Akar Mogomem 1:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ Kɨ an ganigha an dagarimningɨn boroghɨn irɨgha, gumazir ovengezimɨn mɨn iti. Ezɨ a uan agharir guvim na gisɨn atɨgha, kamaghɨn mɨgei, “Nɨ atiatingan markɨ. Kɨ gumazir faraghavɨra ikia, egh abuan ikɨvɨra ikiamim.

Godɨn Akar Aghuim; Akar Dɨkɨrɨzir Gavgavir Igiam

¹⁷ Kɨ an ganigha an suemningɨn boroghɨn irɨgha, gumazir ovengezimɨn mɨn iti. Ezɨ a uan agharir guvimɨn na gisɨn atɨgha, egha kamagh mɨgei, “Nɨ atiatingan markɨ. Kɨ gumazir faraghavɨra ikia, egh bar gɨn ikɨva, egh abuan ikɨvɨra ikiam.

Akar Mogomem 1:17 ပူးပေါင်းရင်းမြစ်များ

Aisaia 44:6

Ikiavɨra Itir God, a Israelian atrivim, a men Akurvazir Gumazim, a Ikiavɨra Itir Godɨn Gavgaviba Bar Itim, A kamaghɨn mɨgei, “Kɨ Ikiavɨra Itir God, kɨrara kɨ bar faraghavɨra ikia, egh bar gɨn ikɨva abuan ikɨvɨra ikiam. Ezɨ godɨn tam ua itir puvatɨ. Kɨrara, kɨ God.

Akar Mogomem 22:13

Kɨrara kɨ bar faraghavɨra ikia egh abuan ikɨvɨra ikiam. Egha kɨ biziba bar dar mɨngarim, egha ingangarir kɨ amiba kɨ uaghan bar a da gefi.

Aisaia 41:4

Tinara bizir kabagh amizɨ da otifi? Kɨ Ikiavɨra Itir Godra, kɨ dagh ami. Kɨ nguazim gamizɨ an otozir dughiamɨn, kɨ zurara bizibagh amima, da nan ifongiamɨn nguazir kamɨn otifi. Kɨ Ikiavɨra Itir God, kɨ bar faraghavɨra iti. Egh kɨ ikɨvɨra ikɨ mangɨ bar gɨn dughiar abuananamɨn, uaghan ikiam.

Aisaia 48:12

Ezɨ Ikiavɨra Itir God kamaghɨn mɨgei, “Ia Israelia, ia gumazamizir kɨ diaziba, ia Jekopɨn anabamɨn adarasi, ia nan akam baragh! Kɨ uabɨra kɨ God. Kɨrara, kɨ bar faraghavɨra iti, egh kɨ ikɨvɨra ikɨ mangɨ bar gɨn dughiar abuananamɨn uaghan ikiam.

Akar Mogomem 2:8

Gumazir kam ua kamaghɨn mɨgei, “Nɨ Smernan nguibar ekiamɨn itir siosɨn garir ensel bagh akataba osirigh. Akar kaba kamakɨn: “Kɨ gumazir bar faraghavɨra ikia, egh abuan ikɨvɨra ikiamim. Kɨ fomɨram areme, egha ua dɨkavigha datɨrɨghɨn kɨ angamɨra iti. Egha kɨ nɨ bagha akar kam amadazɨma a izi.

Esekiel 1:28

Ezɨ angazangarir kam, ekianimɨn mɨn overiamɨn ikia dirir aghuiba an iti. Angazangarir kɨ gari kam, kar Ikiavɨra Itir Godɨn angazangarir gavgavim a izi. Ezɨ kɨ an ganigha, irɨgha uan guam isa nguazim gatɨgha orazima, mɨgɨrɨgɨam kamaghɨn na bagha izi.

Akar Mogomem 1:8

Ekiam, a Godɨn Gavgaviba Bar Itim, a kamaghɨn mɨgei, “Kɨrara kɨ faraghavɨra ikia, egh abuan ikɨvɨra ikiam.” Kar Godɨn kamnangra, a datɨrɨghɨn ikia, fomɨra ikia, egh gɨn uamategh izam.

Aisaia 41:10

Kɨ ian God, egha kɨ ia ko iti, kamaghɨn amizɨ, ia atiatingan markɨ. Kɨ ia damutɨ ia gavgavightɨ, kɨ ian akuragham. Kɨ bar deravɨra ian ganɨva, uan gavgavir ekiamɨn ian apaniba abɨnam.

Daniel 10:15

Egha a kamaghɨn mɨgeima, kɨ uan guam nguazim mɨtuagha mɨgɨrɨgɨaba nan puvatɨ.

Akar Mogomem 1:11

Tiarir kam kamaghɨn mɨgei, “Bizir nɨ garir kaba bar, nɨ akɨnafarimɨn ada osirigh, egh 7plan siosba bagh da amangigh. Siosɨn Efesusɨn nguibamɨn itim, ko Smernan nguibamɨn itim, ko Pergamum ko Taiataira ko Sardis ko Filadelfia ko Laodisian nguibamɨn itiba.”

Matyu 28:4

Ezɨ mɨdorozir gumaziba an atiatia, inɨgha egha aremezɨ moghɨn iti.

Daniel 10:12

Ezɨ a ua kamaghɨn mɨgei, “Daniel, nɨ atiatingan markɨ. Dughiar farazimra nɨ uabɨ dɨkabɨragha egha an fofozim iniasava ami. Ezɨ dughiar kamra, God nɨn dɨmdiam baraki. Egha datɨrɨghɨn na amadazɨ, kɨ nɨn azangsɨzim bangɨn ize.

Ua Me Ini 20:20

Ezɨ Moses me mɨgei, “Ia atiatingan markɨ. God kamaghsua ifonge, ia bar an atiatigh an apengan ikɨ, egh arazir kurabar amuan kogham. Kamaghɨn a iza ian navir averiabagh foghasa, da guizbangɨra a baghavɨra iti, o puvatɨ.”

Ua Me Ini 14:13

Moses kamaghɨn me ikaragha ghaze, “Ia atiatingan markɨ, ia tuivigh gavgafigh. Ia datɨrɨghɨn, Ikiavɨra Itir Godɨn gavgavimɨn ganightɨ, a ian akuragh ua ia inian. Ia datɨrɨkɨn Isipian gari, ia ua men ganan kogham.

Jenesis 15:1

Ezɨ bizir kabar gɨn, Ikiavɨra Itir God irebamɨn mɨn bizimɨn aven akam isa Abram ganɨga egha ghaze: “Abram nɨ atiatingan markɨ. Kɨ nɨn oramɨn mɨn ikiam, eghtɨ nɨ nan apazangɨn deravɨra ikiam. Eghtɨ kɨ nɨ damightɨ nɨn ziam bar pɨn ikiam.”

Jon Osirizir Akar Aghuim 21:20

Ezɨ Pita ragha suren gumazir Iesus bar ifongezir kamɨn garima, an aningɨn gɨn izi. Suren gumaziba faragha Iesus koma apava, gumazir kam uan dapanim isa Iesusɨn afarɨzim boroghɨra anetɨgha, kamaghɨn an azai, Ekiam, tina nɨ isɨ apanibar agharim darɨgham?

Jon Osirizir Akar Aghuim 13:23

Egha suren gumazibar mav, gumazir Iesus bar ifongezim, a bar Iesusɨn boroghɨra iti.

Habakuk 3:16

Kɨ bizir kaba bar da baregha agoi. Kɨ atiatia agoima, nan akam uaghan nɨsi. Nan agharapaniba amɨraghamɨregha berir amɨrazimɨn mɨn oto. Ezɨ nan suemning nan amɨrazɨ, kɨ ua gavgaviba puvatɨ. Kɨ fo, God izɨ apanir e gasɨghasɨghizir kaba puv me damigham. Ezɨ kɨ dughiar kam mɨzua iti. Kamaghɨn amizɨ, kɨ pura uabɨn asugha nɨmɨra iti.

Ua Me Ini 3:6

Egha God ua kamaghɨn mɨgei, “Kɨ nɨn afeziamɨn God. Egha uaghan nɨn inazir afeziaba, Abraham, Aisak ko Jekopɨn God.” Ezɨ Moses Godɨn akam baregha, an ganan atiatigha uan guam avara.

Matyu 14:27

Ezɨ Iesus zuamɨra me mɨgɨa ghaze, “Ia gavgafigh, kar kɨrara. Ia atiatingan markɨ!”

Matyu 28:5

Ezɨ ensel kamaghɨn amizir kamning mɨgei, “Gua atiatingan markɨ. Kɨ fo, gua me ter ighuvim gafuzir gumazim Iesus bagha gara izi.

Akar Mogomem 1:4

Kɨ Jon, ia gumazamizir 7plan siosɨn Esian Provinsɨn itiba, kɨ ia bagha akar kam osiri. Godɨn datɨrɨghɨn ikia, fomɨra ikia, egh gɨn uamategh izamim, Godɨn kamra navir amɨrizim ia danɨngɨva, egh ian apangkuv. Eghtɨ 7plan duar aghuir Godɨn ingangarim gamua an atrivir dabirabimɨn guamɨn itiba, da uaghan ian apangkuvigh navir amɨrizim ia danɨng.

Onger Akaba 139:5

Nɨ danganibar bar nan mɨriaba ekɨarugha, uan gavgavir ekiamɨn bar deragha nan gari.