Aisaia 9:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Gumazamiziba bar akongezir bizim, a kamakɨn: Nɨ fomɨra Midianɨn kantrin gavgaviba apɨragharɨghizɨ moghɨn, datɨrɨghɨn men apanibar gavgaviba apɨragharigha gɨfa. Guizbangɨra, apaniba faragha nɨn gumazamizibagh ativagha, me gamima, me mati bulmakaun mam, gumazim ter ararim isa an tuem gatɨgha, ingangarim zuamɨram a damuasa, a gaghora a mɨsosi. Ezɨ nɨ apanibar aghoriba ko ter arariba apɨragharɨghizɨ, me ua nɨn gumazamiziba paza me gamir puvatɨ.

Aisaia 9:4 ပူးပေါင်းရင်းမြစ်များ

Aisaia 14:25

Asiriaba nan nguazimɨn iza, nan gumazamizibagh amizɨ, me osɨmtɨzir bar ekiam ateri. Asiriaba pamtemɨn Israelia abɨrima, me puvɨra ingari, mati bulmakaun mam, gumazim ter ararim an tuem gatɨgha, anebɨrima, a ingari. Eghtɨ Asiriaba, Israelian nguazir mɨghsɨabar ikɨvɨra ikɨtɨ, kɨ me dɨkabɨn bar me rɨghɨrigham. Egh osɨmtɨzir ekiar Israelia aterir kam, kɨ bar anegɨvagham.”

Jeremaia 30:8

“Egh dughiar kamɨn apaniba Israelian tuebagh atɨzir ter ararir kaba kɨ da apɨrigh, men kalabuziam agɨvagham. Eghtɨ me ua pura igharaz darazir ingangarir gumazir kɨnibar mɨn ikian kogham. Puvatɨ. Kɨ Ikiavɨra Itir Godɨn Gavgaviba Bar Itim, kɨ kamaghɨn mɨkeme.

Nahum 1:13

Asiriaba faragha ia gativagha ike, ezɨ datɨrɨghɨn kɨ men gavgavim abɨragham, eghtɨ me ua ia gativagh, ian ganan kogham. Eghtɨ ia ua men kalabusɨn aven ikian kogham.”

Aisaia 54:14

Kɨ uan arazir aghuimɨn gɨn mangɨ nɨ damightɨ, nɨ gavgavigham. Eghtɨ gumazir nɨ dɨkabɨraghamin tam ua nɨn boroghɨn ikian kogham. Eghtɨ nɨ bizitam uam an atiatingan kogham. Atiatir arazim nɨn saghon ikiam.

Aisaia 49:26

Egh kɨ nɨn apanibar amutɨ, me uarira uariv sogh uarigh asɨghasigham, mati gumazim uan namakabar tuzibar amam. Me pamtem uarira uariv sogham, mati gumazim uan namakabar ghuziba apa bar ongani. Eghtɨ nguazir kamɨn gumazamiziba bar bizir kɨ amizir kamɨn ganigh, me kamaghɨn fogh suam, Kɨ uabɨra, kɨ Ikiavɨra Itir God. Kɨ gumazir uamategha uan gumazamiziba isim. Kɨ ian Akurvazir Gumazim. Kɨ Jekopɨn adarazir Godɨn Gavgaviba Bar Itim.”

Ofa Gami 26:13

Kɨ uabɨ Ikiavɨra Itir God, kɨ ian God. Ia fomɨra Isipɨn kantrin aven ingangarir gumazamizir kɨnibar ikezɨ, kɨ ian osɨmtɨzim agɨvagha ian akua azenan ize. Kɨ ia isa kalabus gatɨzir gumazibar gavgaviba abɨghizɨ, ia kalabus ategha bar akongegha ize.”

Jenesis 27:40

Egh nɨ uan mɨdorozir sabamɨn amodoghɨn mɨsogh daghebar amɨ, egh dabirabir aghuim buriam. Egh nɨ uan dozimɨn apebamɨn ikiam. Egh gɨn nɨ uabɨ abigh egh an apengan ikian kogham.”

Aisaia 10:5

Egha Ikiavɨra Itir God kamaghɨn mɨgei: Asirian kantrin gumazamiziba, mevzika! Me bar ikuvigham. Kɨ uan gumazamiziba puvɨra men atari. Kamaghɨn kɨ datɨrɨghɨn ingangarim isɨ Asirian kantrin gumazamizibar anɨngtɨ, me nan aghorimɨn mɨn otoghtɨ, gumazamizir nan navim gamima a ikuviziba, me ivezir kuram me danɨngɨva me gasɨghasigham.

Onger Akaba 125:3

Gumazir arazir kurabagh amiba, Godɨn gumazamizibar nguazim gativagh zurara men ganan kogham. Me kamagh damutɨ, Godɨn gumazamiziba uaghan arazir kurabar amuam.

Aisaia 51:13

Kɨ Ikiavɨra Itir God, ia ti na bakɨnɨghɨnigha gɨfa. Kɨrara, kɨ ian ingari. Kɨ overiam an danganimram anetɨgha, nguazimɨn ingarigha, gavgavim an mɨngarim ganɨngi. Ezɨ ia tizim bagha gumazir kurar ia dɨkabɨn ia gasɨghasɨghamibar atiati? Gumazir kaba bizitamɨn ia damighan kogham. Men anɨngazir kuram pura gɨvagham.

Aisaia 47:6

Kɨ bar puvɨra uan gumazamizibar atari, egha kɨ ua uan gumazamizibar mɨn me gɨnɨghnɨzir puvatɨ. Egha kɨ nɨ ataghizɨ, nɨ iza paza me gamua, egha nɨ tong men apangkuvizir pu. Bar puvatɨ. Nɨ bar pazavɨra me gamua osɨmtɨzir bar dafam me ganɨngi. Egha nɨ uaghan gumazamizir ghuribagh amima me osɨmtɨzir dafam ateri.

Onger Akaba 81:6

Kɨ orazi a kamaghɨn mɨgɨa ghaze, “Ian dɨpɨzibar itir osɨmtɨziba, kɨ bar da adegha gɨfa. Mɨtarir osɨmtɨzir ia ateriba, kɨ da isa nguazim dafegha gɨfa.

Aisaia 9:5

Guizbangɨra, mɨdorozir gumaziba mɨdorozir korotiar aghua ghua mɨsoziba, avim bar dar isigham. Men dagarir asuaba ko men korotiar gumazibar ghuziba itiba, avim bar adar isigham. Eghtɨ osɨmtɨziba bar gɨvaghtɨma, dughiar aghuim otogham.

Aisaia 16:4

E uari, e Moapian gumazamizir aragharuiba, ia e ateghtɨ, e izɨ ian tongɨn ian nguazimɨn ikiam. Eghtɨ ia en ganɨva e mueghtɨ, en apaniba e gasɨghasɨghan kogham! “E fo, osɨmtɨzir datɨrɨghɨn e bativir kaba gɨvaghtɨ, en apaniba en kantri ategh mangɨ ua pazɨ e damuan kogh,

Aisaia 52:2

O Jerusalem, noka! Nɨ datɨrɨghɨn kalabuziamɨn iti, egh nɨ dɨkavigh uan mɨkarzimɨn nguaziba apɨsigh. O Saion, senɨn nɨn fɨrim gikeziba, nɨ da adangigh mangɨ, uan atrivir dabirabim daperagh.

Jeremaia 48:17

Ia Moapian boroghɨra itir darazi ko, gumazir an ziar ekiam gɨfoziba, ia an apangkuvigh kamaghɨn azi mɨkɨm, ‘Iavzika, ian nguibar kamɨn ziar ekiam ko gavgavim a irɨgha gɨfa.’

Aisaia 10:16

Ezɨ Ekiam, a Ikiavɨra Itir Godɨn Gavgaviba Bar Itim, a ziar ekiam ko gavgavir ekiam iti. Egh a datɨrɨghɨn arɨmariar bar kuratam amadaghtɨ, an Asiriabar mɨdorozir gumazibar amu, men gavgavir ekiam agɨvagham. Egh a uaghan avim damightɨ, a dɨkavigh isi mangɨ men biziba bar da agɨvagham.