Aisaia 61:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ia Ikiavɨra Itir Godɨn gumazamiziba, ia fomɨra ikuvizir nguibar ekiaba ua da akɨr, egh bizir ikuvigha gɨvagha azenir avɨribar ikegha gɨvaziba akɨram.

Aisaia 61:4 ပူးပေါင်းရင်းမြစ်များ

Aisaia 58:12

Egh ia nguibar ikuviziba ua dar ingaram. Ia dɨpenir ghurir fomɨra ikezir danganiba, ua dar dɨpenibar ingaram. Eghtɨ me kamaghɨn ziar kamning ia darɨgham, ‘Nguibar Ekiamɨn Dɨvazir Gavgavir akuaghireziba ua Dar Ingarir Gumazamiziba’ ko, ‘Nguibamɨn Aven Itir Tuaviba ua Deravɨram da Akɨri Darasi.’ ”

Onger Akaba 46:8

Aria! Ia izɨ Ikiavɨra Itir God amizir bizibar ganigh. A nguazimɨn amizir biziba, ia dar gan dɨgavir kurabar amuam.

Onger Akaba 74:3

En apaniba nɨn Dɨpenim ko an itir biziba bar dagh asɨghasɨki. Nɨ dɨkavigh izi bizir me fomɨra asɨghasɨghizir kabar ganigh.

Aisaia 52:9

Ia Jerusalemɨn nguibar apaniba asɨghasɨghizimɨn gumazamiziba, ia kamaghɨn fogh, Ikiavɨra Itir God uan gumazamizibar osɨmtɨziba agɨvagha gavgavim isa me ganɨngi. A Jerusalemɨn nguibamɨn itir gumazamiziba ua me ini. Kamaghɨn amizɨ, ia bar akuegh pamten dɨmɨva onger akabar amu.

Sekaraia 1:17

Ezɨ ensel uaghan kamaghɨn akam akunasa na mɨgɨa ghaze, “Ikiavɨra Itir Godɨn Gavgaviba Bar Itim ghaze, An nguibar ekiaba bizir aghuir avɨriba dagh izɨvagham. Eghtɨ gumazamiziba deraghvɨra ikiam. Ikiavɨra Itir God, gavgavim ua Saion danɨngtɨ, a ua tugh gavgavigham. Egh ua baghvɨra uam Jerusalem ginabagham.”

Esra 9:9

Guizbangɨra, e mati kalabusɨn itima, en God e ataghizɨ, e kalabusra ikiavɨra itir puvatɨ. Nɨ en apangkuvigha Persian atrivibar damazimɨn deraghavɨra e gamua, ikɨrɨmɨrir igiam e ganɨdi. Ezɨ me nɨn Dɨpenir akaraghirezim uam an ingarasa en amamangarɨsi. Egha en akurvazima, e kagh Juda ko Jerusalemɨn deravɨra iti.

Maika 7:11

Ia Jerusalemɨn gumazamiziba, ia gɨn nguibar ekiamɨn dɨvaziba uam adar ingaramin. Egh nguazimɨn mɨtaghniabagh isɨvaghtɨ da mangɨ ekevegham.