Akar Mogomem 14:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Men akatoribar ifavaritam otozir puvatɨ. Ezɨ gumazamizir igharaziba akatam me gasir puvatɨ.

Godɨn Akar Aghuim; Akar Dɨkɨrɨzir Gavgavir Igiam

⁵ Men akatoribar ifavaritam otozir puvatɨ. Ezɨ gumazitam akatam me gasir puvatɨ.

Akar Mogomem 14:5 ပူးပေါင်းရင်းမြစ်များ

Efesus 5:27

A kamaghsua, a sios damightɨ an an damazimɨn bar aghungigh, egh bar zueghɨva, arazir kuratam puvatɨgh, duar kuriba ko seghsariba puvatɨghɨva, bizir kurar maba sara uaghan puvatɨgham. Kamaghɨn Krais a bagha uabɨ isa a ganɨngi.

Sefanaia 3:13

Israelian ikiavɨra itir varazira, men dɨbobonim bar sufi. Me arazir kurabar amuan koghɨva, akar ifavaribar amuan kogham. Me guizɨn akabar amu, egh ifaran kogham. Me deraghvɨra dapiagh avughsam, eghtɨ bizitam me damutɨ me atiatingan kogham.”

Onger Akaba 32:2

Gumazamizir arazir kurabagh amiba, God men arazir kuram mengvɨra ikian koghtɨ, arazir ifavaritam an ikian kogham, eghtɨ gumazamizir kaba bar akuegham.

Jut Osirizir Akɨnafarim 1:24

God uabɨ deraghvɨra ian gantɨ ia iran kogham. Eghtɨ a ia inigh mangɨtɨ ia an nguibar aghuimɨn ikiam. Egh ia an damazimɨn arazir kuraba puvatɨgh, bar akuegham.

Jon Osirizir Akar Aghuim 1:47

Ezɨ Iesus garima Nataniel a bagha izi. Ezɨ a kamaghɨn mɨgei, “Ia ganigh. Gumazir izir kam, a guizbangɨra Israelɨn gumazim. Ezɨ ifavarir akatam ko ifavarir arazir tam an itir puvatɨ.”

Kolosi 1:22

Ezɨ God kamaghɨn ifonge, a ia inigh ua bagh izam. Eghtɨ ia an gumazamizibar mɨn ikɨva, an damazimɨn bar zueghɨva, arazir kuratam ian ikian kogham. Kamaghsua datɨrɨghɨn Godɨn Otarim angamɨra gumazir mɨkarzim sara areme, ezɨ tuavir kamɨn God uam e ko navir vamɨra inis.

Luk Osirizir Akar Aghuim 23:4

Ezɨ Pailat kamaghɨn ofa gamir gumazir ekiaba koma gumazamizibav gɨa ghaze, “Kɨ gumazir kamɨn arazir kuratamɨn apizir puvatɨ.”

1 Pita 3:10

Godɨn Akɨnafarim ghaze: “Ekiamɨn damazimɨn derazir gumazamiziba, a deragha men gara, men azangsɨziba barasi. Gumazamizir arazir kurabagh amiba, Ekiam me batogha men aghua. Kamaghɨn tina dughiar ruarimɨn ikɨ, dughiar aghuibar gansɨva, egh akar kurabav kɨman koghɨva, ifavarir akaba atakigh. An akɨrim ragh arazir kurabagh asaragh, arazir aghuibara damu. Egh navir amɨrizimɨn, gumazamizir igharaziba ko ikɨsɨ gavgavigh mamaghɨra ikɨ.”

Matyu 12:34

Ia gumazir kuraba, ia kuruzir kurabar mɨn iti! Egh manmagh mɨgɨrɨgɨar aghuitam mɨkemegham? Puvatɨ. Ian navir averiabagh izɨvazir nɨghnɨzibar mara ian akatoribar otifi.

Hosea 10:2

Me ifarir gumazamiziba. Kamaghɨn amizɨ, me uan osɨmtɨzibar ivezir kuram iniam. Ikiavɨra Itir God men ofa gamir dakoziba, ko dagɨar guarir akɨniba apɨrarigham.

Daniel 6:4

Ezɨ gavmanɨn faragha zuir gumazir kaba ko, Daniel ko ingangarir vamɨram amimning, me nɨghnɨzir kam gifongezir puvatɨ. Egha me Danielɨn ingangarimɨn aven gari, a bizitam pazɨva a damightɨ, me a kot darɨgham. Me garima, Daniel a gumazir bar aghuim, egha an ingangarim bar dera. A ifarir puvatɨgha arazir kuratam gamizir puvatɨ, kamaghɨn amizɨ, me an arazir kuratamɨn apizir puvatɨ.

Aghuzir Akaba 8:8

Nan akaba da guizbangɨra. Kɨ akar ifavarir tam mɨkemeghan kogham.

Onger Akaba 34:13

Nɨ kamaghɨn ikɨsɨ, akar kurabav kɨman koghɨva ifavarir akaba atakigh.

Aisaia 53:9

Ezɨ me an kuam isa gumazir arazir kurabagh amiba ko, dagɨar avɨriba itir gumaziba ko anefa. Ezɨ e fo, a uabɨ arazir kuratam gamizir puvatɨ, egha a uaghan ifavarir akatam mɨkemezir puvatɨ.

Onger Akaba 55:11

Nguibar ekiar kamɨn aven an danganiba bar, gumazamiziba tintinibar uari gasɨghasɨghasava amua, arazir igharazibagh ami da otifi. Tuavir mɨriaba ko biziba amaga dagh ivezir danganiba bar, gumaziba gumazir igharazibav gɨa me abɨra, ifara pura men biziba isi.

Solomon 4:7

Nan amizir kɨ bar ifongezim, nɨn ganganim bar dera. Nɨn mɨkarzim duar kuritam an itir puvatɨ.

Malakai 2:6

Me guizɨn arazibar gumazamizibar sure gami. Egha arazir kuratamɨn men sure gamizir puvatɨ. Ezɨ men ikɨrɨmɨrim na ko bar dera. Egha me uari arazir aghuibaram amua gumazamizir igharazir avɨribar akurvazima, me arazir kuraba ataghɨrasi.

Hibru 9:14

Ezɨ Kraisɨn ghuzim asɨzibar ghuzim bar a gafira! Krais arazir kuratamɨn osɨmtɨzitam an itir pu. Bar puvatɨ. Godɨn Duar zurara itimɨn gavgavimɨn, a ofan mɨn uabɨ isa God ganɨngi. Kamaghɨn amizɨ, an ghuzim en inivafɨzibarama amizɨ da zuezir pu. Puvatɨ. A en navir averiamɨn aven itir arazir kuraba agɨvazɨ, e kamaghɨn fo, e Godɨn damazimɨn bar zuegha iti. Kamaghɨn amizɨ, e ua arazir ghurir angamɨra itir puvatɨzir kabar gɨn mangan kogham, egh e Godɨn zurara angamɨra itimɨn ingangarim damuam.

1 Pita 1:19

A Kraisɨn ghuzimɨn ia givese, ezɨ ghuzir kam a bar pɨn ko. Ezɨ Krais a sipsipɨn nguzir mamɨn mɨn ami. Ofa gamir sipsipba, duar kuriba dar mɨkarzibar itir puvatɨ, ezɨ Krais mati sipsipɨn nguzir mam, arazir kuratam an itir puvatɨ.

1 Pita 2:22

“Krais arazir kuratam gamizir puvatɨ, egha uaghan ifavarir akatam mɨkemezir puvatɨ.”