Aisaia 66:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Ia nguibar ekiamɨn aven otivir dɨmdɨar ekiar munam baragh! Egh nan Dɨpenimɨn aven otivir nɨgɨnir dafar kam baragh! Kɨ Ikiavɨra Itir God, mar nan dɨmdiam ko nɨgɨnimra. Kɨ uan apanibar arazir kuraba ikarvagha ivezir kuram me danɨngasa an gun mɨgei.

Aisaia 66:6 ပူးပေါင်းရင်းမြစ်များ

Amos 1:2

Amos kamaghɨn mɨgei: “Ikiavɨra Itir God, Jerusalemɨn nguibar ekiamɨn Saionɨn Mɨghsɨamɨn iti. Egha an azenan iza pamtemɨn dɨa dagarvasi. Ezɨ grazir aghuariba ko, Karmelɨn Mɨghsɨamɨn orazimɨn itir terafariba bar mɨsɨngi.”

Aisaia 34:8

Ikiavɨra Itir Godɨn nguibar ekiam Saion, apaniba a dɨkabɨravɨra iti. Kamaghɨn amizɨ, a me ikarvaghamin azenir mam amɨsevegha gɨfa. Eghtɨ dughiar kam otoghtɨ, a ivezir kuram isɨ me danɨngam.

Aisaia 59:18

Egh Ikiavɨra Itir Godɨn anɨngagharimɨn, a uan apanibar arazir kuraba ikarvagh, puv me damigham. Egh a uaghan gumazamizir kantrin roghɨra itiba ko, saghon itir arighatɨzibar gumazamiziba, puvɨra me damu ivezir kuram me danɨngam.

Akar Mogomem 12:2

Amizir kam navim asegha borim batasava amua mɨzazim isava arai.

Aisaia 26:21

Ia gan! Ikiavɨra Itir God uan Nguibam ategha izaghiri, egh nguazir kamɨn itir gumazamizibar arazir kurabar ikarvaghamin ivezim me danɨngam. Eghtɨ gumazir igharazir darazi me mɨsoghezɨ me ariaghireziba, nguazim uabɨ ovengezir gumazir kabar ghuziba mongan iburagham. Bar puvatɨgham. A gumazamiziba amizir arazir kurar kaba bar da azenim datɨgham.