Aisaia 8:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Ia deravɨram oragh, ia kantrin roghɨra itiba ko saghon itibar gumazamiziba. Ia uari akuvagh mɨsoghsɨ gan ikɨ. Eghtɨ ian gavgavim bighirɨghtɨ, ia dɨgavir kuram damigh puram onganim damuam.

Aisaia 8:9 ပူးပေါင်းရင်းမြစ်များ

Aghuzir Akaba 11:21

Bar guizbangɨra, Ikiavɨra Itir God gumazir arazir kurabagh amiba tuisɨgh, egh pazɨvɨra me damuam. Eghtɨ gumazir arazir aghuibagh amiba, me kotiamɨn mɨseveghirɨgham.

1 Atriviba 20:11

Ezɨ Israelian atrivim a ikaragha kamaghɨn gumazir kabav gɨa ghaze, “Ia mangɨ Benhadat kamaghɨn a mɨkemegh. Gumazim a guizbangɨra mɨdorozir gumazim, a mɨsoghsɨ mangasa mɨdorozir sabam ikegha dia ifaghata uan ziam fer puvatɨ. A mɨdorozim agɨvagh egh gɨn uan ziam fɨ bar akuegham.”

Aisaia 54:15

Eghtɨ gumazitaba nɨ ko mɨsoghsɨ izɨtɨ, nɨ kamaghɨn fogh suam, kɨ me amadazir puvatɨ. Me uan ifongiamɨn izi. Kamaghɨn amizɨ, tina nɨ mɨsoghasa izi, a uabɨ kuram iniam.

Aisaia 37:36

Egha dɨmagarir kamra, Ikiavɨra Itir Godɨn enselɨn mam dɨkavigha ghua, Asiriabar mɨdorozir gumaziba itir danganimɨn, men 185,000plan mɨdorozir gumazibav soghezɨ, me ariaghire. Ezɨ amɨnim tirazɨ bar mɨzaraghara, gumazamiziba dɨkavigha mɨdorozir gumazir kabar kuabar gari.

Aisaia 28:13

Kamaghɨn amizɨ, Ikiavɨra Itir God uabɨ men sure damuam, eghtɨ me aghuagh kamaghɨn mɨkɨm suam, Godɨn akam mɨngariba puvatɨ, mati borir iririviba azafi. Egh me bar onganigh dughiar kuram initɨma, men apaniba, mati azuazim asɨzimɨn suirazɨ moghɨn, me inigh mangɨ kalabus darɨgham.

Jeremaia 42:11

Ia Babilonɨn atrivimɨn atiati, ezɨ kɨ Ikiavɨra Itir God, kɨ guizbangɨra mɨgei, Kɨ ia ko iti. Egh kɨ ian akuragh an dafarimɨn ua ia inigham. Kamaghɨn, ia uam an atiatingan markɨ.

Jeremaia 51:20

Ikiavɨra Itir God kamaghɨn mɨgei: “Babilon, nɨ mati kɨ mɨsoghasa inizir bizir mam, nɨ nan ifanim mɨn iti. Kɨ nɨ inigha, kantrin avɨriba mɨsaragharɨgha, egha nguibar gavgavir avɨribagh asɨghasɨki.

Esekiel 38:7

Atrivim Gok, nɨ mɨdorozim bagh biziba akɨr. Egh mɨdorozir gumazir nɨ ativaziba, me uari akuvagh uaghan mɨdorozim bagh uari akɨr. Eghtɨ nɨ deraghvɨra me geghuv.

Josua 11:5

Ezɨ atrivir kaba bar moghɨra uan mɨdorozir gumaziba akuvagha men akua iza Meromɨn Faner mɨriamɨn danganir mam aghuigha an ti.

Jeremaia 46:3

“Ia Isipia, ia oraba inigh, mangɨ mɨsoghsɨ uari arɨgh gan ikɨ.

Jeremaia 46:4

Ia hoziabar kɨr. Eghtɨ ia mɨdorozir gumazir hoziabagh apiaghira mɨsoziba, ia uan hoziabar apiagh. Ia uan mɨdorozir dapanir asuabar aghuigh, tuivigh mɨsoghsɨ gan ikɨ. Ia uan afuziba akɨrɨva, egh ia vaghvagh uan mɨdorozir korotiabar aghuigh.

Esekiel 38:8

Nɨ dughiar ruarimɨn mɨzuam mangɨtɨ, gɨn dughiar abuananamɨn kɨ nɨn diagh nɨ amadaghtɨ, nɨ kantri Israel bagh mangam. Kantrin kam bar fomɨra mɨdorozimɨn aven ikuvigha dughiar ruarimɨn gumazamiziba puvatɨzir danganimɨn mɨn iti. Ezɨ kɨ an gumazamiziba kantrin igharazibar tongɨn me akuvagha me inigha uamategha men nguazimɨn izezɨ, me datɨrɨghɨn navir amɨrizimɨn uan nguazir mɨghsɨabar iti. Gɨn izamin dughiam otoghtɨ, nɨ mangɨ kantrin kam mɨsogham.