Aisaia 8:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Kɨ Ikiavɨra Itir Godɨn gavgavim barazima, a nan anadima, a kamaghɨn na mɨgei, “Nɨ gumazamizir kabar nɨghnɨziba ko arazibar gɨn mangan markɨ.

Aisaia 8:11 ပူးပေါင်းရင်းမြစ်များ

Esekiel 3:14

Ezɨ Godɨn Duam na fegha na inigha zuima, kɨ paza uabɨ baragha atara nan navim bar oseme. Ezɨ Ikiavɨra Itir Godɨn gavgavim na avara.

Jeremaia 20:9

Kɨ kamaghɨn uabɨra uabɨ mɨkɨmam, kɨ ti nɨ gɨn amadagh ua nɨn ziamɨn nɨn akamɨn gun me mɨkɨman kogh, egh kɨ kamaghɨn nɨn akam gɨnɨghnɨgh suam, nɨn akam mati avim nan navir averimɨn ikia, nan agharibar isia iti. Kɨ ua nɨn akam mɨkɨman koghasava amuava avenge. Bar puvatɨ.

Jeremaia 20:7

O Ikiavɨra Itir God, nɨ uan ingangarim damuasa na apezeperezɨ, kɨ nɨn apezeperir akar kam baraki. Nɨ bar gavgavizɨ, nɨn akam bar na gafirazɨ, kɨ pura nɨn apengan ghu. Ezɨ datɨrɨghɨn gumazamiziba na dɨpova nan ingaravati.

Jeremaia 15:19

Ezɨ Ikiavɨra Itir God kamaghɨn na ikaragha ghaze: “Nɨ akar kabanang ategh navim giragh ua na bagh izɨtɨ, kɨ ua nɨ inightɨ, nɨ ua nan ingangarim damuam. Egh nɨ akar kuraba akurir arazim ategh, akar aghuimram akunam, egh nɨ nan akatorimɨn mɨn ikɨ nan akamɨn gun mɨkɨmam. Eghtɨ gumazamiziba nɨn akaba baragh nɨn gɨn mangam. Nɨ men akaba baragh men gɨn mangan markɨ.

Aghuzir Akaba 1:15

Nan borim, kamagh garir gumaziba ko daruan markɨ, men saghuiamɨn ikɨva egh men gɨn mangan markɨ.

Onger Akaba 32:8

Ikiavɨra Itir God ghaze, Tuavir nɨ mangamim, kɨ nɨn sure damu deragh nɨ gegharaghtɨ, nɨ an mangam. Kɨ deravɨra nɨn sure damu egh nɨn gan nɨ geghuvam.

1 Atriviba 18:46

Ezɨ Ikiavɨra Itir Godɨn gavgavim Elaijan ize. Ezɨ Elaija pamtemɨn uan inim ikegha Ahapɨn karisɨn faraghavɨra ivegha zui. A kamaghɨra ivemara ghua aning Jesrilɨn oto.

Aisaia 30:1

Ikiavɨra Itir God kamaghɨn mɨgei, “Judan adarasi, me nan boriba me bar ikuvigham, me bar orazir puvatɨzir darazi. Me nan nɨghnɨzimɨn gɨntɨzir puvatɨ. Me uan nɨghnɨzibar gɨntɨgha ghua kantrin igharazim ko roroam gami. Egha tuavir kamɨn, me arazir kurar bar avɨrim, uan arazir kurar faragha amizibagh siriabagh arɨsi. Mevzika. Kamaghɨn amizɨ, me bar ikuvigham.