Akar Mogomem 14:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Egha a pamten kamaghɨn mɨgei, “God gumazamizibar arazibar tuisɨghamin dughiam bar roghɨra ize. Kamaghɨn amizɨ, ia Godɨn atiating, egh ziar ekiam a danɨng. Ia, overiam ko nguazim ko ongarim ko nguazimɨn aven ivemarir dɨpabar ingarizir God, an ziam fɨ.”

Godɨn Akar Aghuim; Akar Dɨkɨrɨzir Gavgavir Igiam

⁷ Egha a pamten kamaghɨn mɨgei, “God gumazamizibar arazibar tuisɨghamin dughiam bar roghɨra ize. Kamaghɨn amizɨ, ia Godɨn atiating, egh ziar ekiam a danɨng. Ia, overiam ko nguazim ko ongarim ko nguazimɨn aven ivemarir dɨpabar ingarizir God, an ziam fɨ.”

Akar Mogomem 14:7 ပူးပေါင်းရင်းမြစ်များ

Ua Me Ini 20:11

Guizbangɨra, Ikiavɨra Itir God 6plan aruebar nguazim ko overiam, ongarimɨn ko dar itir biziba bar adar ingari. Egha namba 7ɨn aruem an avughse. Kamaghɨn amizɨ, Ikiavɨra Itir God, Sabatɨn dughiam deraghavɨra a gɨnɨghnɨgha an anogorogha a gamizɨma, an a baghvɨra ikiamin dughiamɨn oto. Kar Godɨn dughiamra.

Akar Mogomem 15:4

Ekiam nɨ uabɨra guizbangɨra God. Eghtɨ gumazamiziba bar nɨn atiating ziar ekiam nɨ danɨng. Nɨn arazir aghuiba bar azenim girɨgha gɨfa, kamaghɨn amizɨ, kantriba bar dar gumazamiziba bar izɨ nɨ bagh teviba apɨr nɨn ziam fam.”

Nehemia 9:6

Gumazamiziba kamaghɨn God ko mɨgɨa ghaze: “Nɨ uabɨra nɨ Ikiavɨra Itir God. Nɨ overiam ko mɨkoveziba ko nguazim ko ongarim ko bizir bar adar itiba, nɨ bar dar ingari. Nɨ angamɨra itir ikɨrɨmɨrim bar dagh anɨngi. Nɨn Nguibamɨn itir enselba iteviba apɨra nɨn ziam fe.

Akar Mogomem 11:18

Kantrin Igharazibar Gumazamiziba bar puvɨram atari, ezɨ nɨn anɨngagharim otogha gɨfa. God gumazamizir ovengeziba tuisɨghamin dughiam otogha gɨfa. Kar dughiar nɨn ingangarir gumazamizir nɨn akam inigha izeziba, me uan ivezir aghuim iniamim. Gumazamizir nɨn atiatia egha nɨn ziamɨn apengan itiba, gumazamizir ziaba itiba ko ziaba puvatɨziba uakan. Eghtɨ gumazamizir nguazimɨn itir gumazamizibagh asɨghasɨziba, God uaghan me gasɨghasɨgham.”

Akar Mogomem 4:11

“Nɨ en Ekiam, en God. Nɨ biziba bar dar ingari. Egha nɨ uan ifongiamɨn, biziba bar dar ingarizɨma da otifi, ezɨ datɨrɨghɨn biziba bar iti. Kamaghɨn amizɨ, nɨrara e uari nɨn torogha nɨn ziam bar pɨn anetɨ. Gumazamiziba bar nɨ bagh bar akuegh, egh nɨn ziam fɨva, nɨn gavgavimɨn apengan ikiam.”

Akar Mogomem 11:13

Ezɨ dughiar kamra mɨkɨmkɨzir dafam otozɨ, God nguibar ekiamɨn dɨpeniba 10plan okoruabar da tuirazɨ dar okoruar mam bar ikufi. Ezɨ 7,000plan gumazamiziba ariaghire, ezɨ ariaghirezir puvatɨziba ikia, bar atiatigha Godɨn uan Nguibamɨn itimɨn ziam fe.

Onger Akaba 33:6

Ikiavɨra Itir God fomɨra mɨkemezɨ, aruem ko iakɨnim ko mɨkoveziba, ko overiamɨn pɨn itir biziba bar otivigha iti.

Akar Mogomem 18:10

Egh me mɨzazir ekiar a isir kamɨn ganigh, atiatigh saghon tuivigh ikɨ, kamaghɨn mɨkɨmam: “ ‘Noka, Babilonɨn nguibar ekiam. Noka! Nɨ nguibar ekiar gavgavim itim! Nɨn arazir kurabar ivezir kuram dughiar otevimra nɨ bagha ize.’

Akar Mogomem 16:9

Aruemɨn avir gavgavir kam bar puvɨra isia, egha puvɨra gumazamizir kabar mɨkarzibar isi. Ezɨ me bar puvɨra Godɨn ziam gasɨghasɨgha a mɨgei, kar bizir kurar kabar garir Godɨn gavgavim itim. Egha me uan navibagh iragha an ziam fer puvatɨ.

Akar Mogomem 4:9

Bizir angamɨra itir kaba, me gumazir uan atrivir dabirabim gaperaghav itim bagha bar akonge, a gumazir zurara angamɨra itim. Egha me an ziam fava, egha a mɨnabi. Ezɨ bizir 4plan angamɨra itir kaba zurara dughiabar kamagh amuvɨra itima,

Onger Akaba 124:8

Bar guizbangɨra, Ikiavɨra Itir Godɨn overiam ko nguazimɨn ingarizim, a uabɨra en akurvasi.

Aposel 14:15

“Maia! Gumazamiziba, ia tizim bagha arazir kam gami? Ga pura gumazir kɨnimning, egha uaghan ian mɨrara gari. Ga kamaghsua Akar Aghuir kam ia mɨgei. Ia pura bizir kɨnir kabar ziaba fan markɨ. Ia uari isɨ Ekiam danɨng, an Angamɨra Itir God. A Godɨn overiam ko nguazim ko ongarimɨn ingarizim, egha dar itir biziba bar adar ingari.

Aisaia 40:6

Ezɨ tiarir mam kamaghɨn mɨgɨa ghaze, “Nɨ akam akun.” Ezɨ kɨ ghaze, “Kɨ akar manam akunam.” Ezɨ tiarir kam na ikaragha ghaze, “Nɨ kamaghɨn mɨkɨm suam, Gumazamiziba nguazir kamɨn ikɨvɨra ikian kogham, me oghevseviba mɨdɨi moghɨra mɨsigham. Me ruarimɨn itir akɨmariba suaghiri moghɨn, dughiar ruaribar itir puvatɨ.

Akar Mogomem 19:5

Ezɨ tiarir mam atrivimɨn dabirabimɨn iza kamaghɨn mɨgei: “Ia Godɨn ingangarir gumazamizir an atiatiava an apengan itiba, ia gumazamizir ziaba itiba ko ziaba puvatɨziba, ia bar Godɨn ziam fɨ!”

Hosea 8:1

Egha Ikiavɨra Itir God kamaghɨn mɨgei: “Ia mɨdorozim damusɨ sɨgham givi. Apaniba atamra izɨ nan Dɨpenim mɨsoghasava ami, mati kuarazir isam asɨzim iniasa zuamɨra mɨghegha nguazimɨn izaghiri. Guizbangɨra, nan gumazamiziba Akar Dɨkɨrɨzir Gavgavir kɨ me ko amizim abɨki, egha nan akam batoke.

Jeremaia 10:10

Ezɨ Ikiavɨra Itir God, a guizbangɨra God. A Godɨn zurara ikia mamaghɨra itim, egh atrivimɨn ikɨ mamaghɨra ikiam. Ezɨ an anɨngagharim nguazim gamima, a ivazvasi, eghtɨ gumazamiziba deraghvɨra ikian kogham.

Aisaia 42:12

Ia gumazamizir roghɨra itiba, ziar ekiam Ikiavɨra Itir God danɨng. Ia saghon itir arighatɨzibar gumazamiziba, ia bar moghɨra an ziam fɨ.

Onger Akaba 89:7

Nɨn Nguibamɨn enselbar gumazir dapaniba, me uari akuva bizibav gɨa nɨn atiatia nɨn apengan iti. Enselɨn igharazir nɨ okarigha itiba, me uaghan atiatia nɨrarama apengan iti.

Onger Akaba 36:1

Arazir kuram, a gumazir kuramɨn navir averiamɨn ikia nɨghnɨziba a ganɨdi. Gumazir kabanang, me tong Godɨn atiatia an apengan itir puvatɨ. Bar puvatɨ. Me bar akɨrim ragha God gasara.

Josua 7:19

Ezɨ Josua kamaghɨn Akan mɨgei, “Nan otarim, nɨ datɨrɨghɨn guizbangɨra Ikiavɨra Itir God, a Israelian God, nɨ an damazimɨn mɨtɨgh, egh bizir nɨ amizim datɨrɨghɨn an gun na mɨkɨm. Egh bizitamɨn nan ghuangsɨghan markɨ.”

Akar Mogomem 8:10

Ezɨ namba 3 ensel uan sɨgham givima mɨkovezir ekiar mam adenimɨn mɨn puvɨra isia, overiam ategha irɨ. Ezɨ me 3plan okoruabar faneba tuira, ezɨ mɨkovezir kam faner okoruar kabar mam gira, egha uaghan dɨpar atuibagh irɨ.

Luk Osirizir Akar Aghuim 17:18

Ezɨ Judan gumazitam ua iza, Godɨn ziam fe, o puvatɨ? Gumazir saghuiamɨn izezim uabɨra izava Godɨn ziam fe.”

Daniel 8:19

Ezɨ a mɨgei, “Kɨ Godɨn anɨngagharim gɨvaghamim dughiamɨn, nɨ mɨkɨmasa. Kar God inabazir dughiar abuananam. Bizir kaba nɨ irebamɨn ganizɨ moghɨn otivam.

Esekiel 7:6

Ia gan! Ian dughiar abuananam datɨrɨghɨn roghɨra izegha gɨfa, egha ia agɨvasava ami.

Esekiel 7:2

O nguazir kamɨn gumazim, kɨ Ikiavɨra Itir Godɨn Ekiam, kɨ kamaghɨn Israelɨn nguazibar itir gumazamizibav gɨa ghaze: Kar dughiar abuananam! Dughiar abuananam a nguazir oteviba bar dar otivasava ami.

Aisaia 58:1

Ikiavɨra Itir God kamaghɨn Aisaia mɨgei, “Nɨ bar pamtemɨn dɨm! Egh aghumra dɨman markɨ! Nɨ tiarir arozim akar, mati sɨgham arang kamaghɨn nan gumazamiziba mɨkɨm, me nan Akar Gavgavibar gɨntɨzir puvatɨ. Nɨ Jekopɨn ovavir boribar arazir kurabar gun me mɨkɨm.

Aisaia 44:23

Ikiavɨra Itir God uan ziar ekiam ko gavgavim akagha Israelian akuragha ua me ini. Kamaghɨn amizɨ, O overiam, nɨ ighiabar amu bar akongegh. Nguazimɨn aven itir biziba bar, ia uaghan tiariba akar. O mɨghsɨaba ko temer ruarimɨn itiba, ia uaghan tiariba akar.

Aisaia 40:9

O Saionɨn gumazamiziba, ia mɨghsɨar ekiamɨn mavanangɨva, akar aghuim akun. O Jerusalemɨn gumazamiziba, ia pamtemɨn dɨmɨva akar aghuim akun. Nɨ atiatingan kogh, akam akun Judan nguibabav kɨm suam, “Ia gan, ian God a izi!”

Aisaia 40:3

Ezɨ gumazir tiarir mam kamaghɨn dɨa ghaze, “Ia gumazamiziba puvatɨzir danganimɨn, Ikiavɨra Itir God baghɨva tuaviba azenɨva dar kɨr.

Onger Akaba 95:5

A uabɨ ongarim ko nguazimɨn ingari, ezɨ aning uaghan an bizimningra.

Jenesis 22:12

Ezɨ ensel a mɨgɨa ghaze, “Nɨ uan borim mɨsueghtɨ an aremeghan markɨ. Egh arazitamɨn a damuan markɨ. Nɨ bar borir vamɨra ikia egha an anogoroghezir puvatɨ. Nɨ a isɨ God danɨngasavɨram ami. Kamaghɨn kɨ fo, nɨ gumazir Godɨn atiatiava an apengan itim.”

Akar Mogomem 18:19

Egh me uan osɨmtɨzim akaghasa nguazir mɨnemniaba inigh uan dapanibagh isɨn da kun, naviba bar osemegh egh aziva, kamaghɨn dɨm mɨkɨmam: “ ‘Noka, Babilonɨn nguibar ekiam. Noka! Ongarim garuir kuribar afeziaba, me nguibar ekiar kamɨn dagɨabar, dagɨar gumazir ekiabar otifi. Mevzika! A dughiar otevimrama bar ikufi!

Akar Mogomem 18:17

Ezɨ dagɨaba ko dirir aghuir an itir kaba dughiar bar otevimra bar ikufi!’ “Eghtɨ kuribar keptenba ko, gumazir kuribagh arua nguibar igharazibagh aruiba ko, kuribar ingangarir gumaziba ko gumazir ongarimɨn dagɨar ingangaribagh amiba, me bar moghɨra uaghan Babilonɨn saghon tuivigh ikiam.

1 Pita 4:7

Dughiar biziba bar gɨvamim roghɨra ize. Kamaghɨn amizɨ ia God ko mɨkɨmsɨ, bar deragh nɨghnɨgh, egh navir ghurimɨn araziba dɨkabɨn.

Matyu 25:13

Egha Iesus ghaze, “Kamaghɨra, ia deraghavɨra gan. Ian Ekiam, aruem ko dughiar ia fozir puvatɨzimɨn, an otogham.”

Malakai 2:2

Ia na bagh ingangaribar amusɨ, ia guizbangɨra nan ziar ekiam famin ingangaribar amu. Ia nan akaba batogh da baraghan koghtɨ, kɨ Ikiavɨra Itir Godɨn Gavgaviba Bar Itim, kɨ kamaghɨn mɨgei, ia bar ikuvigham. Egh bizir aghuir ia uarir akurvaghasa isiba, kɨ dagh asɨghasigham. Ia ghaze, kɨ ti pura mɨgei, egha nan akaba batosi. Kamaghɨn, kɨ ia gasɨghasigha gɨfa.

Onger Akaba 115:15

Guizbangɨra, Ikiavɨra Itir Godɨn overiam ko nguazimɨn ingarizim, a bar deravɨra ia damu.