Aisaia 7:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Judan Atrivim Ahas, a Devitɨn ovavir borim, a kamaghɨn oraki, “Siriabar mɨdorozir gumaziba Israelian mɨdorozir gumazibar akuraghasa Israelɨn nguazimɨn izegha gɨfa.” Ezɨ atrivim uan gumazamiziba ko, me bar puvɨram atiatia bar puv nɨsi, mati amɨnim temebagh ivai.

Aisaia 7:2 ပူးပေါင်းရင်းမြစ်များ

Aisaia 8:12

Gumazamiziba kamaghɨn mɨkɨm suam, gumazir maba kantri Juda gasɨghasɨghasa akam akɨri, eghtɨ nɨ uan adarazi ko kamaghɨn nɨghnɨghan markɨ, akar kam a guizbangɨra. Bar puvatɨ. Egh gumazamiziba puvɨram atiating nɨghamin dughiamɨn, ia men mɨn puvɨrama atiatingan markɨ.

Aisaia 7:13

Ezɨ Aisaia an akam ikaragha ghaze, “Ia Atrivim Devitɨn ovavir boriba, ia bar deraghvɨram oragh! Ian araziba gumazamizibagh amima me bar ian amɨra. Ia uaghan nan God, kamaghɨram a damutɨ a ti ian amɨragham, o?

Aisaia 9:9

Samarian nguibar ekiamɨn itir gumazamiziba ko, Efraimɨn adarasi, me bar kamaghɨn fogh suam, Ekiamra bizir kamɨn me gami. Egha me datɨrɨghɨn ghaze, me bar pɨn mar iti, egha uarira uan ziaba fe. Me kamaghɨn mɨgei,

Aghuzir Akaba 28:1

Gumazir arazir kurabagh amiba puram atiatia aragharui. Ezɨ gumazir aghuiba laionbar mɨn tuiva gavgavigha atiatir puvatɨ.

Matyu 2:3

Ezɨ Herot akar kam baregha an dɨghorim a bɨra. Ezɨ Jerusalemɨn itir darazi uaghan kamaghɨn ami.

Hosea 12:1

Bizir Efraimia arueba ko dɨmagaribar amiba, da bar moghɨra ikuvigha meraram asɨghasɨsi. Ifavarir arazim ko mɨdorozir arazim men tongɨn bar ekefe. Me kantri Asiria ko ingarasa akam akɨri. Egha me olivɨn borebar dagɨar ingangarim gamua da isa Isipɨn da amadi, ezɨ Isipia dagh ivesi.

Aisaia 37:35

Kɨ uan ingangarir gumazim Devit, a ko dɨkɨrɨzir akam ko, uan ziar ekiam gɨnɨghnɨgh, egh bizir kamning bangɨn, kɨ nguibar ekiar kamɨn ganɨva an akurvagham.’ ”

Aisaia 37:27

Ezɨ gumazamizir nguibar kabar itiba bar atiatingi. Me okam nɨghnɨgha men gavgaviba bar moghɨra gefe. Me mati, aruer dughiamɨn, amɨnir fefem iza grazibar isi da mɨdɨi moghɨn mɨsigha iti. Amɨnir fefer kam aruem anadir naghɨn ikegha iza, grazir dɨpenir siriabar aghuiba ko grazir tintinimɨn aghuibar isizɨ, da deragha aghuir puvatɨ.

Aisaia 22:22

Eghtɨ kɨ Ikiavɨra Itir God, kɨ Atrivim Devitɨn dɨpenimɨn kiba isɨ, an dafarim datɨgham. Eghtɨ a tiam kuightɨ tav a dukuaghan kogham. A tiam dukuaghtɨ tav a kuighan kogham.

Aisaia 11:13

Eghtɨ gɨn kantri Israel ua navir kuram kantri Judan ikian kogham. Eghtɨ kantri Juda, uam kantri Israelɨn anɨngagheghan kogham. Puvatɨ. Aning uaning inigh deraghvɨra dapiam.

Aisaia 7:17

Eghtɨ Ikiavɨra Itir God nɨ ko nɨn gumazamiziba ko nɨn adarazi bagh dughiar bar kuram amadaghtɨ a izam. Dughiar Judaba ko Israelia uari abigha ikia iza datɨrɨghɨn, osɨmtɨzir tam me batozir puvatɨ. Ezɨ datɨrɨghɨn osɨmtɨzir bar kuram me bativam. Osɨmtɨzir kam a kamakɨn: Ikiavɨra Itir God, Asirian atrivimɨn amamangatɨghtɨ, a Judaba bagh izam.

Aisaia 6:13

Eghtɨ gumazamizir vaghvazir taba nguazir kamɨn ikɨvɨra ikɨ, me uaghan gevegham. Eghtɨ kantrin gumazamiziba bar kuavaremegham, eghtɨ gɨn nan gumazamizir bɨzir igiam otivigham, mati temem me an okegha a gaborozɨ a isigha gɨvazɨ, ghuzir igiaba an otoghav aghui.”

Onger Akaba 11:1

Kɨ nɨghnɨzir gavgavim Ikiavɨra Itir Godɨn ikia kamaghɨn fo, a na geghuva nan gari. Nɨ ti onganigh kamagh na mɨkɨm suam, “Nɨ kuarazimɨn mɨn mɨghegh mɨghsɨamɨn mavanang.”

2 Eghaghaniba 28:12

Ezɨ Israelɨn 4plan gumazir aruaba, me Israelian mɨdorozir gumaziba amizir arazir kam gifongezir puvatɨ. Men ziabar kara: Johananɨn otarim Asaria, ko Mesilemotɨn otarim Berekia, ko Salumɨn otarim Jehiskia, ko Hatlain otarim Amasa.

2 Eghaghaniba 25:10

Ezɨ Amasia Israelian mɨdorozir gumazir kaba amangizɨ, me uamategha uan nguibabar ghue. Ezɨ me Judaba bagha naviba bar men ikufi.

1 Atriviba 13:2

Ikiavɨra Itir God, an akam ofa gamir dakozir kamɨn ikia, egha akam inigha izir gumazim mɨgɨa ghaze, Nɨ kamaghɨn ofa gamir dakozir kam mɨkɨm: “O ofa gamir dakozim, kɨ Ikiavɨra Itir God, kɨ akam nɨn iti. Otarir mam, an ziam Josaia, a Devitɨn ikɨzimɨn aven otivam. An atrivimɨn ikiamim dughiamɨn, a nɨn ofa gamir gumazir nɨ gisɨn ofa gamiba inigh, nɨ gisɨn me arigh me mɨsueghtɨ me arɨmɨghiregham. Egh a gumazir kabar aghariba nɨ gisɨn da tueghtɨ, nɨ bar mɨzegham.”

1 Atriviba 12:16

Gumazamiziba me datɨrɨghɨn fo, atrivim men akam bareghan kogham. Kamaghɨn amizɨ, me pamtemɨn dɨa kamaghɨn mɨgei, “E Devitɨn adarazir apengan ikian aghua. E Devitɨn adarazi puvatɨ, e uaghan Devitɨn otarir kamɨn adarazi puvatɨ. E Israelɨn gumazamiziba bar uamategh uan nguibabar mangam. Eghtɨ ia Devitɨn adarasi, ia uarira uarir gan.” Me akar kam mɨkemegha, me tintinibar uan nguibabar ghue.

1 Atriviba 11:32

Kɨ uan ingangarir gumazim Devit ko, Israelɨn anababar tongɨn Jerusalemɨn nguibar ekiar kɨ ua baghavɨra inabazim, kɨ aning gɨnɨghnɨsi. Kamaghɨn, kɨ Solomon ateghtɨ, an anabar vamɨran ganam.

2 Samuel 7:16

Eghtɨ nɨn adarazi gɨvaghan kogham. Kɨ nɨn ikɨzimɨn aven gumazibar amutɨ, me atrivibar otiv mamaghɨra ikiam.”

Aisaia 7:5

Guizbangɨra, Siriaba, ko Efraimɨn adarasi, ko Israelian atrivim, a Remalian otarim, me Judan Atrivim Ahas abɨnasa akam akɨri.