Aisaia 7:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Ezɨ Aisaia an akam ikaragha ghaze, “Ia Atrivim Devitɨn ovavir boriba, ia bar deraghvɨram oragh! Ian araziba gumazamizibagh amima me bar ian amɨra. Ia uaghan nan God, kamaghɨram a damutɨ a ti ian amɨragham, o?

Aisaia 7:13 ပူးပေါင်းရင်းမြစ်များ

Aisaia 43:24

Ezɨ ia ofa damuasa uan dagɨaba isa, na bagha ighurunir mughuriar aghuim zuibagh ivezezir puvatɨ. Egha ia ofaba bagha sipsipba na danɨngasa, ia dar ovir aghuir avɨriba sara na ganɨngizir puvatɨ. Kamaghɨn amizɨ, ian arazir kuraba na gamima, kɨ osɨmtɨzim ateri. Ezɨ bizir kam na gamizɨ, kɨ ian arazir kurabar aghua.

Malakai 2:17

Ia mɨgɨrɨgɨar guar avɨribagh amizɨma, Ikiavɨra Itir God ian mɨgɨrɨgɨar kaba bar dar amɨra. Ia kamaghɨn azangsɨsi, “E mɨgɨrɨgɨar manabagh amizɨ, Ikiavɨra Itir God en amɨra?” Ia kamaghɨn mɨgei, “Ikiavɨra Itir God gumazir arazir kurabagh amibav gɨa ghaze, Me dera, ezɨ a me gifonge.” Egha ia tintinibar kamaghɨn mɨgei, “Gumazamiziba ghaze, God arazir aghuibaram amua gumazamizibar araziba akɨri. Ezɨ e an garima, a guizɨn arazir katam gamizir puvatɨ.” Kamaghɨn amizɨ, a ian mɨgɨrɨgɨar kaba bar dar aghua.

Esekiel 34:18

“Ian marazi grazir aghuiba apava, naviba izefi, egha grazir ikiavɨra itiba, ia pura da dɨka da mɨrmɨri. Ia dɨpar dɨkɨriaba amegha gɨvagha, gɨn ia da dɨkabɨra dagh amima, da nedi.

Esekiel 16:47

Amizir kamning faragha arazir bar kurar kɨ bar aghuazibagh ami. Ezɨ nɨ aningɨn dagarir noziba dɨkɨva aningɨn mɨn arazir mɨzɨrɨzibar amuasava ami. Ezɨ dughiar otevimɨn nɨn arazir bar kurar nɨ amiba bar aning amir arazir kurabagh afira.

Aisaia 63:10

Guizbangɨra, me a barazir puvatɨghava, an Duam gamima a bar oseme. Kamaghɨn amizɨ, God uabɨ men apanimɨn mɨn otogha, me ko mɨsosi.

Aisaia 7:2

Judan Atrivim Ahas, a Devitɨn ovavir borim, a kamaghɨn oraki, “Siriabar mɨdorozir gumaziba Israelian mɨdorozir gumazibar akuraghasa Israelɨn nguazimɨn izegha gɨfa.” Ezɨ atrivim uan gumazamiziba ko, me bar puvɨram atiatia bar puv nɨsi, mati amɨnim temebagh ivai.

Hibru 3:10

Kamaghɨn amizɨ, kɨ bar gumazamizir kabar anɨngaghegha ghaze, ‘Gumazamizir kabar naviba bar saghon ikia nan gɨn zuir puvatɨ. Me zurara tuavir kɨ me bagh atɨzim gitavɨrasi.’

Amos 3:13

Ikiavɨra Itir Godɨn Ekiam, a Godɨn Gavgaviba Bar Itim, a kamaghɨn mɨgei: “Nɨ deragh kuarimning atɨgh oregh, Jekopɨn ovavir boriba ikiangsɨzir akar kam me danɨngigh:

Esekiel 16:20

“Nɨ na bagha otezir otariba ko guiviba, nɨ me mɨsuegha asɨzibar mɨn me isa marvir guaba damasa ofabagh ami. Nɨ fo, nɨn arazir tuavibar amiziba amir arazir kam, a derazir puvatɨ. Ezɨ nɨ ti ghaze, nɨ amir arazir kuram ti pura bizim, ezɨ nɨ arazir kurar avɨrim damu mangɨvɨra ikiasa.

Jeremaia 6:11

Ezɨ Ikiavɨra Itir God, nɨn anɨngagharir nɨ men itir kam uaghan na gizɨfa. Ezɨ kɨ an suiraghtɨ a dughiar ruarimɨn nan ikian kɨ aghua. Kɨ bar amɨra.” Ezɨ Ikiavɨra Itir God, kamaghɨn na ikaragha ghaze: “Nɨ nan anɨngagharir kam isɨ, borir pura tintinibar tuavibar ikarara itiba ko, gumazamizir igiar uari akuva itiba me gingegh. Egh uaghan poroghamiba ko gumazamizir bar ghuriba, uaghan me gingegh.

Aisaia 25:1

O Ikiavɨra Itir God, nɨ nan God, ezɨ kɨ nɨn ziam fasa. Nɨ nan akurvaghasa bizir aghuir igharagha garibagh ami. Nɨ fomɨra damuasa mɨkemezir biziba, nɨ guizbangɨra dagh amigha gɨfa. Kamaghɨn amizɨ, kɨ ziar ekiam nɨ ganɨdi.

Aisaia 1:24

Kɨ Ekiam, kɨ Ikiavɨra Itir Godɨn Gavgaviba Bar Itim. Kɨ Israelian Atrivir Bar Gavgavim, egha kɨ kamaghɨn mɨgei, “O Jerusalem, nɨ datɨrɨghɨn nan akaba baragh. Kɨ uan apaniba, ivezir kuram me ikarvagham, eghtɨ me uam osɨmtɨzim na darɨghan kogham.

2 Eghaghaniba 21:7

Ezɨ Ikiavɨra Itir God Judan kantri gasɨghasɨghizir puvatɨ. Guizbangɨra, Ikiavɨra Itir God uan ingangarir gumazim, Atrivim Devit gɨnɨghnɨsi. A fomɨra Devit ko akar dɨkɨrɨzim gamua ghaze, Devitɨn ikɨzibar tongɨn gumazitam zurara atrivimɨn ikiam, eghtɨ Devitɨn lamɨn angazangarim mungeghan kogham. Ezɨ dughiar kamɨn Ikiavɨra Itir God akar dɨkɨrɨzir kam gɨnɨghnɨsi. Kamaghɨn amizɨ, a Judan kantri gasɨghasɨghan aghua.

Dɨboboniba 16:13

Nɨ e mɨsueghtɨ e aremeghasa, nɨ Isipɨn nguazir aghuir biziba bar deragha aghuimɨn aven, e inigha gumazamiziba puvatɨzir danganir kamɨn ize. Egha nɨ datɨrɨghɨn ifaghata uabɨ amɨsevegha e gativaghasava ami.

Dɨboboniba 16:9

Ikiavɨra Itir God, Israelian God, a Israelian gumazamizibar tongɨn ia mɨsevegh, ian amamangatɨghtɨ, ia an boroghɨn mangɨ an Purirpenimɨn aven ingangaribar amuva, gumazamizibar damazimɨn tuiv men akurvaghtɨ, me deravɨra Godɨn ziam fer arazibar gɨn mangam. God ia ko Livain igharaziba ataghizɨ, ia ingangarir ziar ekiam itim gami. Ia manmaghɨn ami? Ia ti ghaze, ian ingangarir kam pura bizim. Egha ia ti uaghan ofa gamir gumazibar ikiasava ami, a?

Jenesis 30:15

Ezɨ Lea a ikaragha ghaze, “Nɨ nan pam inigha gɨvagha, datɨrɨghɨn nan otarim inigha izezir tevsevir ovɨziba iniasa.” Ezɨ Resel ghaze, “Nɨ tevsevir ovɨzitaba na danigh, datɨrɨghɨn dɨmangan Jekop ko dakuam.”

Aposel 7:51

Egha Stiven ua kamaghɨn Judan kotɨn gumazibav gei, “Ia bar orazir puvatɨzir darasi! Ian naviba ko nɨghnɨziba mati, God gɨfozir puvatɨzir gumazamiziba! Ia uan inazir afeziabar mɨrarama ami! Ia uaghan Godɨn Duam zurara a batosi!

Luk Osirizir Akar Aghuim 1:69

God en akurvaghasa uan ingangarir gumazim Devitɨn adarazir aven gumazir bar gavgavim amɨsefe.

Onger Akaba 45:5

Nɨn bariba bar ghumigha, apanibar dɨghoriba okorava aven zui. Nɨ Kantrin Igharazibar Gumazamizibav sogha me abɨrima, me nɨn suemningɨn apengan iti.

Aisaia 1:14

Kɨ, iakɨnir igiabar ia nan ziam fer araziba ko, ia mɨzevezir isar ekiar igharaziba, kɨ uan navir averiamɨn aven bar dagh ifongezir puvatɨ. Bizir kaba bar osɨmtɨzim na ganɨdi, ezɨ kɨ da ateran porporegha bar dar amɨra.

Aisaia 7:12

Ezɨ Ahas ghaze, “Kɨ mirakelɨn tamɨn gansɨ azangsɨghan kogham. Kɨ Ikiavɨra Itir Godɨn gavgavim ko araziba, dar gan da tuisɨghan aghua.”

Aisaia 22:22

Eghtɨ kɨ Ikiavɨra Itir God, kɨ Atrivim Devitɨn dɨpenimɨn kiba isɨ, an dafarim datɨgham. Eghtɨ a tiam kuightɨ tav a dukuaghan kogham. A tiam dukuaghtɨ tav a kuighan kogham.

Jeremaia 44:22

Ia arazir bar kuribagh ami, ezɨ gɨn Ikiavɨra Itir God ian arazir kurar kam bar a giporpore. Bizir kam bangɨn, a ian nguazim gamizɨ, a ikuvigha nguazir kɨnimɨn oto. Ezɨ gumazitam an itir puvatɨgha iza datɨrɨghɨn tu. Kamaghɨn amizɨ, Kantrin Igharazibar Gumazamiziba akar kurabar uan apanibav kɨmasa kamaghɨn mɨgei, ‘Ia Juda ikuvizɨ moghɨn, ia ikuvigham.’

Esekiel 6:9

Me saghon itir kantrin igharazir kabar kalabusɨn ikɨ, na gɨnɨghnɨgh kamaghɨn fogh suam, me uan navir averiabar aven akɨrim ragha na gasara, ezɨ arazir kam bar na abɨra. Me uan damazir kurabar aseba bagha pamtem garava, bar dagh ifonge, ezɨ arazir kam na gamima, kɨ bar me baseme. Me fo, me arazir kurar kɨ ifongezir puvatɨzir avɨribagh ami. Eghtɨ me uan arazir kurar mɨzɨrɨzir amiziba bagh bar aghumsigham.