Akar Mogomem 13:1 - Godɨn Eghaghanim: Akar Gavgavir Dɨkɨrɨzir Ghurim ko Igiam1 Ezɨ kɨ garima asɨzir atiar mam ongarimɨn otogha anadi. A dapanir 7pla iti, ezɨ komɨn 10pla an dapanibar iti. Ezɨ 10plan atrivimɨn dapanir asuaba vaghvagha an 10plan kombar iti. Ezɨ an dapaniba vaghvagha Godɨn ziamɨn tiraghtirazir ziaba dar iti. အခန်းကိုကြည့်ပါ။Godɨn Akar Aghuim; Akar Dɨkɨrɨzir Gavgavir Igiam1 Ezɨ kɨ gari, asɨzir atiar mam ongarimɨn otogha anadi. A dapanir 7 pla iti, ezɨ komɨn 10 pla an dapanibar iti. Ezɨ 10 plan atrivimɨn dapanir asuaba vaghvagha an 10 plan kombar iti. Ezɨ an dapaniba vaghvagha Godɨn ziamɨn tiraghtirazir ziaba dar iti. အခန်းကိုကြည့်ပါ။ |
Ezɨ Godɨn Duam pamtem nan ingarima, kɨ irebamɨn mɨn bizimɨn gari, ensel na inigha gumazamiziba puvatɨzir danganimɨn ghu. Ezɨ danganir kamɨn kɨ amizir mamɨn garima an asɨzir atiar aghevir mam gisɨn aperaghav iti. Asɨzir atiar kamɨn mɨkarzim osizirir avɨriba an iti, ezɨ osizirir kabanagh Godɨn ziam gasɨghasɨsi. Asɨzir atiar kam 7plan dapaniba iti, ezɨ 10plan komba an dapanibar iti.
“Eghtɨ Sirian atrivir kam uan ifongiamɨn bizibar amuam. Egh a uabɨ uan ziam fɨva kamaghɨn mɨkɨm suam, kɨ aseba bar dagh afira. Egh an akar dɨbovibav kɨmɨva, Godɨn Bar Pɨn Itimɨn ziam dɨkabɨnam. A kamaghɨra damu mangɨvɨra ikɨ mangɨtɨ Godɨn anɨngagharimɨn dughiam otogham. Guizbangɨra, God uan nɨghnɨzimɨn gɨn mangɨ, biziba bar dar amuam.
Ikiavɨra Itir God kamaghɨn ia mɨgɨa ghaze, Ia manmaghsua nan damazimɨn atiatiava agoir puvatɨ? Kɨ ongarim dɨpɨr izɨ mɨtivasa danganimɨn abaragha gɨfa, ezɨ ongarir dadarim an ongarim dɨpɨr izɨ tuivamin dɨvazimɨn mɨn ikɨ mamaghɨra ikiam. Eghtɨ ongarir ekiam pamten dɨpɨr izɨ, egh dɨvazir kam azovagh mangɨghan kogham.
Ezɨ God asɨzir atiar namba 2ɨn amamangatɨzɨ, an arazarazir ekiabagh amizɨ da asɨzir atiar faragha zuimɨn guamɨn otifi. Ezɨ an amir arazarazir kabar, a nguazimɨn itir gumazamizibagh ifara me mɨgɨa ghaze, “Ia asɨzir atiar faragha zuimɨn marvir guamɨn ingarigh an ziam fɨ.” Asɨzir atiar kam, me mɨdorozir sabamɨn duam a gatɨ, ezɨ a uam angamɨra iti.
Ezɨ nɨ irebamɨn kamaghɨn gari, bizir kamɨn dagarimning ko dagarir puziba, me ain ko nguazim uaning veregha dar ingari. Ezɨ bizir kamɨn mɨngarim kamakɨn. Gumazamizir atrivir kam ativaziba, me uarira uari abigh, men tarazi gavgavigh ikɨvɨra ikiam. Ain ko nguazim vɨrara dagarir pumuningɨn iti, a kamaghɨn nɨn aka, dar gavgavim ainɨn mɨn gavgavigh egh bar gavgavighan kogham.