Aisaia 8:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ “Kɨ Ekiam, kɨ Jerusalemɨn boroghɨn itir dɨpam Siloan mɨn iti, egha zurara aghumra ivemari. Ezɨ Judan gumazamiziba kamaghɨn nɨghnɨsi, Kɨ ti gavgaviba puvatɨ. Egha me Atrivim Resinɨn gavgavim ko Israelɨn atrivir kamɨn gavgavim gɨnɨghnɨgha, atiatir bar ekiam men itima, agorogem me mɨsozima aghariba men amɨra.

Aisaia 8:6 ပူးပေါင်းရင်းမြစ်များ

Jon Osirizir Akar Aghuim 9:7

Egha Iesus kamaghɨn a mɨgei, “Nɨ mangɨva Siloamɨn mozir dɨpam guruegh.” (Ziar kam Siloam, an mɨngarim kamaghɨn ghu, “Amada.”) Ezɨ gumazir damazir okavɨrɨzim ghua rue. Egha uamategha iza, biziba bar deravɨra dar gari.

Nehemia 3:15

Ezɨ Kolhosen otarim Salum, a Mispan Distrighɨn gumazir dapanim. A gumazir maba ko, ua Mozir Pamɨn Tiar Akam, an ingari. Egha ter ararir naba inigha tiar akam avasa a gisɨn ivemɨn ingari. Egha tiamning isa tiamɨn danganim garɨgha, egha tiam asamin loghɨn gavgaviba ko ainɨn ruariba isa, tiam dukumasa aning garɨsi. Egha me ghua dɨvazir nam Selan Dɨpar Akarer Muziarim boroghɨn an ingara zui. Dɨvazir nar kam atrivimɨn azenimɨn boroghɨn iti. Egha me uam an ingara ghua Atrivim Devitɨn Nguibar Ekiamɨn ghuavanadir dagɨar adɨdiamɨn oto.

Jeremaia 18:14

Lebanonɨn kantrin dagɨar mɨghsɨaba, ti dughiar tabar ais dar amera ira uaghiri o? Ti puvatɨ. Mɨghsɨar kabar dɨpar orangtɨziba ti dati, o? Bar puvatɨ.

Jeremaia 2:18

Ia bizir aghuir manam inisɨ nɨghnigh kantri Isipɨn mangɨ, men akurvazim bagh men azangam, mati ia Nailɨn Fanemɨn dɨpam amasa? Egh bizir aghuir manam inisɨ nɨghnigh kantri Asirian mangɨ, men akurvazim bagh men azangam, mati ia Yufretisɨn Fanemra masa? Arazir kam tong ian akuraghan kogham. Bar puvatɨgham.

Jeremaia 2:13

Nan gumazamiziba arazir kurar pumuning gami. Kɨ mati, dɨpar aghuir ikɨrɨmɨrir aghuim anɨdim me bagha fasfagha iri. Ezɨ me akɨrim ragha na gasara. Me uari bagha dɨpabar suighasa dagɨaba okora toribagh ami. Ezɨ me okorezir dagɨar mozir dɨpar kaba tintinibar bɨghireghtɨ, dɨpaba dar aven ikian kogham.’ ”

Aisaia 7:6

Me kamaghɨn mɨgɨa ghaze, me izɨ kantri Judan gumazamiziba ko mɨsogh atiatim an gumazamizibar anɨng, ua bagh kantri inigh, egh Tabelɨn otarim amɨseveghtɨ an atrivimɨn ikiam.

Aisaia 5:24

Ia Ikiavɨra Itir Godɨn Gavgaviba Bar Itimɨn akaba baraghan aghua. Ia akɨrim ragha Israelian Godɨn Bar Zuezimɨn Akar Gavgavibagh asaragha gɨfa. Kamaghɨn amizɨ, ia dadar mɨsɨngizibar mɨn ikuvigham, mati dar biba kurigha gɨvazɨ, dar akɨmariba asiaghira nguazim gɨra, mɨnezibar mɨn mɨgha ghue. Osɨmtɨzir kam bar zuamɨram ia batogham, mati avim isia ghua dadar mɨsɨngizibagh irɨgha zuamɨra isigha gɨfa.

1 Atriviba 7:16

Egha uaghan a guarir akɨnir ruarir kamning gisɨn darɨghasa brasɨn dapanimningɨn ingari. Guarir akɨnir kamningɨn dapanimningɨn guarimɨn ababanim, 2 mita ko 28 sentimitan tu.

Luk Osirizir Akar Aghuim 13:4

Egh ia uaghan bizir kam gɨnɨghnɨgh, 18plan gumazir Siloamɨn dagɨar dɨpenim dɨpɨrigha me mɨsoghezɨma me ariaghire. Ezɨ ia ghaze, men arazir kuraba bar Jerusalem itir gumazamiziba men arazir kurabagh afira?

Onger Akaba 46:4

Godɨn Nguibam, a Godɨn Bar Pɨn Itim ua bagh a ginaba, egha an aven iti. Ezɨ faner bar ekiar mam an torimɨn ivemarima, gumazamiziba dɨpar kam bagha bar akonge.

Aisaia 1:20

Egh ia aghuagh nan akam batueghtɨ, ian apaniba izɨ ia mɨsoghtɨ, ia arɨghiregham. Kɨ Ikiavɨra Itir God, kɨ mɨkemegha gɨfa.”

Aisaia 7:9

E fo, Israelian kantrin faragha zuir nguibar ekiam, a Samaria. Ezɨ Remalian otarim Peka, a Samarian nguibamɨn atrivimɨn ikia a gativagha an gari. Kamaghɨn amizɨ, Ahas, nɨ oragh. Ia nɨghnɨzir gavgavim Godɨn ikian kogh, egh ia uaghan tugh gavgavighan kogham.”

Aisaia 8:5

Ezɨ Ikiavɨra Itir God ua kamaghɨn na mɨgei:

Aisaia 28:2

Bar guizbangɨra, Ekiam ia dɨkabɨnasa ikɨzir bar gavgavir mam amɨsevegha gɨfa. Eghtɨ me amɨnir gavgavimɨn mɨn izɨva, amozim ko aisɨn amozimɨn mɨn bar pamtemɨn ia girɨva, ia amɨsararɨgh, ia fɨ nguazim mɨkɨnigham.

Aisaia 30:12

Ezɨ Israelian Godɨn Bar Zuezim, a kamaghɨn mɨgei, “Ia nan Akar Gavgavim munasava akɨrim ragha na gasara. Egha ia kamaghɨn nɨghnɨzir gavgavim ikia ghaze, Ifavarir arazim ko igharaz darazi dɨkabɨrir araziba ian akuragham.

Aisaia 7:4

Nɨ kamaghɨn atrivim mɨkɨm suam, A gavgavigh ikɨ, egh a pura tintinimɨn mɨgɨrɨgɨaba baraghtɨ da an navim abɨnan markɨ. An aghumra ikɨ, egh Atrivim Resin uan adarazi ko Remalian otarim Israelian atrivir kamɨn atiatingan markɨ. Atrivir kamningɨn anɨngagharim mati avim kɨran oveghangɨn mungeghasava ami, ezɨ mɨgharimram otifi.