Aisaia 66:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Gumazitam fomɨra bizir kamɨn ganigha, a baraghizir puvatɨ! Kantrin tam ti dughiar vamɨram otozir puvatɨ! Bar guizbangɨra, ikɨzir ekiatam dughiar vamɨran, zuamɨram otozir puvatɨ. Bar puvatɨ! Eghtɨ Saion borim batɨsɨ mɨzazim baragh, a bar zuamɨram uan boriba bategham.

Aisaia 66:8 ပူးပေါင်းရင်းမြစ်များ

Aisaia 64:4

Bar fomɨra iza datɨrɨghɨn, gumazitam uan damazimɨn gara uan kuarim atɨgha orazi, godɨn nɨn mɨn iti tam, ua itir pu. Bar puvatɨ. Nɨ uabɨra, gumazamizir nɨghnɨzir gavgavim nɨn ikia nɨ mɨzuaiba, nɨ me bagha pamtem ingara men akura.

1 Korin 2:9

Ezɨ e Godɨn Akɨnafarimɨn itir akamɨn mɨgɨrɨgɨar kam mɨgei, a kamakɨn: “Bizir gumazitam o amizitam faragha uan damazimɨn ganizir puvatɨziba, ko akar gumazitam o amizitam faragha oraghizir puvatɨziba, ko bizir gumazitam o amizitamɨn nɨghnɨzimɨn itir puvatɨziba, bizir bar aghuir kaba, God gumazamizir a gifongeziba baghavɨra da akɨri.”

Aposel 21:20

Ezɨ Kraisɨn adarazir gumazir dapaniba kamaghɨn oregha Ekiamɨn ziam fe. Egha me Pol mɨgɨa ghaze, “En anav, nɨ fo Judan gumazamizir bar avɨriba nɨghnɨzir gavgavim Ekiamɨn iti. Egha me bar Moses Osirizir Araziba bagha gavgafi.

Aposel 2:41

Ezɨ gumazamizir avɨriba an akam baregha a gifuegha, egha rue. Ezɨ dughiar kamɨn God ua 3,000plan gumazamizir maba ua me inizɨ, me Kraisɨn adarazir aven ize.

Aposel 4:4

Ezɨ gumazamizir avɨriba akar kam baregha nɨghnɨzir gavgavimɨn an iti. Egha Kraisɨn adarazir dɨbobonim bar ekevegha ghua 5,000ɨn boroghɨn tu.

Jeremaia 18:13

Ikiavɨra Itir God ua kamaghɨn mɨgɨa ghaze: “Nɨ mangɨ Kantrin Igharazibar Gumazamizibar azaragh fogh, me tong kamaghɨn oraghiz, o? Israelia amizir arazir kurar kaba, kantrin igharazir taba uaghan, Israelian mɨn arazir kurabagh amiz, o? Puvatɨ. Israel, mati nan guivir igiar kɨ bar ifongezimɨn mɨn iti. Ezɨ an arazir bar kurar kɨ bar ifongezir puvatɨzim gami.