Aisaia 66:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Kɨ uabɨ, uan dafarimningɨn overiam ko nguazim ko biziba bar dar ingarizɨ, da otivigha iti. Nan navim kamaghɨn amir gumazamizibar iti: Gumazamizir uari abɨrava, uan arazir kuraba bagha osemegha, nan akam baregha nan atiatia nɨgha, nan apengan itiba, kɨ men gara bar me gifonge. Kɨ Ikiavɨra Itir God, kɨ mɨkemegha gɨfa.

Aisaia 66:2 ပူးပေါင်းရင်းမြစ်များ

Aisaia 57:15

“Kɨrara, kɨ God, kɨ ziar bar pɨn itim ikia, egha zurara iti. Ezɨ nan ziam bar zue. Kɨ bar pɨn ikia uan Nguibar Zuezimra iti. Egha kɨ uaghan gumazamizir uari dɨkabɨra, uan arazir kuraba ataghɨragha navibagh iraziba, kɨ me ko iti. Egha kɨ gavgavim men navibagh anɨga, men ikɨrɨmɨrim gamima, a ua deraghavɨram oto.

Onger Akaba 34:18

Gumazamizir naviba osɨa itiba, Ikiavɨra Itir God bar men boroghɨra iti. Egha gumazamizir osɨmtɨzir ekiar me abɨnasava amiba, a men akurvasi.

Onger Akaba 51:17

O God, nɨ kamaghɨn ifonge, kɨ ofan mɨn bar uabɨ abɨragh bar nɨn apengan ikiam. Gumazamizir uari abɨra navibagh iziba, nɨ akɨrim ragha me gasir puvatɨ.

Filipai 2:12

Kamaghɨn amizɨ, nan namakar aghuiba, ia zurara nan akaba barasi, ezɨ datɨrɨghɨn ia uaghan kamaghɨn damu. Kɨ ia ko itir dughiamɨn orazi ia dera. Kɨ datɨrɨghɨn ian saghon ti, kamaghɨn ia deravɨra nan akabar gɨn mangɨ. E fo, God ian akura, egha a ian navir averiabar ingaravɨra iti. Egha a uabɨ ian nɨghnɨziba fema ia a ifongezir arazibagh ami, ezɨ an arazir kabar amuasa gavgavim ia ganɨgavɨra iti. Kamaghɨn, ia datɨrɨghɨn Godɨn atiatingɨva akongɨva puvɨra ingarɨva, egh akurvazir aghuir God ia bagha atɨzir kam, a iniam.

Aghuzir Akaba 28:14

Gumazim zurara Ikiavɨra Itir Godɨn atiatia an apengan iti, a bar akuegham. Ezɨ gumazim Ikiavɨra Itir Godɨn akaba batogha navim gavgafi, a dughiar kuram iniam.

Onger Akaba 138:6

O Ikiavɨra Itir God, nɨ bar faraghavɨra ikia egha bar pɨn iti. Gumazir uari abɨra nɨn apengan itiba, nɨ me gɨnɨghnɨsi. Egh gumazir uari feba, me nɨn damazimɨn uari mongɨva avegham.

Onger Akaba 119:120

Kɨ bizir nɨ damuasa e mɨkemezibagh nɨghnɨsi. Egha kamaghɨn, kɨ bar nɨn atiatima, nan mɨkarzim nɨghava agoi.

Aisaia 66:5

“Ia Ikiavɨra Itir Godɨn akam baragh an apengan ikia, an akamɨn atiatia agoi darasi, ia akar kɨ datɨrɨghɨn ia mɨkɨnamim baragh! Ia an gɨntɨghasa bar gavgafi, kamaghɨn amizɨ, ian adarazi bar ia gifongezir puvatɨgha, akɨrim ragha ia gasaragha ghaze, ia men tongɨn ikian kogham. Egha me dɨbovir akabar ia mɨgɨa, kamaghɨn mɨgei, ‘Ikiavɨra Itir God uan gavgavir ekiam ko izɨ ia damutɨ, ia bar akongeghtɨ, e ganika.’ Ezɨ kɨ kamaghɨn ia mɨgei, Ia men gantɨ, me bar aghumsigham.

Aisaia 61:1

Ikiavɨra Itir God, akar aghuim gumazamizibav kɨnasa na mɨsevegha, borem nan dapanim ginge, kamaghɨn amizɨ, Ikiavɨra Itir God, en Ekiamɨn Duam, a nan iti. Egha uaghan akam akunasa na amada, eghtɨ kɨ kamaghɨn me mɨkɨm suam, gumazir osɨmtɨzibar apengan itiba, men osɨmtɨziba gɨvagham, eghtɨ kalabusɨn itir gumazamiziba, me bagh kalabusɨn tiar akam kuightɨ, me kalabus ategh fɨrighɨregh mangam.

Esra 10:3

E datɨrɨghɨn uan God ko akar gavgavim akɨrigh mɨkɨm suam, e uan amuir en gɨn zuir kaba ko men boriba, isɨ ua me amangightɨ, me ua uan nguibabar mangam. Nɨ ko gumazir Godɨn Akar Gavgavibar apengan itir igharaziba, ia e mɨkɨm. Eghtɨ Godɨn Araziba manmaghɨn damusɨ e mɨkɨmtɨ, e a damuam.

Habakuk 3:16

Kɨ bizir kaba bar da baregha agoi. Kɨ atiatia agoima, nan akam uaghan nɨsi. Nan agharapaniba amɨraghamɨregha berir amɨrazimɨn mɨn oto. Ezɨ nan suemning nan amɨrazɨ, kɨ ua gavgaviba puvatɨ. Kɨ fo, God izɨ apanir e gasɨghasɨghizir kaba puv me damigham. Ezɨ kɨ dughiar kam mɨzua iti. Kamaghɨn amizɨ, kɨ pura uabɨn asugha nɨmɨra iti.

Onger Akaba 119:161

Gumazir dapaniba arazir kurabar na gami, ezɨ men arazir kurar kaba, mɨngarir aghuitam itir puvatɨ. Ezɨ kɨ zurara nɨn akabagh nɨghnɨghavɨra iti.

Esra 9:4

Kɨ osemegha aperaghav ikia ghuavti guaratɨzimɨn ofa damuamin dughiam oto. Ezɨ gumazamiziba nan gara men marazi kamaghɨn fo, kalabus ategha ua izezir gumazamiziba, deravɨra Godɨn gɨn zuir puvatɨgha arazir kurabagh ami. Egha me Israelian Godɨn akabagh fogha an anɨngagharim gɨnɨghnɨgha bar atiatingi. Egha men avɨrim iza kɨ aperaghav iti naghɨn tugha nan gari.

Aisaia 40:26

Ia pɨn overiamɨn gan! Tinara mɨkoveziba ko overiamɨn itir bizibar ingarizɨ, da otifi? Bizir kaba, Godɨn mɨdorozir gumazibar mɨn iti. A ziaba dagh arɨgha dar pone. An adar dɨbobonim gɨfogha, vaghvagha dar ziabagh fo. A gavgaviba bar iti, kamaghɨn amizɨ, bizir pɨn itir katam ovengan kogham.

Kolosi 1:17

Ezɨ bizir kaba tɨghar otivam, Krais fomɨra iti. Egha a biziba bar dagh amima da deravɨra uari isasuigha bar deravɨra ingari.

Aposel 9:6

Nɨ dɨkavigh nguibar ekiamɨn mangɨ. Egh arazir nɨ manmaghɨn damuamim, gumazitam tɨghar nɨ mɨkɨmam.”

Matyu 12:6

Ezɨ kɨ ia mɨgei, bizir Godɨn Dɨpenim gafirazim a kagh iti.

Aposel 7:50

Kɨ uabɨ, uan dafarimningɨn overiam ko nguazim ko biziba bar dar ingari.’ ”

Aghuzir Akaba 29:23

Gumazim ifaghata uabɨra uan ziam fe, me an ziam dɨkabɨragham. Eghtɨ gumazim uabɨ uan ziam dɨkabɨraghtɨ, me an ziam fam.

Hosea 11:10

“Kɨ uan gumazamizibar apaniba atiatim me danɨngɨsɨ, pamtemɨn dɨmam, mati laion tiarim akara dazeri. Eghtɨ nan gumazamiziba atiating akongɨva, aruem ghuaghirir danganim ategh zuamɨra izɨ nan gɨn mangam.

Maika 6:8

Ia nguazir kamɨn itir gumazamiziba, Ikiavɨra Itir God arazir aghuibar ia mɨkemegha gɨfa, eghtɨ ia arazir aghuir a ifongezir kabara dar amu: Ia guizɨn arazibara damuam, egh igharaz darazir apangkuvir arazim gifongegh, egh ia uari abɨn uan Godɨn apengan ikɨ, anarɨra gɨn mangam.

1 Atriviba 21:29

“Datɨrɨghɨn Ahap nan damazimɨn uabɨ abɨra. Nɨ an arazir kamɨn gari, o puvatɨ? An arazir kam gami, kamaghɨn amizɨ, dughiar an angamɨra itimɨn, kɨ an adarazigh asɨghasighan kogham. Puvatɨgham. An otarim atrivimɨn ikiamin dughiamɨn, kɨ an adarazigh asɨghasigham.”

2 Atriviba 22:10

Egha Safan ua kamaghɨn mɨgei, “Atrivim, ofa gamir gumazibar dapanim Hilkia akɨnafarir kam na ganɨngi.” Egha an akɨnafarim onegha atrivim bagh a dɨbori.

2 Atriviba 22:11

Ezɨ atrivim Godɨn Akɨnafarir kamɨn aven itir Arazibar Akaba baregha, bar osemegha uan korotiam abɨki.

Onger Akaba 51:19

Dughiar kamɨn me ofan aghuir nɨn damazimɨn deraziba ko, asɨzim tuaghtɨ a bar isi mɨghɨrighamin ofa, me da isɨ nɨ danɨngam. Me uan bulmakaun apuriba inigh nɨn ofa gamir dakozimɨn izɨ nɨ bagh dar ofa damuam.

Aisaia 41:20

Kɨ kamaghsua, gumazamiziba ganigh fogh suam, kɨ Ikiavɨra Itir God, Israelian Godɨn Bar Zuezim, kɨ uan gavgavir ekiamɨn bizir kabagh ami. Kɨ bizir kaba bar dar ingarizɨ, da otifi.”