Aisaia 66:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ “Ia Jerusalem gifongezir darasi, ia a ko bar akongegh. Ia gumazamizir a bagh azia itiba, ia datɨrɨghɨn a bagh bar akongegh.

Aisaia 66:10 ပူးပေါင်းရင်းမြစ်များ

Onger Akaba 137:6

O Jerusalem, kɨ nɨ isa faraghavɨra uan dɨghorim gamigha nɨ bagha bar akonge. Kɨ ua nɨ bakɨnɨghnɨgh nɨ isɨ uan nɨghnɨzim datɨghan koghtɨ, nan tiarim ikuvightɨ kɨ ighiabar amuan kogham.

Onger Akaba 26:8

O Ikiavɨra Itir God, Dɨpenir nɨ itim kɨ bar a gifonge. Danganir kam, nɨn angazangarim ko gavgavir ekiam bar a gizɨvagha iti.

Godɨn Araziba 32:43

“O nguazir kamɨn itir ikɨzibar gumazamiziba, ia bar Ikiavɨra Itir Godɨn gumazamizibar ziaba fɨ. Ia aseba bar, ia Godɨn damazimɨn teviba apɨr. A gumazir an gumazamizibav sozi me ariaghɨriba, a ivezir kuram me danɨngam. A uan apanibar arazir kuraba ikarvasi. Egh a uan gumazamizibar nguazim damightɨ, an an damazimɨn bar zuegham.”

Aisaia 65:18

Ia bizir igiar kɨ datɨrɨghɨn ingarizim bagh naviba deragh zurara bar akuegh ikɨ. Ia gan! Jerusalemɨn igiar kɨ ingaramin kam, a nguibar gumazamiziba bar ifuegh bar akueghamim, eghtɨ an gumazamiziba navir aghuimɨn ikiam.

Esekiel 9:4

egha kamaghɨn a mɨgei, “Nɨ dɨkavigh Jerusalemɨn nguibar ekiam bar an averiam daruva gumazamizir men namakaba amir arazir kurar God aghuazibar osemegha itiba, nɨ me bativ, men guaba osizirir ababanim me darɨgh.”

Aisaia 44:23

Ikiavɨra Itir God uan ziar ekiam ko gavgavim akagha Israelian akuragha ua me ini. Kamaghɨn amizɨ, O overiam, nɨ ighiabar amu bar akongegh. Nguazimɨn aven itir biziba bar, ia uaghan tiariba akar. O mɨghsɨaba ko temer ruarimɨn itiba, ia uaghan tiariba akar.

Onger Akaba 122:6

Ia Jerusalem bagh Ikiavɨra Itir God ko mɨkɨm. Eghtɨ a navir amɨrizim Jerusalemɨn iti darazir anightɨ, me navir amɨrizimɨn ikɨva deragh ikiam.

Aisaia 9:3

Ikiavɨra Itir God, nɨ uan gumazamizibagh amizɨma, me bar avɨraseme, Nɨ me gamizɨ, me bar akonge. Me nɨn damazimɨn bar akongezir arazir kam, mati me azenibar dagheba asia da bagha bar akonge. Egha mati mɨdorozir gumaziba mɨdorozim gamigha gɨvagha, bizir me iniziba da tuiragha uari ganɨga bar akonge.

Aisaia 25:9

Ezɨ bizir kaba otivamin dughiamɨn, gumazamiziba kamaghɨn mɨkɨmam, “Ikiavɨra Itir God, en God. E nɨghnɨzir gavgavim an ikɨ, a mɨzuam ikɨtɨ, anarɨra izɨ en akuragh uam e iniam. A uabɨra Ikiavɨra Itir God, egha an en akura. Kamaghɨn amizɨ, a uam e inizir bizir kam bagh, e bar akuegham.”

Aisaia 35:2

Egh nguazir mɨdiarir kam, akɨmarir avɨriba an otogh oneghtɨ, an ganganim bar deraghtɨ, a bar akuegh pamten dɨmɨva arangam. Ikiavɨra Itir God dirir aghuim isɨ nguazir mɨdiarir kam danɨngtɨ, an ganganim bar deragham, egh Lebanonɨn ruarir ekiam ko, Karmelɨn Mɨghsɨam ko, Saronɨn Danganir Zarimɨn ganganir aghuimɨn mɨrara ganam. Eghtɨ gumazamiziba Ikiavɨra Itir Godɨn angazangarim ko gavgavimɨn ganɨva, egh uaghan en Godɨn ziar ekiamɨn gantɨ, an atrivimɨn kurkazir aghuimɨn mɨn ikiam.

Aisaia 51:3

“Kɨ Ikiavɨra Itir God, nguibar datɨrɨghɨn ikuvigha itir kam Saionɨn, kɨ bar an apangkufi. Egh kɨ an osɨmtɨziba, bar dar amightɨ da gɨvagham. A datɨrɨghɨn mati gigir kɨnimɨn mɨn iti, eghtɨ, kɨ bizir avɨrir bar aghuibar amutɨ da a bativightɨ, an azenir kɨ Idenɨn ingarizimɨn mɨn gan bar deragh gan ikiam. Eghtɨ bar akongezir arazim bar a gizɨvaghtɨ, an itir gumazamiziba zurara ighiar na mɨnabibar amu ikiam.