Aisaia 66:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² “Kɨ Ikiavɨra Itir God, kɨ kamaghɨn mɨgei, Overiar igiam ko nguazir igiar kɨ ingarasava amir kamning, aning nan damazimɨn ikɨ gavgavigh mamaghɨra ikiam. Eghtɨ kamaghɨra ian ovavir boriba ikɨ gavgavigh mamaghɨra ikɨtɨ, ian ziam zurara ikɨvɨra ikiam.

Aisaia 66:22 ပူးပေါင်းရင်းမြစ်များ

Aisaia 65:17

Ikiavɨra Itir God kamaghɨn mɨgei, “Ia ganigh! Kɨ overiar igiam ko nguazir igiamɨn ingarasava ami. Eghtɨ gumazamiziba ua fomɨram otivizir bizibagh nɨghnɨghan kogham. Guizbangɨra, ia bar da bakɨnɨghnigham.

Akar Mogomem 21:1

Ezɨ kɨ datɨrɨghɨn overiar igiam ko nguazir igiamɨn gari, aning iti. Overiar ghurim ko nguazir ghurim, aning bar moghɨra arav ghugha ua itir puvatɨ. Ezɨ ongarim uaghan ua itir puvatɨ.

2 Pita 3:13

God overiar igiam ko nguazir igiam damuasa akam akɨri, eghtɨ Godɨn arazir aghuimra an aven ikiam. E bizir kamra mɨzua iti.

Matyu 28:20

Egh kɨ ia mɨkemezir mɨgɨrɨgɨaba, ia bar da isɨva men sure damu, eghtɨ me dar gɨn mangɨ. Ia deravɨra fogh, kɨ ia ko ikɨvɨra ikɨ mangɨtɨ, nguazir kamɨn dughiam gɨvagham.”

Aisaia 48:19

Egha ian boriba otiva, mati ongarir dadarimɨn gigimɨn mɨn bar avɨrasemeghai. Ezɨ men ziaba nan damazimɨn gɨvaghan koghai.”

Aisaia 51:16

Kɨ uan akaba ia ganɨngi, eghtɨ ia nan akaba bar deraghvɨra da akunam. Egha kɨ bar deravɨra uan agharimɨn ia monge. Kɨ Ikiavɨra Itir God, kɨ overiam ko nguazim isa aningɨn danganibaram arɨghizɨ, aning bar gavgavighavɨra iti. Ezɨ ia Saionɨn gumazamiziba, kɨ kamaghɨn ia mɨkeme, ‘Ia nan gumazamizibara.’ ”

Aisaia 53:10

Ezɨ Ikiavɨra Itir God, uabɨ uan ifongiamɨn gɨn ghua uan ingangarir gumazir kam dɨkabɨragha a gamizɨ, a mɨzazim isi. A fo, ingangarir gumazim gumazamizibar arazir kuraba gɨn amangɨsɨ, osɨmtɨziba agɨvamin ofan mɨn uan mɨkarzim anightɨ, an ikɨrɨmɨrim bar ruaraghtɨ, a uan ovavir boribar ganam. Egh ingangarir an amim, Ikiavɨra Itir God ingarasa ifongezir araziba, a dar amuam. Egh a bizir kabar amutɨ, da deraghvɨram otivam.

Aisaia 56:5

kɨ men ziam itir ababanitam uan Dɨpenimɨn aven anetɨgham. Eghtɨ gumazamiziba zuraram an gan me gɨnɨghnɨgham. Eghtɨ men ziar ekiam, gumazir boriba itibar ziabagh afiragham. Kɨ men ziam damightɨ a gɨvaghan kogham.”

Aisaia 61:8

Kɨ Ikiavɨra Itir God kamaghɨn mɨgɨa ghaze, Kɨ guizɨn araziba baghavɨra iti. Egha okɨmakɨar arazim ko paza igharaz darazigh amir arazibagh ifongezir puvatɨ. Nan gumazamiziba osɨmtɨzir avɨriba ateri, ezɨ datɨrɨghɨn kɨ bar guizbangɨra bizir aghuiba me danɨngam. Egh kɨ me koma Akar Dɨkɨrɨzir Gavgavitam damightɨ a ikɨ mamaghɨra ikiam.

Aisaia 61:9

Eghtɨ nan gumazamizibar ovavir boriba, Kantrin Igharazibar Gumazamizibar tongɨn ikɨ ziar ekiam ikiam. Eghtɨ gumazamiziba men ganigh fogh suam, gumazamizir kaba me nan adarasi, ezɨ kɨ Ikiavɨra Itir God, kɨ uabɨ deravɨra me gami.

Aisaia 65:22

Apaniba ua izɨ nan gumazamiziba batogh men dɨpenibar dapiaghan kogham. Egh men wainɨn azeniba inigh, wainɨn ingar dar aman kogham. Nan gumazamiziba, temer bar gavgavibar mɨn, dughiar bar ruarimɨn ikiam. Gumazamizir kɨ ua bagha mɨseveziba, me uari ingarizir bizibar ganɨva, dughiar bar ruarimɨn bar akuegham.

Aisaia 65:23

Ingangarir me amiba puram mangɨghan kogham. Dar dagheba otivam. Eghtɨ dughiar kuratam men boriba batoghan kogham. Guizbangɨra, kar gumazamizir kɨ deravɨra damuamibar boriba. Kɨ Ikiavɨra Itir God, kɨ bar deravɨra me damu men gɨn otivamin boriba sara damuam.

Sefanaia 3:20

Dughiar kamɨn, ia itir danganiba bar, kɨ ia inigh uamategh ian nguibamɨn izam. Egh ziar ekiam ia danightɨ, nguazimɨn gumazamiziba bar ian ziam fam. Egh Dughiar kamɨn, kɨ ian ingangaribar amutɨ da bar deragh otivam, eghtɨ ian dabirabim deragham. Kɨ Ikiavɨra Itir God, kɨ mɨkemegha gɨfa.”

Aisaia 59:21

Egha Ikiavɨra Itir God kamaghɨn mɨgei, “Kɨ me ko Akar Dɨkɨrɨzir Gavgavim gamigha kamaghɨn mɨgei, ‘Kɨ uan Duam ko uan Akaba ia ganɨngizɨ, da ia ko iti. Akar kaba, ia ko ikɨvɨra ikɨtɨ, ia dar gun mɨkɨmam. Eghtɨ gɨn ian boriba ko ian ovavir boriba, me uaghan zurara nan akam akunam. Nan Akar Dɨkɨrɨzir Gavgavir kam zurara ikɨ mamaghɨra ikiam.’ Kɨ Ikiavɨra Itir God, kar nan akamra!”

Jeremaia 33:20

“Kɨ Ikiavɨra Itir God, kɨ guizbangɨra mɨgei: Kɨ aruem ko, dɨmagarim ko, akam akɨrigha gɨfa, eghtɨ aning zurara dughiar kɨ aning bagha inabazimɨn otivam. Ezɨ gumazitam nan akar dɨkɨrɨzir gavgavir kam giraghan kogham.

Jeremaia 33:21

Ezɨ kamaghɨra, gumazitam nan Akar Gavgavir kɨ Devit ko dɨkɨrɨzir kam abɨghan kogham, Devit nan ingangarir gumazim. Akar Dɨkɨrɨzir Gavgavir kam kamaghɨn ghaze, Devitɨn ikɨzimɨn, atriviba zurara otivɨra ikiam. Ezɨ uaghan, kɨ Livain anabamɨn ofa gamir gumaziba ko, Akar Dɨkɨrɨzir Gavgavim gamua ghaze, Livain ofa gamir gumaziba, me zurara nan ingangarir gumazibar ikiam. Eghtɨ gumazitam Akar Dɨkɨrɨzir Gavgavir kam abighan kogham.