Akar Mogomem 14:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Ezɨ kɨ orazi, tiarir mam Godɨn Nguibamɨn mɨgei, ezɨ an mɨgɨrɨgɨaba mati dɨpar ekiaba puvɨra nɨdi moghɨn nɨdi, egha mati arariba dagarvazi moghɨn dagarvasi, egha mati gumazamiziba uan gitabav sozi moghɨn, pamten mɨgei.

Godɨn Akar Aghuim; Akar Dɨkɨrɨzir Gavgavir Igiam

² Ezɨ kɨ orazi, tiarir mam Godɨn Nguibamɨn mɨgei, an mɨgɨrɨgɨaba, dɨpar ekiaba puvɨra nɨdi moghɨn nɨga, egha arariba dagarvazi moghɨn dagarvasi, gumaziba uan gitabav sozi moghɨn, pamten mɨgei.

Akar Mogomem 14:2 ပူးပေါင်းရင်းမြစ်များ

Akar Mogomem 5:8

An akɨnafarir kam inigha gɨvazɨma, 4plan bizir angamɨra itir kaba ko 24plan gumazir dapanir kaba Sipsipɨn Nguzimɨn boroghɨn uan teviba apɨri. Gumazir dapaniba vaghvagha gitan mɨn garir biziba ko golɨn itaribar suiki. Itarir kaba, pauran mɨgharir mughuriar aghuim zuim, bar dagh izɨfa. Bizir kam kamakɨn, Godɨn gumazamiziba God ko mɨgeir arazim.

Akar Mogomem 1:15

An suemning mati bras, me avir ekiamɨn a tuazɨ, a isia dafozɨ moghɨn gari. Ezɨ kɨ an tiarim barazi, a mati dɨpar ekiam afora nɨdi.

Akar Mogomem 15:2

Ezɨ kɨ bizir ekiar mamɨn gari, a mati ongarir ekiam me glas ko avim sara an ingari. Gumazamiziba faragha asɨzir atiar kam ko an marvir guam, ko an ziamɨn namba, me dav sogha da abɨni. Egha me datɨrɨghɨn ongarir glasɨn mɨn garir kamɨn mɨriamɨn tuivighav ikia, egha God me ganɨngizir gitabar suiki.

Akar Mogomem 11:15

Ezɨ enselɨn namba 7 uan sɨgham givima, Godɨn Nguibamɨn itir darazi tiariba akara ghaze: “En Ekiam ko an Gumazir a Gumazamiziba Ua Me Iniasa Mɨsevezim, aning datɨrɨghɨn nguazir kam gativagha an gari. Egh aning atrivimɨn ikɨ mamaghɨra ikiam.”

Esekiel 43:2

Ezɨ kɨ garima, Israelian Godɨn angazangarir ekiam ko gavgavim aruem anadi naghɨn ikegha izi. Ezɨ angazangarir ekiam ko gavgavim izir dughiamɨn, kɨ nɨgɨnir ekiam barazima, a mati ongarir ekiaba dɨpɨra tɨngazi. Ezɨ Godɨn angazangarim nguazim gamima a bar dafogha taghtasi.

Onger Akaba 33:2

Ia kulele ko gitan stringɨn 10pla itim mɨsogh, Ikiavɨra Itir God bagh ighiam damu an ziam fɨ.

2 Samuel 6:5

Ezɨ Devit Israelia ko me bar moghɨra ghuava, Ikiavɨra Itir Godɨn damazimɨn bar akongegha pamtem ighiabagh amua, ararer aghuim gamua an ziam fe. Me gitaba ko buaba, tambarinba ko dɨbɨarir ararer guar avɨriba inigha dav sosi.

Ua Me Ini 19:16

Ezɨ dughiar namba 3ɨn mɨzarazimɨn arariba dagarvazi onɨmariba taghtazima, ghuariar mɨtiar pɨzir mam izaghira mɨghsɨam avara. Ezɨ me sɨghar ararer gavgavir mam baraki. Egha gumazamizir danganir kamɨn itiba, bar atiatigha nɨsi.

Akar Mogomem 18:22

O Babilon! Gitan arareba ko marvibar arareba ko, sɨghaba ko, ararer aghuir igharazir maba ua nɨn aven otivan kogham. Eghtɨ fofozir gumazamizir ingangarir guar igharagha garibagh amiba, me ua nɨn ikian kogham! Eghtɨ dagɨar witba mɨrmɨrimɨn ararem ua nɨn aven otivan kogham!

Akar Mogomem 11:12

Ezɨ aning orazi tiarir mam Godɨn Nguibamɨn kamaghɨn aning mɨgei, “Gua kagh anang.” Ezɨ aningɨn apaniba garavɨra itima, aning Godɨn Nguibamɨn ghuavanabo.

Akar Mogomem 6:1

Kɨ Sipsipɨn Nguzimɨn garima, an akɨnafarir 7plan kendelɨn grisba itir kamɨn suira, egha kendelɨn grisɨn faraghavɨra itim adangi. Ezɨ kɨ orazi, 4plan bizir angamɨra itir kabar mav kamaghɨn mɨgei, ezɨ an tiarim mati ararim dagarvagha, kamaghɨn mɨgei, “Nɨ izɨ!”

Akar Mogomem 1:10

Ekiamɨn dughiamɨn, Godɨn Duam na gizɨvagha pamten nan ingari, ezɨ nan gɨrakɨrangɨn kɨ tiarir mam barazi a sɨghamɨn mɨn pamten dei.

Onger Akaba 93:4

O Ikiavɨra Itir God, nɨn gavgavir ekiamɨn, nɨn Nguibamɨn itir biziba, nɨ bar dagh ativagha dar gari. Ongarim dɨpɨra nɨdir nɨgɨnim, a sufi. Nɨn gavgavim a gafiragha bar ekefe.

Onger Akaba 92:3

Kɨ gita ko kulele ko boam mɨsoghtɨ da ararer aghuim damu nɨn ziam fam.

Onger Akaba 57:8

Kɨ daguim ategh dɨkavigh uan gita ko kulele mɨsogham. Eghtɨ dar ararer aghuim otivtɨ aruem bigh anangam.

Akar Mogomem 8:7

Ezɨ faragha zuir ensel uan sɨgham givima, amozir ofɨzir ekiar dagɨabar mɨn gariba ko avim, aning ghuzim sara isafuragha nguazim giri. Ezɨ me nguazim ko temeba 3plan okoruabar vaghvagha da tuira, ezɨ nguazimɨn okoruar mam, avim bar an isi. Ezɨ temebar okoruar mam, avim bar an isi, egha avim uaghan nguazimɨn aghuir graziba bar adar isi.

Sekaraia 9:14

“Ikiavɨra Itir God uan gumazamizibagh isɨn azenaram otogh barir pimɨn asam. Eghtɨ an afuziba onɨmarim mɨn taghtagh zuamɨra mangam. Eghtɨ Ikiavɨra Itir Godɨn Ekiam sɨgham givigh, sautɨn amadaghan ikegh, pamtem sueba akun daru, amɨnir bar gavgavim ko, amozim sara izam.

Aisaia 17:13

Apaniba mati, aperiar dafam aforegha izi. Eghtɨ God men atarɨva pamtem me mɨkemeghtɨ, me uamategh arɨ uan nguibabar mangam. God men agɨraghtɨ, me pura mangam, mati amɨnim mɨghsɨabar dɨkavigha, raizɨn mɨsevibagh varazɨ, da pura tintinibar zui, egha mati amɨnir dafam pamtem iza, nguazir mɨneziba avizɨ da tintinibar ghuavanadi.

Onger Akaba 149:3

Ia ighiabar amuva an ziam fɨva ighɨ. Ia gitaba ko, tambarinbav sogh an ziam fɨ.

Onger Akaba 98:5

Ia gitabav sogh, Ikiavɨra Itir God bagh ighiabar amu. Ia boabav soghtɨ, dar arareba bar deragh.

Ua Me Ini 20:18

Ezɨ gumazamiziba gara orazima, ararim pamtem dagarvazima, sɨgham araima, onɨmarim taghtazima, mɨgharir ekiam mɨghsɨam avara. Ezɨ me bar atiatigha puvɨra nɨsi. Kamaghɨn amizɨ, me sɨvagha ghua mɨghsɨamɨn saghon tuifi.

Onger Akaba 147:7

Ia Ikiavɨra Itir God bagh ighiaba bangɨ egh a mɨnamang. E uan God bagh gitabav soghtɨ, dar ararer aghuiba a bagh mangɨ.

Onger Akaba 43:4

O God, nɨ nan God, nɨrara nan navim gamima a derazɨ kɨ bar akonge. Kɨ nɨn ofa gamir dakozimɨn mangɨ, egh uan gita mɨsogh nɨn ziar ekiam fam.

1 Korin 13:1

Kɨ enselba mɨgeir mɨzeba o nguazimɨn itir gumazamizibar akabav geir fofozim ikɨva, kɨ igharaz darazi ifongeghan koghtɨ, da pura bizim. Kɨ mati dɨbɨarimɨn mɨn pura nɨdi, egha belon mɨn pura tɨngazi.

2 Eghaghaniba 20:28

Egha me gitabav sogha sɨghabagh iviava Jerusalemɨn nguibar ekiamɨn aven zui, egha Ikiavɨra Itir Godɨn Dɨpenim avɨnizir dɨvazimɨn tiar akamɨn boroghɨn ghua ziar ekiam a ganɨdi.