Aisaia 66:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Guizbangɨra, Ikiavɨra Itir God, avim isɨ, ivezir kuram gumazamizibar anɨngam. Eghtɨ an mɨdorozir sabam, gumazamizir bar avɨrimɨn arazir kuraba ikarvagh me mɨsoghtɨ, me arɨmɨghiregham.

Aisaia 66:16 ပူးပေါင်းရင်းမြစ်များ

Aisaia 30:30

Ikiavɨra Itir God gumazamizibar amutɨ, me an dɨmdɨar gavgavim baragham, egh me an anɨngagharimɨn mɨzazim baragham. An avir gavgavir biziba bar da isiamim sara izam, egh uaghan amɨnir gavgavim ko amozim ko maburan amozir ofɨzir dagɨabar mɨn gariba, sara izam. Eghtɨ arariba dagarvaghtɨ, gumazamiziba an anɨngagharimɨn ganam.

Aisaia 27:1

Eghtɨ dughiar kamɨn, Ikiavɨra Itir God uan gavgavir bar ekiam akakagham. A izɨ ongarimɨn itir kuruzir aser dafar kam Leviatan, ivezir kuram isɨ a danɨngɨva a gasɨghasɨgham. A uan mɨdorozir sabar ekiar gavgavir bar ghumizim inigh, kuruzir bar puvɨra daghdagha tintinibar aragharuir kam atughtɨ an aremegham.

Aisaia 3:13

Ezɨ Ikiavɨra Itir God gumazamiziba bar men kotiaba baragha, me tuisɨghasav ami.

Aisaia 10:4

Ia bizitam damuva avegham. Bar puvatɨgham. Ian tarazi mɨdorozimɨn arɨmɨghiregham. Me ian tarazir suigh mangɨtɨ, ia kalabuziabar tongɨn bar atiatigh teviba apɨrigh mamaghɨra ikiam. Ia osɨmtɨzir bar kurar kam gitaghan kogham. Ikiavɨra Itir God bizir kabar amutɨ, da ia bativam, eghtɨ bizir kam an anɨngagharim agɨvaghan kogham. Puvatɨ. A tɨghar ivezir kuram isɨ me danɨngvɨra ikiam.

Aisaia 31:8

Ikiavɨra Itir God kamaghɨn mɨgɨa ghaze, “Mɨdorozir sabar tam Asirian kantri mɨsogh egh bar me agɨvagham. Mɨdorozir sabar kam, a gumazibar sabam puvatɨ, kɨ uabɨ anemadaghtɨ a mangam. Asiriaba mɨdorozir sabar kam gitavɨraghsɨ aregham, eghtɨ men mɨdorozir gumazir igiaba kalabusɨn mangɨ pura ingangarir gumazir kɨnibar mɨn otivigham.

Aisaia 65:12

Ezɨ kɨ ia bagha dughiar igharagha garim amɨsevegha gɨfa. Ian apaniba izɨ, uan mɨdorozir sababar ia mɨsoghtɨ, ia arɨmɨghiregham. Ia uan teviba apɨrigh, avigh dapaniba nguazimɨn gantɨ, apaniba ian fɨriba aghoram. Ia fo, kɨ ian deima, ia nan dɨmdiam ikarazir puvatɨ. Kɨ uaghan uan akam ia mɨkeme, ezɨ ia an gɨn zuir puvatɨ. Ia nan akaba batogha, arazir kurar kɨ bar aghuaziba nan damazimɨn dagh ami. Kamaghɨn amizɨ, dughiar kurar kam ia bativam.

Jeremaia 25:31

An dɨmdɨar kamɨn nɨgɨnim, bar nguazim avaragham. Ezɨ dɨmdɨar kamɨn mɨngarim kamakɨn. Ikiavɨra Itir God nguazir kamɨn gumazamiziba bar me tuisɨgham. A kantriba bar dar gumazamiziba isi kot darɨgham. Egh ana apaniba ameghtɨ me mangɨva, gumazamizir arazir kurabagh amibav soghtɨ, me arɨmɨghiram. Ikiavɨra Itir God, a kamaghɨn mɨkeme.

Jeremaia 25:33

Eghtɨ dughiar kamɨn, Ikiavɨra Itir God gumazamizibav mɨsoghtɨ me arɨghirɨtɨ, men kuaba tintinibar nguibaba bar dar ikiam. Eghtɨ men apangkuv aziva, men kuaba akuva, me afamin gumaziba puvatɨgham. Men kuaba afiar buaribar mɨn tintinibar nguazimɨn irɨv ikiam.

Jeremaia 45:5

Ezɨ manmaghɨn amizɨ, bizir aghuibara nɨ bativasa nɨ ifonge? Nɨ nɨghnɨzir kam atakigh. Guizbangɨra, kɨ Ikiavɨra Itir God, kɨ nguazir kamɨn gumazamiziba bar pazavɨra me damigham. Egh kɨ nɨn akuragham, eghtɨ nɨ danganir manamɨn mangam, me nɨ mɨsueghtɨ nɨ aremeghan kogham.’ ”

Jeremaia 46:15

Manmaghsua Apis, an aser ia bulmakaun apurir ingarizim, an arav ghu, egha tugha gavgavizir puvatɨ? An mɨngarim kamakɨn, Ikiavɨra Itir God uabɨ anekunizɨ a iraghu.

Esekiel 5:15

“Kɨ Ikiavɨra Itir God, kɨ kamaghɨn mɨgɨa ghaze, nan anɨngagharim ia bagha bar nan ekefe, ezɨ kɨ bar pazavɨra ia damu ia gasɨghasigham. Eghtɨ arazir kam kantrin igharazir ian boroghɨn itibar gumazamizibar damazimɨn ikiangsɨzir arazimɨn mɨn otogham. Eghtɨ me ian ganigh atiatigh nɨghnɨzir avɨribar amuam. Egh me dɨbovir akabar ia mɨkɨmtɨ ia bar aghumsigham.

Esekiel 38:17

Kɨ Ikiavɨra Itir Godɨn Ekiam, kɨ kamaghɨn mɨgei: Fomɨra nan ingangarir gumaziba, kar nan akam inigha izir gumaziba, kɨ me mɨkemezɨ, me ikiangsɨzir akaba Israelia ganɨga ghaze: Kɨ gɨn izamin dughiatamɨn apaniba amadaghtɨ me Israelia gasɨghasɨgham. Ezɨ Gok, nɨ apanir kam, ezɨ dughiar kam izi.’ ”

Joel 3:2

Eghtɨ kɨ kantriba bar dar gumazamiziba bar me inigh izɨ, danganir zarir mamɨn otogham. Me danganir zarir kam kamaghɨn a dɨbori, God Gumazamiziba Tuisɨsi. Kɨ kagh me akuvagh, arazir me nan gumazamizibagh amiziba bagh akam me gasam. Gumazamizir kaba, me nan gumazamizir kɨ ua bagha inabazibara. Kantrin kabar gumazamiziba, nan nguazim inigha anebɨgha uarigh anɨngi, egha Israelia inigha tintinimɨn kantrin igharazibar ghue.

Amos 7:4

Ikiavɨra Itir Godɨn Ekiam ua irebamɨn mɨn garir bizimɨn aven bizir igharazim nan aka. Kɨ irebamɨn mɨn garir bizimɨn gari, Ikiavɨra Itir Godɨn Ekiam, ivezir kuram uan gumazamizibar anɨngasa avim gamizɨ a izaghiri. Ezɨ gɨn avir kam ongarir ekiar bar konimɨn isigha, gɨn nguazimɨn isia ghuavɨra iti.

Nahum 3:3

Mɨdorozir gumaziba hoziabagh apiagha ivemara izi, ezɨ men mɨdorozir sababa glasɨn mɨn taghtasi. Egha gumazir avɨrim mɨsozima, men kuaba tintinibar uarigh isɨn irav iti, ezɨ nɨ da dɨponan iburagham. Ezɨ gumazamiziba aruava gumazir kuaba dɨka, me gasaghporaghiri.

Nahum 3:15

Ia dar amutɨ da uaghan bar ian akuraghan kogham. Avim izɨ ia ko ian nguibar ekiamɨn isitɨ, ia isigh arɨghiregh bar gɨvagham, mati odeziba bar dagheba agɨfa. Ia faragha odezibar mɨn bar avɨraseme.

Sekaraia 14:5

Danganir zarir kam, a bar mangɨ, Asalɨn nguibamɨn otogham. Eghtɨ ia arɨ danganir zarir kamɨn mangɨ vongɨn otogham. Fomɨra Usia Judan atrivimɨn itima, mɨkɨmkɨzir ekiam otozɨ ian ovaviba arezɨ moghɨn, ia zuamɨram aregham. Eghtɨ dughiar kamɨn, Ikiavɨra Itir God, nan God, uan enselba bar ada inigh ia bagh izam.

Aisaia 34:2

Ikiavɨra Itir God, kantriba bar me ko mɨdorozir gumaziba, bar men anɨngaghegha me bagha navim isi, egha me aremeghasa, a mɨkemegha gɨfa.

Esekiel 28:18

“Nɨ bizibagh iveza da amaga, arazir kurar avɨribagh amua, nan ziam fer danganibagh amizɨ, da bar mɨze. Kamaghɨn amizɨ, kɨ nɨn nguibar ekiam avim a gatɨzɨ, a isia ghua nguazir kɨnim oto. Ezɨ gumazamizir nɨn gariba, nɨ men damazimɨn averenimɨn oto.