Aisaia 61:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² A kamaghɨn akam akunasa na mɨkemegha na amada: Ikiavɨra Itir God gumazamizibagh ifongezir dughiam, an otogha gɨfa. Dughiar kamɨn, God ivezir kuram isɨ men apanibar anɨngam. Egha, a gumazamizir osemegha aziba, gavgavim men navibar anɨngasa na amada.

Aisaia 61:2 ပူးပေါင်းရင်းမြစ်များ

Matyu 5:4

Ia datɨrɨghɨn azia itir gumazamiziba, ia bar akuegham. Kamaghɨn ian naviba deragh.

Aisaia 34:8

Ikiavɨra Itir Godɨn nguibar ekiam Saion, apaniba a dɨkabɨravɨra iti. Kamaghɨn amizɨ, a me ikarvaghamin azenir mam amɨsevegha gɨfa. Eghtɨ dughiar kam otoghtɨ, a ivezir kuram isɨ me danɨngam.

Aisaia 57:18

“Me amir arazir kuraba, kɨ dar ganigha gɨfa, egh kɨ me gasɨghasɨghan kogham. Puvatɨ. Kɨ men arazir kuraba adeghtɨ, me ua ghuamaghegham. Egh gumazamizir osɨmtɨziba ikiava araiba, kɨ men aku tuavim men akagh me damutɨ, me osɨmtɨzir arazim ataghɨragh, na mɨnabɨ bar akueghamin ighiabar amuam. Kɨ Ikiavɨra Itir God, kɨ kamaghɨn mɨgei, Bar guizbangɨra, nan navir amɨrizim ko dabirabir aghuim, gumazamizir roghɨra itiba ko nguibar saghon itiba baghavɨra iti. Kɨ me damightɨ me ua deraghtɨ, kɨ dughiar aghuim me danɨngam.

1 Tesalonika 2:16

Egha me God ua gumazamizir kaba inian me aghuagha, kamaghɨn e Kantrin Igharazibar Gumazamiziba akam e me mɨkɨman me aghuagha, en tuaviba apɨri. Kamaghɨra me zurara arazir kurabagh amima, da ghua bar ekefe, ezɨ datɨrɨghɨn Godɨn anɨngagharim men izegha gɨfa.

Jeremaia 31:13

Eghtɨ dughiar kamɨn guivir igiaba bar akuegh kumatɨzibagh ighiam, eghtɨ gumazir igiaba ko, gumazir ghuriba uaghan bar akuegh kumatɨzibagh ighiam. Kɨ men azir akaba agɨvagh, me damutɨ men naviba bar deragham. Kɨ men navibar itir osɨmtɨzibar amutɨ, da amɨragh ikɨtɨ, me bar akuegham.

Aisaia 25:8

Egh God ovevem dɨkabɨragh, a gasɨghasɨgh, bar a gafiragham. Ikiavɨra Itir God, en Ekiam, men ararem agɨvagham, egh bar gumazamizibar damazibar teriba bar da adizam. Egh a uan gumazamizir aghumsɨgha itiba, a men aghumsɨziba bar da gɨvagham. Kar, Ikiavɨra Itir God kamaghɨn damuasa mɨkemezir akam.

Jeremaia 46:10

“Isipia kamaghɨn mɨkemegha gɨfa. Ezɨ mɨdorozir kam, kar Godɨn Gavgaviba Bar Itimɨn bizim. A en Ekiam. Egha dughiar kamɨn a uan apaniba ivezir kuram me ikarvasi. Mɨdorozim bar gavgavizɨ, gumaziba pura tintinibar ariaghiri. Mati mɨdorozir sabam mɨtiriam puv an azima, a gumazibar mɨkarziba ko ghuziba apava, bar izɨfa. Ikiavɨra Itir Godɨn Gavgaviba Bar Itim, gumazamizir kabav soghezɨ me ariaghire. Egha mati, a uabɨ notɨn amadaghan, Yufretisɨn Fanemɨn boroghɨn ofa gami.”

Aisaia 66:14

Kɨ ia gamizir bizir kam, ia an ganigh ian naviba bar akueghtɨ, ian mɨkarziba bar gavgavightɨ ia deravɨra ikiam. Eghtɨ gumazamiziba kamaghɨn fogh suam, Ikiavɨra Itir God uan gavgavimɨn uan ingangarir gumazamizibar akura. Egha apanibara, a men atarima, me an anɨngagharimɨn mɨzazim barasi.”

Aisaia 49:8

Egha Ikiavɨra Itir God kamaghɨn uan ingangarir gumazim mɨgei, “Kɨ uabɨ ua nɨ inigh, deragh nɨ damuasa dughiam amɨsefe. Dughiar kɨ ian akurvaghasa atɨzir kam, an otozɨ, kɨ nɨn ararem baregha nɨn akura. Egha kɨ bar deravɨra nɨ geghufi. Egh nɨ bangɨn, kɨ nguazimɨn itir gumazamiziba ko Akar Dɨkɨrɨzir Gavgavim damuam. Egh kɨ Israelɨn nguazim damightɨ, a ua deragh otogham. Eghtɨ Israelian adarazi uamateghtɨ, nɨ me bagh men nguazir datɨrɨghɨn pura itim tuiragh, ua me danɨngtɨ, me a dapiam.

Aisaia 35:4

Ia gumazamizir atiatiba me mɨkɨm suam, “Ia tuivigh gavgavigh, egh atiatingan markɨ. Ian God izɨ ian akuragh, egh ivezir kuram isɨ ian apanibar anɨngɨva bar me gasɨghasigham.”

Luk Osirizir Akar Aghuim 6:21

Ia datɨrɨghɨn mɨtiriam aziba, ia gɨn izɨvagham, kamaghɨn ian naviba deragh. Ia datɨrɨghɨn azi darasi, ia gɨn akam, kamaghɨn ian naviba deragh.

2 Korin 6:2

God kamaghɨn mɨgei, “Dughiar kɨ ian kuarkuvigha atɨzim, an otozɨ, kɨ ian dɨmdiam barasi. Dughiar kɨ ian akurvaghasa atɨzir kam, an otozɨ, kɨ ian akura.” Ia oragh! Kɨ ian kuarkuvighamin dughiam datɨrɨghɨn otos. Ezɨ uaghan kɨ ian akurvaghamin dughiam datɨrɨghɨn otos!

Aisaia 1:24

Kɨ Ekiam, kɨ Ikiavɨra Itir Godɨn Gavgaviba Bar Itim. Kɨ Israelian Atrivir Bar Gavgavim, egha kɨ kamaghɨn mɨgei, “O Jerusalem, nɨ datɨrɨghɨn nan akaba baragh. Kɨ uan apaniba, ivezir kuram me ikarvagham, eghtɨ me uam osɨmtɨzim na darɨghan kogham.

Aisaia 2:12

Ikiavɨra Itir Godɨn Gavgaviba Bar Itim uabɨ gumazamizir uarira uan ziaba feba abɨnasa dughiar kam amɨsefe. Egh dughiar kamra, bizir ekiar gumazamiziba gara bar akuegha uan ziaba feba, a bar dagh asɨghasɨgham.

Aisaia 13:6

Ikiavɨra Itir God Izamin Dughiar Ekiam, a roghɨra izegha gɨfa. Kamaghɨn amizɨ, ia bar puvɨram aziva arang. Dughiar kamɨn, Godɨn Gavgavim Bar Itim, dughiar bar kuram amadaghtɨ a izam.

Aisaia 34:2

Ikiavɨra Itir God, kantriba bar me ko mɨdorozir gumaziba, bar men anɨngaghegha me bagha navim isi, egha me aremeghasa, a mɨkemegha gɨfa.

Aisaia 40:1

Ian God ghaze: “Ia gavgavim isɨ nan gumazamizibar anɨngtɨ, me navir amɨrizimɨn ikɨ.

Aisaia 58:5

Ia ti ghaze, ia dagheba ataghɨrazir araziba, kɨ da mɨsevegha dagh ifonge, a? Ia azirakar korotiaba aghuigha uan dapaniba avigha uaghira, mati ighurunim amɨnim a givarazɨ, a nguazim girɨghav iti, egha ia avernim gisɨn akua uaghan uari abɨnasa arazir maba saram ami. Egha ia ti ghaze, arazir kaba ti na damutɨ, kɨ navir aghuim ian ikiam, a? Bar puvatɨ.

Aisaia 60:10

“O Jerusalem, Kantrin Igharazibar Gumazamiziba izɨ ua nɨn dɨvazir gavgavibar ingaram. Eghtɨ men atriviba nɨn ingangarim damuam. Kɨ faragha bar puv nɨn atara nɨ gasɨghasɨki. Egha datɨrɨghɨn, nan navim nɨn itima, kɨ nɨn apangkufi.

Maika 3:8

Ezɨ ko, Ikiavɨra Itir Godɨn Duam gavgavim na ganɨngi, egha guizɨn arazim damuasa nɨghnɨzim isa na ganɨngi. Egha Israelian arazir kuraba bar dar gun me mɨkɨmasa gavgavim na ganɨngi. Eghtɨ kɨ Jekopɨn ovavir boribar arazir akaba batozimɨn gun me mɨkɨmam.

Aisaia 51:12

Ezɨ Ikiavɨra Itir God kamaghɨn uan gumazamiziba mɨgei, “Kɨ uabɨ, kɨ gavgavim ian navibagh anɨga, ian osɨmtɨzibagh ami da gefi. Kamaghɨn amizɨ, ia tizim bagha gumazamizir igharazibar atiati? Me gavgaviba puvatɨ. Gumazamiziba bar zuamɨra arɨmɨghiregh, mati ogheba zuamɨra mɨsɨngi.