Aisaia 7:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Nɨ kamaghɨn atrivim mɨkɨm suam, A gavgavigh ikɨ, egh a pura tintinimɨn mɨgɨrɨgɨaba baraghtɨ da an navim abɨnan markɨ. An aghumra ikɨ, egh Atrivim Resin uan adarazi ko Remalian otarim Israelian atrivir kamɨn atiatingan markɨ. Atrivir kamningɨn anɨngagharim mati avim kɨran oveghangɨn mungeghasava ami, ezɨ mɨgharimram otifi.

Aisaia 7:4 ပူးပေါင်းရင်းမြစ်များ

Aisaia 35:4

Ia gumazamizir atiatiba me mɨkɨm suam, “Ia tuivigh gavgavigh, egh atiatingan markɨ. Ian God izɨ ian akuragh, egh ivezir kuram isɨ ian apanibar anɨngɨva bar me gasɨghasigham.”

Aisaia 30:15

Ikiavɨra Itir God, nan Ekiam, a Israelian Godɨn Bar Zuezim, a kamaghɨn mɨgei, “Tuavir ia deravɨra ikiamim, a kamakɨn. Ia uamategh na bagh izɨ, egh avughsɨ ikɨtɨ, kɨ ian akurvagham. Eghtɨ ia navir amɨrizimɨn ikɨ nɨghnɨzir gavgavim narara ikɨva, ia gavgavigh ikiam.” God kamaghɨn mɨkeme, ezɨ ia an akar kamɨn gɨn mangan bar aghua.

Godɨn Araziba 20:3

‘O Israelia, ia oragh. Ia mɨdorozim bagh datɨrɨghɨn mangam. Egh ia mangɨ apanibar ganɨva atiating aghariba ian amɨraghtɨ ia okam nɨghnɨgh puram akongan markɨ.

Matyu 24:6

Eghtɨ ia roghɨra itir mɨdorozir ekiabar nɨgɨniba baragh, egh saghon itir mɨdorozir ekiabar akaba baragham. Egh ia dɨgavir kuram damuan markɨ. Arazir kaba otivam, eghtɨ nguazir kam gɨvamin dughiam tɨghar izam.

Sekaraia 3:2

Ezɨ Ikiavɨra Itir God kamaghɨn Satan mɨgei, “Satan, kɨ Ikiavɨra Itir God, nɨn atara ghaze, nɨ akatam mɨkɨman kogham! Kɨ Ikiavɨra Itir Godɨn Jerusalem gifongezim, kɨ nɨ mɨgɨa ghaze, nɨ nɨmɨra ikɨ. Gumazir kam Josua, kɨ uam a ini, a mati gumazim aviradiar avim isim inigha anemunge.”

2 Eghaghaniba 20:17

Ia uari mɨdorozir kamɨn mɨsoghan kogham. Puvatɨ. Ia mangɨ mɨsoghamin danganimɨn pura tuivigh ikɨ gan, eghtɨ Ikiavɨra Itir God ian akuragh mɨdorozir kam damuam. Ia Jerusalem ko Judan danganibar itir gumazamiziba, ia atiating naviba osɨman markɨ. Ia gurum mɨzaraghan mɨdorozim bagh mangɨ, eghtɨ Ikiavɨra Itir God ia ko ikiam.”

Amos 4:11

“Ian marasi, kɨ Sodom ko Gomoran nguibamning gasɨghasɨghizɨ moghɨn, kɨ me gasɨghasɨki. Ezɨ ia ikiavɨra iti darasi, mati dazir otevim avim gasaraghav ikia isima, gumazir mam a gekuizɨma, a isizir puvatɨ. Kɨ bizir kabagh amizɨ, ia tong uan navibagh iraghasa nɨghnɨzir pu. Bar puvatɨ. Kamaghɨn amizɨ, Israelia, kɨ mɨzazim ia gasam. Kɨ kamaghɨn damightɨ, ia fogh uan Godɨn kotiamɨn tuivsɨ uari akɨrmɨgh ikiam. Kɨ Ikiavɨra Itir God, kɨ mɨkemegha gɨfa.”

Aisaia 30:7

Isipɨn kantri, kantrin igharazibar akurvaghasa mɨgɨava, a men akurvazir puvatɨ. Kamaghɨn amizɨ, kɨ datɨrɨghɨn ziar igiar kam a gatɨ, ‘Maburan Kuruzir Aser Puram Aperaghav Itim.’ ”

Aisaia 10:24

Nan Ekiam, a Ikiavɨra Itir Godɨn Gavgaviba Bar Itim kamaghɨn mɨgei, “Ia nan gumazamizir Saionɨn nguibar ekiamɨn itiba, ia Asiriabar atiatingan markɨ. Me, Isipia fomɨra uan itaziba isa ia mɨsogha, paza ia gamizɨ moghɨn, me ia damuam, eghtɨ ia men atiatingan markɨ.

Aisaia 8:4

Borir kam tɨghar kamaghɨn fogh suam, kar nan amebam ko nan Afeziam, ezɨ dughiar kamra, Asirian kantrin mɨdorozir gumaziba izɨ Damaskusɨn nguibar ekiam ko Samarian nguibar ekiamɨn bizir aghuiba okemegh, mangɨ uan atrivim danɨngam. Ezɨ borir kamɨn ziamɨn mɨngarim kamakɨn, Zuamɨram Okemegh Zuamɨram A Inigh Mangɨ.”

Aisaia 7:8

Ia fo, Sirian kantrin faragha zuir nguibar ekiam, an ziam Damaskus. Ezɨ Atrivim Resin, a Damaskusɨn nguibam gativagha an gari. Ia gantɨ, 65plan azeniba gɨvaghtɨ, Israelian kantri, bɨghiregh egh bar gɨvagham.

1 Samuel 17:32

Ezɨ Devit ghua otogha kamaghɨn Sol mɨgei, “O atrivim, nɨ oragh. E Israelia, e Filistian kamɨn atiatingɨva osemeghan kogham. Kɨ nɨn ingangarir gumazim, kɨ uabɨ mangɨ a ko mɨsogham.”

Matyu 10:28

Ia gumazir namnar kɨnibav sozibar atiatingan markɨ. Me ian duabav sueghan kogham. Puvatɨ. Ia Godram atiating. A namnam ko duam uaghara aning isɨva helɨn avimɨn aning gasɨghasɨghamin gavgavim iti.

Aisaia 41:14

Ikiavɨra Itir God ghaze: “O Israelia, ia avɨrasemezir puvatɨgha gavgaviba puvatɨ. Kɨ ian akurvagham. Kɨ Israelian Godɨn Bar Zuezim, ian Akurvazir Gumazim.

Aisaia 7:1

Dughiar kam, Usian otarim Jotam, ezɨ Jotam Ahasɨn afeziam. Ezɨ Ahas Jerusalemɨn aven, Judan atrivimɨn itima, mɨdorozim oto. Resin, a Sirian atrivim, ezɨ Remalian otarim Peka, a Israelian atrivim, aning ghua Jerusalemia ko mɨsosi. Egha aning a inian iburaghburaki. Ezɨ mɨdorozim tɨghar Jerusalemɨn otivam,

Aisaia 7:9

E fo, Israelian kantrin faragha zuir nguibar ekiam, a Samaria. Ezɨ Remalian otarim Peka, a Samarian nguibamɨn atrivimɨn ikia a gativagha an gari. Kamaghɨn amizɨ, Ahas, nɨ oragh. Ia nɨghnɨzir gavgavim Godɨn ikian kogh, egh ia uaghan tugh gavgavighan kogham.”

2 Atriviba 15:27

Atrivim Usia 52plan azenibar Judan atrivimɨn iti, ezɨ Remalian otarim Peka, Israelian atrivimɨn oto. Egha a Samarian nguibar ekiamɨn ikia, 20plan azenibar atrivimɨn iti.

Aisaia 8:6

“Kɨ Ekiam, kɨ Jerusalemɨn boroghɨn itir dɨpam Siloan mɨn iti, egha zurara aghumra ivemari. Ezɨ Judan gumazamiziba kamaghɨn nɨghnɨsi, Kɨ ti gavgaviba puvatɨ. Egha me Atrivim Resinɨn gavgavim ko Israelɨn atrivir kamɨn gavgavim gɨnɨghnɨgha, atiatir bar ekiam men itima, agorogem me mɨsozima aghariba men amɨra.

Habakuk 2:3

Bizir kam otivamim dughiam, a tɨghar maghɨn izɨ guizɨn otivam. Kamaghɨn amizɨ, bizir kɨ nɨn akaghamin kaba, nɨ da osirightɨ da ikɨ. Bizir kɨ nɨn akakaghamiba, da bar guizbangɨra kɨran oveghangɨn otivigham. Nɨ ti ghaze, da zuamɨra otoghan kogham, puvatɨ, nɨ pura mɨzuam ikɨ, bizir kam bar aghumra izɨva otogham.