Akar Mogomem 12:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ezɨ kɨ Godɨn Nguibamɨn tiarir ekiar mam barazi a kamaghɨn mɨgei: “Gumazir Godɨn guamɨn tugha dɨmagariba ko aruebar en adarazi akam me gasim, me anekunizɨ a nguazimɨn iraghu. Kamaghɨn amizɨ, datɨrɨghɨn God uan gumazamizibar akurvasi, ezɨ an gavgavim bar azenim girɨzɨ, A Bizibagh Ativir Dughiam otogha gɨfa! Ezɨ an Gumazir God Gumazamiziba Ua Me Iniasa Mɨsevezim, uan gavgavim inigha gumazamizibar akazɨ, me an apengan iti!

Godɨn Akar Aghuim; Akar Dɨkɨrɨzir Gavgavir Igiam

¹⁰ Ezɨ kɨ Godɨn Nguibamɨn tiarir ekiar mam barazi a kamaghɨn mɨgei, “Gumazir Godɨn guamɨn tugha dɨmagariba ko aruebar en adarazi akam me gasim, me a isa anekunizɨ a irɨgha nguazimɨn iraghu. Kamaghɨn, datɨrɨghɨn God uan gumazamizibar akurvasi, ezɨ an gavgavim bar azenim girɨzɨ, A Bizibagh Ativir Dughiam otogha gɨfa! Ezɨ an Gumazir A Gumazamiziba Uam Me Iniasa Mɨsevezim, uan gavgavim inigha gumazamizibar akazɨ, me an apengan iti!

Akar Mogomem 12:10 ပူးပေါင်းရင်းမြစ်များ

Luk Osirizir Akar Aghuim 22:31

Egha Iesus kamaghɨn mɨgei, “Saimon, Saimon, Satan nɨn nɨghnɨzir gavgavim tuisɨgh a gɨfoghasa Godɨn azara.

Akar Mogomem 11:15

Ezɨ enselɨn namba 7 uan sɨgham givima, Godɨn Nguibamɨn itir darazi tiariba akara ghaze: “En Ekiam ko an Gumazir a Gumazamiziba Ua Me Iniasa Mɨsevezim, aning datɨrɨghɨn nguazir kam gativagha an gari. Egh aning atrivimɨn ikɨ mamaghɨra ikiam.”

Daniel 2:44

“Ezɨ dughiar atrivir kaba ikiavɨra itimɨn, Godɨn Uan Nguibamɨn Itim, a Dughiar a Gumazamizibagh Ativaghamin Tam a damightɨ, an otivam. Eghtɨ a ikɨ mamaghɨra ikiam. Eghtɨ atrivir maba da God Gumazamizibagh Ativaghamin Dughiar Kam dɨkabɨraghan kogham. Eghtɨ God Gumazamizibagh Ativaghamin Dughiam, an atrivir igharazibagh asɨghasigham. Eghtɨ an atrivir dughiar kam a ikɨ mamaghɨra ikɨvɨra ikiam.

1 Eghaghaniba 29:11

Nɨ gavgavir bar ekiam ikia, ziar ekiam ikia, bar pɨn mar iti, nɨ bar faragha iti. Bar guizbangɨra, overiam ko nguazimɨn itir bizir kaba bar nɨn biziba. Kamaghɨn amizɨ, nɨ biziba bar dagh ativagha dar atrivir ekiam.

Matyu 28:18

Ezɨ Iesus men boroghɨra iza kamaghɨn me mɨgei, “God nguazim ko overiam gativamin gavgaviba bar na ganɨngi.

Jopɨn Akɨnafarim 1:11

Kamaghɨn, nɨ uan agharim amɨnegh, a da bizir aghuir kabagh asɨghasigh da agɨvagh, egh nɨ gantɨ an akar bar kurabar nɨ mɨkɨmam.”

Jopɨn Akɨnafarim 1:9

Ezɨ Satan kamaghɨn Godɨn akam ikaragha ghaze, “Nɨ deravɨra Jop gami, kamaghɨn a nɨ baghavɨra iti. Nɨ ghaze, Jop nɨn dafarimɨn bizir aghuitam inighan kogh, egh ti nɨn apengan ikiam, o? Kɨ ghaze, ti puvatɨgham.

Akar Mogomem 2:26

“Gumazamizir mɨdorozim gamua apaniba abɨriba, nan arazibar gɨn mangɨtɨ, biziba bar gɨvaghamin dughiam otoghtɨ, kɨ gumazamizir kaba, kantriba bar dar gumazamizir dapanibar ikiamin gavgavim isɨ me danɨngam.

2 Korin 12:9

Ezɨ a kamaghɨn na mɨgei, “Nan apangkuvim nɨ baghavɨra iti, eghtɨ nɨ bizitamɨn oteveghan kogham. Guizbangɨra, nan gavgavim, gumazamizir gavgaviba puvatɨziba, bar me gizefi.” Ekiam kamaghɨn mɨkemezɨ, kɨ datɨrɨghɨn gumazir gavgaviba puvatɨzimɨn mɨn ikia bar akuegha iti, eghtɨ Kraisɨn gavgavim na ko ikɨ na avaragham.

Luk Osirizir Akar Aghuim 11:2

Ezɨ Iesus kamaghɨn me mɨgei, “Ia God ko mɨkɨmamin dughiamɨn, ia kamaghɨn mɨkɨm: “ ‘En Afeziam, nɨn ziam bar zue, ezɨ arazir kuraba an saghon iti. Dughiar Nɨ Bizibagh Ativamim, a izɨ.

Matyu 26:64

Ezɨ Iesus kamaghɨn a mɨgɨa ghaze, “Are, nɨ mɨkemezɨ moghɨra. Kɨ guizbangɨra ia mɨgei, ia gɨn gantɨ, Gumazamizibar Otarim gavgavim itir Godɨn agharir guvim daperagh overiamɨn ghuariabagh isɨn izam.”

Matyu 6:10

Eghtɨ Dughiar Nɨ Bizibagh Ativamim, a izɨ. Eghtɨ nɨn Nguibamɨn itir darazi nɨn ifongiamɨn gɨn zui moghɨn, e uaghan nguazir kamɨn nɨn ifongiamɨn gɨn mangam.

Onger Akaba 22:28

Me fogh suam, Ikiavɨra Itir God atrivimɨn ikia, kantriba bar dar gumazamizibagh gativagha men gari.

Jopɨn Akɨnafarim 2:5

Kamaghɨn, kɨ ghaze, nɨ uan agharim amɨnegh an namnam ko agharibagh asɨghasigh, egh nɨ gantɨ, an nɨn damazimɨn bar pazɨvɨra nɨ mɨkemegham.”

Taitus 2:3

Egh nɨ uaghan amizir ghuribar sure damu suam, me God ifongezir arazimɨn daru. Me akar kurabar igharaz darazi gɨrakɨrangɨn me mɨkɨman markɨ. Me wainɨn dɨpar onganibar amɨtɨ da me ikɨrarɨghan kogham. Me arazir aghuibar amusɨ, igharaz darazir sure damu.

1 Korin 5:4

Egha kɨ kamaghɨn mɨgei, ia en Ekiam Iesusɨn ziamɨn, ia uari akuvaghtɨ, en Ekiam Iesusɨn gavgavim, ko nan duam uaghan, ia ko ikɨtɨ,

Onger Akaba 45:6

Nɨn atrivir dabirabir God nɨ ganɨngizim, a zurara ikɨ mamaghɨra ikiam. Eghtɨ nɨ guizɨn arazimɨn uan gumazamizibagh ativagh men ganam.

Akar Mogomem 7:10

Egha Me pamten kamaghɨn dei: “En Godɨn uan atrivir dabirabim gaperazim, ko Sipsipɨn Nguzim, aningra en akuragha en apanim abɨra. Kamaghɨn amizɨ, e aningɨn ziamning fe.”

1 Pita 5:8

Ia angamɨra ikɨ, uari bagh gan. Satan, gumazir ian apanimɨn itir kam, a laionɨn mɨn tiarim akara diagharui. A zurara gumazamizibar amasa me buriagharui.