Aisaia 9:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Samarian nguibar ekiamɨn itir gumazamiziba ko, Efraimɨn adarasi, me bar kamaghɨn fogh suam, Ekiamra bizir kamɨn me gami. Egha me datɨrɨghɨn ghaze, me bar pɨn mar iti, egha uarira uan ziaba fe. Me kamaghɨn mɨgei,

Aisaia 9:9 ပူးပေါင်းရင်းမြစ်များ

Aisaia 46:12

“Ia gumazir akaba barazir puvatɨziba, ia nan akam baragh. Ia ti ghaze, dughiar kɨ uamategh ian akuragh ia iniasa mɨsevezim, a saghon ikiavɨra iti, a?

1 Pita 5:5

Ezɨ kamaghɨra, ia gumazamizir igiaba, ia gumazamizir aruabar apengan ikɨ. Egh ia bar uari abɨrir arazimɨn gɨn mangɨva egh uaghan Godɨn gumazamizibar apengan ikɨ. Godɨn Akɨnafarim kamaghɨn mɨgei: “God zurara gumazir uan ziaba feba, a me dɨkabɨri, egha gumazir uan ziaba dɨkabɨriba God men apangkuva egha bar deravɨra me gami.”

Malakai 4:1

Ikiavɨra Itir Godɨn Gavgaviba Bar Itim ghaze, “Ia deragh oragh. Dughiatam izɨtɨ, gumazamizir akaba batogha uan ziaba fava arazir kurabagh amiba, avir ekiam tuzibar isi moghɨn, otogh bar men isitɨ, me bar gevegham. Eghtɨ temer aguatam, o ter bitam ikian kogham.

Malakai 3:13

Egha Ikiavɨra Itir God ghaze, “Ia bar akar kurar avɨribar pamten na mɨgei. Egha ia nan azangsɨgha ghaze, ‘E akar kurar manabara nɨ mɨkeme?’

Esekiel 33:33

Eghtɨ gɨn, nɨn mɨgɨrɨgɨaba guizbangɨn otivtɨ, me kamaghɨn fogh suam, Godɨn akam inigha izir gumazir mam men tongɨn iti.”

Esekiel 30:19

Kɨ Isipian arazir kuraba tuisɨgh ivezir kuram isɨ me danɨngightɨ, me fogh suam, kɨ Ikiavɨra Itir God.”

Esekiel 7:27

Eghtɨ men atrivimɨn navim bar a basemeghtɨ, an nɨghnɨziba bar an ikuvigham. Eghtɨ nguazir kamɨn gumazamiziba atiatingɨva akongam. Kɨ men arazir kurar me amiziba bar da bagh ivezir kuram me danɨngam. Me faragha gumazir igharaziba isa kot gatɨgha me tuisɨzi moghɨn, kɨ datɨrɨghɨn arazir kurar me amiziba bagh me tuisɨgham. Eghtɨ me kamaghɨn fogh suam, kɨ Ikiavɨra Itir God.

Esekiel 7:9

Kɨ ian gan egh ian kuarkuvighan kogham. Ia arazir kurar kɨ ifongezir puvatɨzir avɨribagh ami. Arazir kaba bangɨn, kɨ ivezir kuram isɨ ia danɨngam. Eghtɨ ia bizir kamɨn ganigh, fogh suam, kɨ Ikiavɨra Itir God, kɨ bizir kurar kaba amada.

Jeremaia 32:24

“Nɨ gan. Datɨrɨghɨn Babilonia me mɨsoghasava amua, Jerusalem ekɨarugha gɨfa. Me nguibar ekiamɨn dɨvazim boroghɨra mɨtivigh mɨsoghasa nguazim akuvagha dɨvazim boroghɨra dar pozir ekiabav kɨni, egha nguibam iniasa. Apanir kaba me mɨsozima, me dagheba puvatɨgha, arɨmariar kuraba me batifi. Kamaghɨn Kaldiaba Jerusalem iniam. Bizir nɨ mɨkemeziba, da otivigha gɨfa, ezɨ nɨ datɨrɨghɨn dar gari.

Aisaia 48:4

Kɨ kamaghɨn bar fo, ian dapaniba mati dagɨaba ko ain, ezɨ ia nan akabar gɨntɨzir puvatɨ. Kamaghɨn amizɨ, kɨ fomɨra bizir gɨn otivamibar akar kam akuni, egha kɨ zuamɨra dagh amizɨ, da otifi.

Aisaia 26:11

O Ikiavɨra Itir God, nɨ gumazamizir kurabagh asɨghasɨghasa uan agharim ghufegha gɨfa. Ezɨ me an ganizir puvatɨ. Egh nɨ me ateghtɨ, me an gan fogh suam, nɨ uan gumazamizibar akurvaghasa bar ifonge. Eghtɨ gumazir kurar kaba bar aghumsigham. Eghtɨ nɨ uan apaniba bagha atɨzir avir kam, bar me dapongtɨ me isigh.

Aghuzir Akaba 16:18

Ifaghatir arazim ko uabɨra uan ziam fer arazim, aning nɨ damightɨ nɨ irɨgh bar ikuvigham.

1 Atriviba 22:25

Ezɨ Mikaia, Sedekaian akam ikaragha ghaze, “Apaniba gɨn izɨ Israelia ia abɨnightɨ, nɨ arɨ mangɨ dɨpenitamɨn aven danganir mogomemɨn modogh ikiam. Egh dughiar kamra nɨ fogham, Ikiavɨra Itir God uabɨ akar kam na ganɨngizɨ, kɨ an gun mɨgei.”

Aisaia 7:2

Judan Atrivim Ahas, a Devitɨn ovavir borim, a kamaghɨn oraki, “Siriabar mɨdorozir gumaziba Israelian mɨdorozir gumazibar akuraghasa Israelɨn nguazimɨn izegha gɨfa.” Ezɨ atrivim uan gumazamiziba ko, me bar puvɨram atiatia bar puv nɨsi, mati amɨnim temebagh ivai.

Aisaia 9:8

Ekiam mɨkemegha gɨvagha ghaze, a kantri Israel gasɨghasɨgham, kar Jekopɨn ovavir boriba. Eghtɨ dughiar kurar kam me batoghtɨ,

Aisaia 28:1

O Efraimɨn anabamɨn adarasi, iavzika! Ian nguibar ekiar bar aghuim Samaria bar ikuvigham. Ian gumazir aruaba wain apava onganigha, Samarian ziam bar puvɨram a fa kamaghɨn mɨgɨa ghaze, a nguibar ekiar bar gavgavim. A mɨghsɨar bar muziarim gisɨn iti, a nguazir bar aghuir dagheba oparamimɨn tongɨn iti, egha a bar deragha gari, mati ian gumazir aruaba uan dapanibagh arɨzir akɨmaribar mɨn, bar dera. Egh ian nguibar ekiam dughiar ruarimɨn ikeghan kogh, mati akɨmarim mɨsigha ikuvizɨ moghɨn, ikuvigham.

Aisaia 28:3

Egh me ia dɨkabɨn ia gisɨn daruam, ia Efraimɨn anabamɨn adarasi, ian gumazir aruaba wainɨn dɨpaba apava onganigha, ian nguibamɨn ziam bar pɨn mar a fe.

Hosea 8:14

“Israelia ghaze, atriviba ti men akurvaghamin gavgaviba itima, me atrivibar dɨpenibar ingari. Bar guizbangɨra, kɨ God, kɨ gumazamizibar ingari. Ezɨ me bizir kam gɨn amada. Judaba uaghan osɨmtɨzir kamra iti, me dɨvazir gavgaviba itir nguibar ekiabar ingari. Egha ghaze, me deravɨra ikiam. Ezɨ puvatɨ, kɨ avim amadaghtɨ, a izɨ nguibar ekiar kaba ko atrivibar dɨpenibar isigham.”

Malakai 1:4

Eghtɨ Idomia kamaghɨn mɨkɨm suam, “En nguibar ekiaba ikuvigha gɨfa, ezɨ e uam adar ingaram,” eghtɨ Ikiavɨra Itir Godɨn Gavgaviba Bar Itim men akam ikaragh mɨkɨm suam, “Ia uam adar ingartɨ, kɨ da apɨrarightɨ da ua bar ikuvigham. Eghtɨ gumazamizir igharaziba, me Idomia ia mɨkɨm suam, ‘Me gumazamizir kuraba,’ egha ‘Me gumazamizir, Ikiavɨra Itir God zuraram atariba.’ ”