Aisaia 9:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Ikiavɨra Itir God, nɨ uan gumazamizibagh amizɨma, me bar avɨraseme, Nɨ me gamizɨ, me bar akonge. Me nɨn damazimɨn bar akongezir arazir kam, mati me azenibar dagheba asia da bagha bar akonge. Egha mati mɨdorozir gumaziba mɨdorozim gamigha gɨvagha, bizir me iniziba da tuiragha uari ganɨga bar akonge.

Aisaia 9:3 ပူးပေါင်းရင်းမြစ်များ

Onger Akaba 119:162

Kɨ nɨn akaba bagha bar akonge. Mati gumazim dagɨar avɨribar apigha da isa bar akonge.

1 Pita 1:8

Ezɨ ia an ganizir puvatɨ, egha ia a gifuegha uan naviba isa a ganɨngi. Ezɨ datɨrɨghɨn ia an gari puvatɨ, egha ia nɨghnɨzir gavgavim an ikia egha bar akonge. Agoroger kam a nguazir kamɨn bizir maba bar dagh afira, ezɨ e a mɨkɨmamin akabagh asa.

Aisaia 26:15

O Ikiavɨra Itir God, nɨ en kantri gamima, a bar ekefe. Nɨ en kantrin gumazamizibagh amizɨ, men dɨbobonim bar ghuavanabo. Nɨ en nguazimɨn mɨtaghniaba aruegha bar dagh isɨfa. Ezɨ bizir kam bangɨn, nɨn ziar ekiam ghua bar ekefe.

Aisaia 66:10

“Ia Jerusalem gifongezir darasi, ia a ko bar akongegh. Ia gumazamizir a bagh azia itiba, ia datɨrɨghɨn a bagh bar akongegh.

Aisaia 65:18

Ia bizir igiar kɨ datɨrɨghɨn ingarizim bagh naviba deragh zurara bar akuegh ikɨ. Ia gan! Jerusalemɨn igiar kɨ ingaramin kam, a nguibar gumazamiziba bar ifuegh bar akueghamim, eghtɨ an gumazamiziba navir aghuimɨn ikiam.

Aisaia 35:10

Gumazamizir Ikiavɨra Itir God men akuragha ua iniziba, me ua izɨ, Saionɨn Mɨghsɨamɨn bagh izɨva, bar akongegh ongɨ, tiariba akarɨva tuavir kamɨn izam. Egh me dabirabir bar aghuim ikɨtɨ, bar akongezir arazir kam a men ikɨ me gizɨvagh kamaghɨra ikiam. Eghtɨ mɨzaziba ko osɨmtɨziba me ategh, ua men ikian kogham.

1 Samuel 30:16

Ezɨ Isipian gumazir kam Devit inigha Amalekia bagha ghu. Dughiar kamɨn, Amalekia bizir avɨrir Filistian kantri ko Judan nguazimɨn iniziba bagha isar ekiam gamua, dagheba ko dɨpar onganiba apava tintinibar nguazim gireghav iti.

Luk Osirizir Akar Aghuim 11:22

Eghtɨ gumazitam bar gavgavigh a ko mɨsogh, anebɨragh, an mɨdorozir bizir a gamima a gavgavim ikia mɨsoziba inigh mangɨ, da tuiragh da isɨ gumazir igharazibar anɨngam.

Onger Akaba 4:7

Wit ko wainɨn ovɨziba azenibar aghua bar puvɨra bema, gumaziba da bagha bar akonge. Ezɨ nɨ na gamizɨ kɨ nɨ bagha bar akongezir arazim, nan navir averiam bar a gizɨvagha, wit ko wain gifongezir arazim guizbangɨra bar a gafira.

Filipai 4:4

Ia Ekiam ko porogh ikɨ egh zurara bar akongegh. Kɨ ua mɨgei, ia bar akongegh.

Sekaraia 10:8

“Kɨ uan gumazamiziba bar men dɨmɨva, me akumakum me inigh izam. Kɨ ua me inigh me damutɨ, me fomɨra ikezɨ moghɨn bar avɨrasemegham.

Sekaraia 8:23

Kɨ Ikiavɨra Itir Godɨn Gavgaviba Bar Itim, kɨ ua kamaghɨn mɨgei, Dughiar kamɨn saghon itir nguibabar gumazamizir 10pla izɨva Judan gumazitamɨn korotiar otevitamɨn suiragh a mɨkɨm suam, ‘E kamaghɨn oraki, God ia ko iti. Kamaghɨn amizɨ, e uaghan ia ko ikɨzir vamɨran ikiasa ifonge.’ ”

Sekaraia 2:11

Dughiar ekiar kɨ ian akurazɨ kamɨn, kantrin avɨribar gumazamiziba Ikiavɨra Itir God bagh izɨ, an gumazamizibar ikiam. Guizbangɨra, kɨ izɨ ia ko ikɨva ian tongɨn ikiam.” Bizir kam otoghtɨ, ia fogh suam, Ikiavɨra Itir Godɨn Gavgaviba Bar Itim, a uabɨ na amadazɨ kɨ ia bagha ize.

Hosea 4:7

“Ia ofa gamir gumaziba bar avɨraseme, egha kamaghɨn ia arazir kurar avɨrim gami. Ia datɨrɨghɨn ziar ekiaba iti. Eghtɨ kɨ ia abɨraghtɨ, ia bar aghumsigham.

Jeremaia 31:7

Egha Ikiavɨra Itir God ua kamaghɨn mɨgei, “Ia, Jekopɨn adarazi bagh bar akongegh ighiabar amu, gumazamizir kaba gumazir igharazibagh afira. Ia pamtem, ziar ekiam na danɨngamin ighiabar amu, egh kamaghɨn mɨkɨm, ‘Ikiavɨra Itir God, nɨ uan gumazamiziba ua me inigh, kar Israelian ikiavɨra itir varazira.’

Aisaia 61:10

Godɨn ingangarir gumazim ghaze: Kɨ uan Ikiavɨra Itir God bagh bar akongegham. Guizbangɨra, a nan akurazɨ, an arazir aghuim mati korotiar ruarim na avara, egha mati gumazim amuimɨn ikiasa deragha kurke, egha mati amizim pamɨn ikiasa deragha kurke. Kamaghɨn amizɨ, an navir averiamɨn aven itir bar akongezir arazim bar na gizɨfa.

Aisaia 61:7

Ia faragha bar aghumsɨzir dafam inigha uan guaba monge. Egh gɨn ia uari uan nguazim inigh a dapiagh bizir bar avɨrim initɨ, da bizir ia faragha inizibagh afiragham. Eghtɨ ia bar akongegh ikɨ kamaghɨra ikiam.

Aisaia 55:12

“Ia kalabus ategh bar akuegh mangam, eghtɨ kɨ ia inigh izɨtɨ, ia navir amɨrizim ikɨtɨ, bizir ia damutɨ ia atiatingamin tam, ia damuan kogham. Mɨghsɨaba, ian damazibar ighiabar amu bar akuegham, eghtɨ temeba bar akuegh dafaribav sogh ighiabar amuam.

Aisaia 54:1

Ikiavɨra Itir God kamaghɨn mɨgei, “O Jerusalem, noka! Nɨ mati amizir furabaghatim. Nɨ boritam batezir puvatɨ. Nɨ mati amizir borim batasa an mɨzazim inizir puvatɨzim. Nɨ mati amizir nɨn pam nɨ ataghizim. Egh nɨ gɨn borir bar avɨriba inightɨ, nɨn boribar dɨbobonim, amizir uan pam ko itimɨn boribar dɨbobonim gafiragham. Kamaghɨn amizɨ, nɨ bar akuegh dɨmɨva ighiabar amu.

Aisaia 35:2

Egh nguazir mɨdiarir kam, akɨmarir avɨriba an otogh oneghtɨ, an ganganim bar deraghtɨ, a bar akuegh pamten dɨmɨva arangam. Ikiavɨra Itir God dirir aghuim isɨ nguazir mɨdiarir kam danɨngtɨ, an ganganim bar deragham, egh Lebanonɨn ruarir ekiam ko, Karmelɨn Mɨghsɨam ko, Saronɨn Danganir Zarimɨn ganganir aghuimɨn mɨrara ganam. Eghtɨ gumazamiziba Ikiavɨra Itir Godɨn angazangarim ko gavgavimɨn ganɨva, egh uaghan en Godɨn ziar ekiamɨn gantɨ, an atrivimɨn kurkazir aghuimɨn mɨn ikiam.

Aisaia 25:9

Ezɨ bizir kaba otivamin dughiamɨn, gumazamiziba kamaghɨn mɨkɨmam, “Ikiavɨra Itir God, en God. E nɨghnɨzir gavgavim an ikɨ, a mɨzuam ikɨtɨ, anarɨra izɨ en akuragh uam e iniam. A uabɨra Ikiavɨra Itir God, egha an en akura. Kamaghɨn amizɨ, a uam e inizir bizir kam bagh, e bar akuegham.”

Aisaia 12:1

Eghtɨ gɨn izamin Dughiam otoghtɨ, ia Israelia kamaghɨn igham damuam: “O Ikiavɨra Itir God, kɨ nɨn ziam fe. Nɨ nan anɨngaghe, ezɨ nɨn anɨngagharim gɨfa, ezɨ nɨ bar deraghavɨra nan asughasugha gavgavim na ganɨdi. Ezɨ datɨrɨghɨn nan navim deraghavɨra iti.

Onger Akaba 107:38

Ikiavɨra Itir God uan gumazamiziba bar deragha me gami, ezɨ me borir avɨriba bate. Ezɨ a bulmakaun avɨriba me bagha dagh amizɨ da otifi.

Nehemia 9:23

Ezɨ nɨ ovavir borir bar avɨriba me ganɨngi, mati overiamɨn mɨkovezibar dɨbobonim. Egha nɨ men amamangatɨgha, men inazir afeziaba danɨngasa akam akɨrizir nguazim, me uan apaniba abɨragha a ini.

Gumazir Dapaniba 5:3

Ia atriviba, oragh! Ia gumazir dapaniba, ia deravɨra kuariba arɨgh oragh! Kɨ Ikiavɨra Itir God bagh ighiatam bangɨva marvibagh iviam. Ikiavɨra Itir God, a Israelian God, kɨ a gɨnɨghnɨgh ighiam damuam.

Aposel 8:8

Kamaghɨn amizɨ, nguibar kamɨn gumazamiziba bar akonge.

Jopɨn Akɨnafarim 12:23

A kantribagh amima, da gavgava ziaba iti. Egha a gɨn uam adagh asɨghasɨsi. A kantribagh amima, da otiva bar gavgafi, egha gɨn a dar gumazamiziba inigha ghua kantrin igharazibar me kalabus garɨsi.

Aisaia 65:14

Nan ingangarir gumazamiziba, men navir averiaba guizbangɨra bar akongezir arazim me gizɨvaghtɨ, me bar akongezir ighiabar amuam. Eghtɨ ian naviba osɨmtɨzir ekiam dagh izɨvaghtɨ, ian nɨghnɨziba deragh ingaran koghtɨ, ia bar puvɨram aziv arangam.

Ofa Gami 26:13

Kɨ uabɨ Ikiavɨra Itir God, kɨ ian God. Ia fomɨra Isipɨn kantrin aven ingangarir gumazamizir kɨnibar ikezɨ, kɨ ian osɨmtɨzim agɨvagha ian akua azenan ize. Kɨ ia isa kalabus gatɨzir gumazibar gavgaviba abɨghizɨ, ia kalabus ategha bar akongegha ize.”

Gumazir Dapaniba 7:22

Ezɨ 300plan gumazir kabanang sɨghabagh ivir dughiamɨn, Ikiavɨra Itir God Midiania gamizɨ, me onganigha uarira uan namakaba tintinibar uan mɨdorozir sababar uari oti. Egha me ara ghua Saretanɨn nguibar ekiamɨn amadaghan Betsitan nguibamɨn zui, egha Tabatɨn nguibamɨn boroghɨn ghua Abel Meholan nguibamɨn oto.

Gumazir Dapaniba 8:12

Ezɨ Midianian atrivimning, Seba ko Salmuna, arav ghu. Ezɨ puvatɨ, Gideon aningɨn agɨntɨghavɨra ikia ghua aningɨn suira. Ezɨ aningɨn mɨdorozir gumaziba aguaghfagha bar atiatingi.

Aisaia 10:26

Kɨ, Ikiavɨra Itir Godɨn Gavgaviba Bar Itim, kɨ me mɨsogham, mati kɨ fomɨra Midiania, Orepɨn Dagɨamɨn boroghɨn benim isa me fozorogha me mɨsoke. Egha mati, kɨ fomɨram Isipɨn kantrin, uan asadivir aghorim ghufegha ongarim gisɨn amadazɨ, apaniba ongarir torimɨn bar ikufi.