Aisaia 8:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Gumazamiziba kamaghɨn mɨkɨm suam, gumazir maba kantri Juda gasɨghasɨghasa akam akɨri, eghtɨ nɨ uan adarazi ko kamaghɨn nɨghnɨghan markɨ, akar kam a guizbangɨra. Bar puvatɨ. Egh gumazamiziba puvɨram atiating nɨghamin dughiamɨn, ia men mɨn puvɨrama atiatingan markɨ.

Aisaia 8:12 ပူးပေါင်းရင်းမြစ်များ

Luk Osirizir Akar Aghuim 21:9

Egh ia inogoviba ko adoghodozir mɨdorozir akaba baraghɨva, atiatingan markɨ. Bizir kabanagh faragh otivigham, eghtɨ nguazir kam gɨvamin dughiam datɨrɨghɨra otoghan kogham.”

Onger Akaba 53:5

Gumazamizir kamaghɨn amiba atiatir bar dafam me bativam. Fomɨra atiatir kamaghɨn garitam me batozir puvatɨ. Guizbangɨra, God bar uan gumazamizibar apanibar aghua. Me ariaghirezɨ, a men aghariba tintinibar da kavkɨnizɨ, da irezɨ, me bar aghumsɨki. Kamaghɨn, a bar me gafiragha gɨfa.

Aisaia 30:1

Ikiavɨra Itir God kamaghɨn mɨgei, “Judan adarasi, me nan boriba me bar ikuvigham, me bar orazir puvatɨzir darazi. Me nan nɨghnɨzimɨn gɨntɨzir puvatɨ. Me uan nɨghnɨzibar gɨntɨgha ghua kantrin igharazim ko roroam gami. Egha tuavir kamɨn, me arazir kurar bar avɨrim, uan arazir kurar faragha amizibagh siriabagh arɨsi. Mevzika. Kamaghɨn amizɨ, me bar ikuvigham.

Josua 1:9

Kɨ Ikiavɨra Itir God, nɨn God, kɨ nɨ mɨkemegha gɨfa. Kamaghɨn amizɨ, nɨ mɨtɨgh gavgavigh atiatingan markɨ. Egh nɨ managh mangam, kɨ uaghan nɨ ko mangam.”

Josua 10:7

Ezɨ Josua uan mɨdorozir gumaziba bar me akuvagha, deragha mɨsozir mɨdorozir gumazir aghuiba inigha, gumazir igharaziba sara inigha, me Gilgal ategha, Gibeonian akuragh mɨsoghasa zui.

2 Atriviba 17:39

Puvatɨ. Ia nan ziamra fɨ, kɨ Ikiavɨra Itir God, ian God. Egh ia nan apengara ikɨ. Ia kamaghɨn damutɨ, kɨ ian akuraghtɨ apaniba ia abɨnan kogham.”