Aisaia 7:19 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁹ Egh me kantri Judan danganiba bar dagh izɨvagham. Me danganir moziba bar dagh izɨvagh, dagɨar toriba ko ogheba aghuir danganiba ko benir dɨkoniba itiba bar dagh izɨvagham.

Aisaia 7:19 ပူးပေါင်းရင်းမြစ်များ

Aisaia 2:19

Egh gɨn izamin dughiamɨn, Ikiavɨra Itir God dɨkavigh nguazir kamɨn gumazamiziba ivezir kuram me danɨngɨsɨ izam. Gumazamiziba bar an gantɨ, an atrivimɨn mɨn uan angazangarir ekiam ko gavgavim sara izɨtɨ, me bar puvɨram atiating, arɨ mangɨ dagɨar toribar mongegh ikiam. Tarazi nguazibar moziba okoregh dar aven mongam.

Jeremaia 16:16

Ikiavɨra Itir God kamaghɨn mɨgɨa ghaze, “Kɨ apaniba amadaghtɨ, me izɨva Judan gumazamizibar suigh me iniam, mati gumazim uan ivem akunigha osirir avɨriba ini. Eghtɨ gɨn kɨ uam apanir igharaziba ameghtɨ, me mangɨ gumazamizir mɨghsɨabar mongeziba, ko dagɨar toribar mongeziba, buri men suigham, mati gumazim ruarimɨn asɨziba buria dar suisi.

Maika 7:17

Egh me fogh suam, me gavgaviba bar puvatɨ, mati kuruziba uan navibar nguazim davaram. Egh akongɨva atiatigh uan danganir mogomeba ategh, Ikiavɨra Itir God bagh izam, a en God.”

Aisaia 2:21

Dughiar kamɨn, Ikiavɨra Itir God, uan anɨngagharim ko angazangarir gavgavim sara gumazamizibar araziba tuisɨghsɨ izam. Eghtɨ gumazamiziba atiatigh ivezir kuram gitaghsɨ, arɨ mɨghsɨar ekiabar ghuavanegh mozir torir kuiziba ko dagɨar toribar aven mongegh ikiam.

2 Eghaghaniba 33:11

Kamaghɨn amizɨ, Ikiavɨra Itir God Asirian atrivimɨn mɨdorozir gumazibar gumazir dapaniba ko, an mɨdorozir gumaziba amangizɨ, me iza Judaba ko mɨsogha me abɨra. Egha Asiriaba kalabuziamɨn mɨn Manasen suiragha, akezim an atinim garugha, senɨn an dafarimning ikegha, a inigha Babilonɨn ghu.

Matyu 7:16

Ia men arazibar gan me gɨfogh, egh suam, me akar ifavarim akurir gumazamiziba. Gumaziba ter ataghataritamɨn wainɨn ovɨzitam kuarizir puvatɨ. Egha me ti fighɨn ovɨzitam kuarasa ghua, dɨkonir ataghatarimɨn, da isi? Bar puvatɨ.

Aisaia 5:6

Kɨ nguazim damightɨ ruarim a batoghtɨ dɨkoniba itir ikarɨziba azenir kamɨn avegham. Kɨ wainɨn azenimɨn ogher kuraba asian kogh, egh ikarɨzibar aghariba aghoran kogham. Kɨ uaghan ghuariabav kemeghtɨ, da amozimɨn tɨvaghtɨ a wainɨn azenir kam gizan kogham.”

Aisaia 7:25

Datɨrɨghɨn gumazamiziba mɨghsɨar dozibar dagheba opari. Eghtɨ gɨn temer ataghatariba itiba ko benir kuraba otivigh mɨghsɨar dozir kaba bar, da avegham. Gumazamiziba dɨkonibar atiating egh me uam mangɨ azenibar ingaran kogham. Puvatɨ. Me pura bulmakauba ko sipsipba ateghtɨ, darara danganir kabar daru dagheba buriam.”

Aisaia 55:13

Temer kurar dɨkoniba itir danganim, datɨrɨghɨn temer painba a bativ an aghungam. Eghtɨ temer muziarir bar aghuiba datɨrɨghɨn benir ataghatariba ikezɨ naghɨn ikiam. Egh temer aghuir kaba zurara danganir kamɨn otivam, eghtɨ bizir kam ababanimɨn mɨn ikiam. Eghtɨ gumazamiziba zurazurara bizir kamɨn gan, Ikiavɨra Itir God amizir ingangarir gavgavibagh nɨghnɨgham.”

Sekaraia 10:8

“Kɨ uan gumazamiziba bar men dɨmɨva, me akumakum me inigh izam. Kɨ ua me inigh me damutɨ, me fomɨra ikezɨ moghɨn bar avɨrasemegham.