn atiatia an apengan iti darasi, ia an ziam fɨ. Ia Jekopɨn ovavir boriba, ia ziar ekiam a danɨng. Ia Israelia, ia an damazimɨn tugh an ziam pɨrafɨ.”

Jeremaia 5:22

Ikiavɨra Itir God kamaghɨn ia mɨgɨa ghaze, Ia manmaghsua nan damazimɨn atiatiava agoir puvatɨ? Kɨ ongarim dɨpɨr izɨ mɨtivasa danganimɨn abaragha gɨfa, ezɨ ongarir dadarim an ongarim dɨpɨr izɨ tuivamin dɨvazimɨn mɨn ikɨ mamaghɨra ikiam. Eghtɨ ongarir ekiam pamten dɨpɨr izɨ, egh dɨvazir kam azovagh mangɨghan kogham.

Akar Mogomem 16:5

Ezɨ kɨ orazi, enselɨn dɨpabar garim kamaghɨn mɨgei: “God, nɨ datɨrɨghɨn ikia, egha uaghan faragha ike. Nɨ Godɨn Bar Zuezim. Nɨn araziba bar derazɨ arazir kuratam nɨn itir puvatɨ. Nɨ gumazamizibar arazir kuraba tuisɨgha da ikarvagha ivezir kuram me ganɨngi, ezɨ nɨn arazir kam a guizɨn arazim.

Akar Mogomem 19:8

Amizir kam, God korotiar ghurghurir bar aghuim a ganɨngi, korotiar kam bar zuegha an dirim dafogha isi.” (Korotiar ghurghurir kam, a Godɨn gumazamizibar arazir aghuir me Godɨn damazimɨn amiba, dar ababanim gami.)