Aisaia 61:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Eghtɨ nan gumazamizibar ovavir boriba, Kantrin Igharazibar Gumazamizibar tongɨn ikɨ ziar ekiam ikiam. Eghtɨ gumazamiziba men ganigh fogh suam, gumazamizir kaba me nan adarasi, ezɨ kɨ Ikiavɨra Itir God, kɨ uabɨ deravɨra me gami.

Aisaia 61:9 ပူးပေါင်းရင်းမြစ်များ

Aisaia 44:3

Kɨ mati gumazim dɨpam isɨ nguazir dɨpaba puvatɨzibagh ingɨva, egh dɨpam damightɨ, a nguazir mɨdiaribar ivemaram. Kamaghɨra, kɨ uan Duam isɨ ian boribagh ingɨva, ian ovavir boriba deragh me damuam.

Onger Akaba 115:14

Kɨ ghaze, Ikiavɨra Itir God borir bar avɨriba, ia ko ian gɨn otivamin ovavir boribar anɨngam.

Aposel 3:26

God kamaghɨn ifonge, ia vaghvagh uan arazir kuraba ateghtɨ, a deravɨra ia damuam. Bizir kam bagha a uan ingangarir gumazim amɨsevegha ia bagha faragha anemada.”

Jenesis 22:18

Guizbangɨra, nɨ nan akam baregha an gɨn ghu, kamaghɨn amizɨ, nɨn ovavir boriba bangɨn kɨ nguazir kamɨn itir ikɨzibar gumazamiziba, bar deravɨra me damuam.”

Sekaraia 8:13

Ia Judaba ko Israelia, ia uagharam oragh. Fomɨra Kantrin Igharazibar Gumazamiziba ian garima, ian araziba ikuvizɨma me uan apanibav mɨgɨa ghaze, ‘E kamaghsua, Judaba ko, Israelia ikuvizɨ moghɨn, ia uaghan ikuvigham.’ Ezɨ datɨrɨghɨn, ia Judaba ko, Israelia, kɨ ua ia inigh deraghvɨra ia damuam. Eghtɨ Kantrin Igharazibar Gumazamiziba ian gan, uan akar gumazibav mɨkɨm suam, ‘E kamaghsua, ia Judaba ko, Israelia bar deravɨra iti moghɨn, ia bar deravɨra ikiam.’ Kamaghɨn amizɨ, ia atiatingan markɨ! Ia tuivigh gavgavigh ikɨ!”

Aisaia 65:23

Ingangarir me amiba puram mangɨghan kogham. Dar dagheba otivam. Eghtɨ dughiar kuratam men boriba batoghan kogham. Guizbangɨra, kar gumazamizir kɨ deravɨra damuamibar boriba. Kɨ Ikiavɨra Itir God, kɨ bar deravɨra me damu men gɨn otivamin boriba sara damuam.

Jenesis 30:27

Ezɨ Laban a mɨgɨa ghaze, “Ga uaning inigha iti. Egh nɨ teghtɨ kɨ nɨ mɨkemeka, kɨ kamaghɨn uan aseba ko ingara egha men azaragha fo, nɨ na ko itir bizimɨn, Ikiavɨra Itir God bar deravɨra na gami.”

Aisaia 43:5

Kɨ ia ko iti, kamaghɨn ia atiatingan markɨ. Ian adarazi me aruem anadi naghɨn ko aruem uaghiri naghɨn iti, eghtɨ kɨ me akuvagh uamategh men aku izam.

Aisaia 53:10

Ezɨ Ikiavɨra Itir God, uabɨ uan ifongiamɨn gɨn ghua uan ingangarir gumazir kam dɨkabɨragha a gamizɨ, a mɨzazim isi. A fo, ingangarir gumazim gumazamizibar arazir kuraba gɨn amangɨsɨ, osɨmtɨziba agɨvamin ofan mɨn uan mɨkarzim anightɨ, an ikɨrɨmɨrim bar ruaraghtɨ, a uan ovavir boribar ganam. Egh ingangarir an amim, Ikiavɨra Itir God ingarasa ifongezir araziba, a dar amuam. Egh a bizir kabar amutɨ, da deraghvɨram otivam.

Aisaia 66:22

“Kɨ Ikiavɨra Itir God, kɨ kamaghɨn mɨgei, Overiar igiam ko nguazir igiar kɨ ingarasava amir kamning, aning nan damazimɨn ikɨ gavgavigh mamaghɨra ikiam. Eghtɨ kamaghɨra ian ovavir boriba ikɨ gavgavigh mamaghɨra ikɨtɨ, ian ziam zurara ikɨvɨra ikiam.

Jeremaia 31:7

Egha Ikiavɨra Itir God ua kamaghɨn mɨgei, “Ia, Jekopɨn adarazi bagh bar akongegh ighiabar amu, gumazamizir kaba gumazir igharazibagh afira. Ia pamtem, ziar ekiam na danɨngamin ighiabar amu, egh kamaghɨn mɨkɨm, ‘Ikiavɨra Itir God, nɨ uan gumazamiziba ua me inigh, kar Israelian ikiavɨra itir varazira.’

Malakai 3:12

Eghtɨ kantrin igharaziba ian ganigh suam, Israelian nguazim bar derazɨ, me deraghavɨra a gapiagha bar akonge. Kɨ Ikiavɨra Itir Godɨn Gavgaviba Bar Itim, nan akam kamaghɨra tu.’ ”

Dɨboboniba 22:12

Ezɨ God kamaghɨn Balam mɨgei, “Israelian gumazamiziba, kɨ deravɨra me gami. Kamaghɨn, nɨ gumazir izezir kaba ko mangan markɨ. Egh ikuvighsɨ akavsiatam Israelian gumazamizibar arɨghan markɨ.”