Aisaia 60:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Eghtɨ Kantrin Igharazibar Gumazamiziba nɨn angazangarir kamɨn ganigh, nɨ bagh izam. Eghtɨ atriviba uaghan nɨn angazangarir ekiar kamɨn ganigh, dɨkavigh nɨ bagh izam.

Aisaia 60:3 ပူးပေါင်းရင်းမြစ်များ

Aposel 13:47

Ekiam bizir kam bagha kamaghɨn e mɨkeme: “ ‘Kɨ nɨ amɨsevegha ingangarir ekiam nɨ ganɨdi. Egh nɨ damightɨ, nɨ Kantrin Igharazibar Gumazamiziba bagh angazangarimɨn mɨn ikiam. Eghtɨ kɨ Kantrin Igharazibar Gumazamiziba bar men akuragh ua me iniam.’ ”

Aisaia 49:23

Atriviba ko atrivir amiziba uan boribar gari moghɨn, nɨn boribar ganam. Me nɨn ziam fɨsɨ, nɨn suemningɨn boroghɨn uan teviba apɨrigh, dapaniba avigh nguazim ginivigham. Eghtɨ nɨ fogh suam, kɨ uabɨra, kɨ Ikiavɨra Itir God. Gumazamizir nɨghnɨzir gavgavim nan ikia, nan akurvazim bagha mɨzua itiba, me na mɨzuam ikɨ aghumsɨghan kogham.”

Akar Mogomem 21:24

Eghtɨ nguibaba bar dar gumazamiziba nguibar ekiar kamɨn angazangarimɨn daruam. Eghtɨ nguibaba bar dar atriviba uan bizir bar aghuiba inigh an aven izam.

Jon Osirizir Akar Aghuim 12:32

Datɨrɨghɨn kɨ nguazimɨn iti, ezɨ gɨn me ter ighuvimɨn na guragham, eghtɨ dughiar kamɨn kɨ gumazamiziba bar me damutɨ me na bagh izam.”

Aisaia 45:14

Ikiavɨra Itir God kamaghɨn mɨgei, “Kantri Isip ko Itiopian dagɨaba ko biziba, da Israelia ian biziba. Eghtɨ apaniba kantri Sabean itir gumazir ruariba kalabus datɨgh, ia bagh me amadaghtɨ me izɨ, pura ian ingangarir gumazir kɨnibar mɨn ikiam. Egh me ian guabar uan teviba apɨrigh kamaghɨn mɨkɨm suam, ‘Bar guizbangɨra, God ia ko iti. A uabɨra bar guizbangɨra God, ezɨ godɨn tam ua itir puvatɨ!’ ”

Aposel 15:17

Eghtɨ gumazamizir ikiavɨra itir naba God bagh ruiam. Kantrin Igharazibar Gumazamizir nan ziamɨn itiba bar uaghan na buriam.

Sekaraia 2:11

Dughiar ekiar kɨ ian akurazɨ kamɨn, kantrin avɨribar gumazamiziba Ikiavɨra Itir God bagh izɨ, an gumazamizibar ikiam. Guizbangɨra, kɨ izɨ ia ko ikɨva ian tongɨn ikiam.” Bizir kam otoghtɨ, ia fogh suam, Ikiavɨra Itir Godɨn Gavgaviba Bar Itim, a uabɨ na amadazɨ kɨ ia bagha ize.

Aisaia 49:12

Ia gan! Nan gumazamiziba nguibar bar saghon itibar ikegh izam. Marazi not ko aruem uaghiri naghɨn ikegh izam. Marazi uaghan Aswanɨn nguibamɨn amadaghan ikegh izam.”

Aisaia 11:10

Eghtɨ dughiar kamɨn, atrivir igiam, Jesin ovavir boribar tongɨn otogh, mati temer ghuzir igiam, temer dakar kamɨn oto. Eghtɨ gumazamiziba bar an gantɨ, a me bagh ababanimɨn mɨn ikiam. Eghtɨ gumazir kamra, kantribar gumazamiziba a bagh izɨ a baghvɨra ikiam. Eghtɨ an Dɨpenir an avughsɨ ikiamim, bar gavgavigh ziar bar ekiam ikɨtɨ, an angazangarim bar me gisiragham.

Onger Akaba 138:4

Nɨ mɨgei, nguazir kamɨn atriviba uari nɨn akam baraki, kamaghɨn me nɨn ziam fam.

Onger Akaba 68:29

Atriviba bizir aghuiba inigha iza, nɨn Dɨpenir Jerusalemɨn itimɨn nɨ ganɨdi.

Akar Mogomem 11:15

Ezɨ enselɨn namba 7 uan sɨgham givima, Godɨn Nguibamɨn itir darazi tiariba akara ghaze: “En Ekiam ko an Gumazir a Gumazamiziba Ua Me Iniasa Mɨsevezim, aning datɨrɨghɨn nguazir kam gativagha an gari. Egh aning atrivimɨn ikɨ mamaghɨra ikiam.”

Luk Osirizir Akar Aghuim 24:47

Eghtɨ nan ziamɨn, ia nan akam inigh mangam. Ia Jerusalem ikegh nan akam inigh nguazimɨn mɨkebaba bar dar mangɨ. Ia ikɨziba bar dar gumazamizibav kɨmtɨ, me navibagh iraghtɨ kɨ men arazir kuraba gɨn amangam.

Matyu 28:19

Kamaghɨn amizɨ, ia nguazimɨn itir nguibaba bar dar mangɨ, ikɨziba bar dar gumazamiziba, me damutɨ, me nan suren gumazamizibar otiv. Eghtɨ ia Afeziamɨn ziam ko, Otarimɨn ziam, ko Godɨn Duamɨn ziamɨn me ru.

Amos 9:12

Eghtɨ Israelia Idomɨn kantrin nguazir ikiavɨra itiba bar ada inigh, egh kantrin igharazir kɨ ua bagha inabaziba uaghan da iniam. Kar Ikiavɨra Itir God, bizir kabar amutɨ da otivasa mɨgei.”

Aisaia 66:12

Egha Ikiavɨra Itir God kamaghɨn mɨgɨa ghaze, “Ia oragh! Kɨ Jerusalemɨn nguibar ekiam damightɨ, a zurara bar deravɨra ikiam. A kantrin igharazibar bizir aghuir avɨriba iniam. Mati faner zurara emɨra ivemara gevir puvatɨzɨ moghɨn, bizitamɨn oteveghan kogham. Ia bizir kaba iniva bar akuegham, mati borim amebamɨn otem apava bar akongezɨ, amebam a ifiragha aruima a bar akonge. Egha amebam a isa uan apozim gatɨgha a gikararaima, a bar akonge.

Aisaia 60:16

Nɨ kantrin igharazibar bizir bar aghuibara initɨ, atriviba uan bizir aghuiba nɨ danɨngam, mati amizim otem uan borim ganɨdi. Eghtɨ nɨ kamagh fogh suam, kɨrara kɨ Ikiavɨra Itir God. Kɨ uan gumazamiziba ua me isir God, kɨ nɨn Akurvazir Gumazim, kɨ Jekopɨn ovavir boribar Godɨn Bar Gavgavim.

Aisaia 60:10

“O Jerusalem, Kantrin Igharazibar Gumazamiziba izɨ ua nɨn dɨvazir gavgavibar ingaram. Eghtɨ men atriviba nɨn ingangarim damuam. Kɨ faragha bar puv nɨn atara nɨ gasɨghasɨki. Egha datɨrɨghɨn, nan navim nɨn itima, kɨ nɨn apangkufi.

Onger Akaba 72:11

Atriviba bar izɨ a bagh teviba apɨram. Eghtɨ kantriba bar, dar gumazamiziba an ingangaribar amuam.

Onger Akaba 22:27

Nguazimɨn itir ikɨziba bar, me Ikiavɨra Itir God gɨnɨghnɨgh, a bagh izɨ an guamɨn teviba apɨrigh an ziam fam.

Onger Akaba 2:10

Kamaghɨn amizɨ, ia atriviba, ia kuariba arigh oregh nɨghnɨzir aghuim iniam. Ia nguazimɨn gumazir dapaniba, ia akar kam baregh deravɨra uari bagh ganam.

Jenesis 49:10

Egha an atrivimɨn aghorimɨn suiraghtɨ, an an gavgavir ekiam akaghtɨ, a ikɨ mamaghɨra ikiam. Egh an ovavir boribar atrivimɨn mɨn ikɨ mangɨtɨ, gumazamiziba bar a bagh bizir aghuiba inigh a bagh izamin dughiam otogham. Egh a kantriba bar dagh ativagham.

Aisaia 42:6

“Kɨ Ikiavɨra Itir God, nɨ nan arazir aghuimɨn bizibar amuasa kɨ nɨn dia. Egh nɨn agharimɨn suiragh, deragh nɨ geghuv nɨn ganam. Egh nɨ bangɨn, kɨ Akar Dɨkɨrɨzir Gavgavim nguazir kamɨn gumazamiziba ko a damuam. Egh nɨ damutɨ, nɨ kantribar gumazamiziba, bar men angazangarimɨn mɨn ikiam.

Aisaia 45:22

“Ia nguazir kamɨn saghon itir danganibar gumazamiziba, ia bar na bagh izɨ. Kɨrara kɨ God, ezɨ godɨn tam ua itir puvatɨ. Kamaghɨn amizɨ, ia na bagh izɨtɨ, kɨ ian akurvaghtɨ, ia deravɨra ikiam.

Aisaia 56:8

Kɨ Ikiavɨra Itir God, ian Ekiam ghaze, Kɨ Israelian gumazamizir apaniba inigha kalabus gatɨziba, kɨ uamategh me inigh izam. Egh gumazamizir kɨ kalabusɨn inigha iza akuvaziba, kɨ ua gumazamizir igharazir taba inigh me gɨfuragham.

Aisaia 62:2

Eghtɨ Kantrin Igharazibar Gumazamiziba gantɨ, God Jerusalemɨn akurvagh suam, nɨ nan damazimɨn dera. Eghtɨ atriviba gantɨ, God gavgavim ko ziar ekiam isɨ nɨ danɨngam. Egh me ziar igiam nɨ darɨgham, kar ziar Ikiavɨra Itir God uabɨ nɨ danɨngamim.

Onger Akaba 102:16

Ikiavɨra Itir God, gɨn ua Saionɨn nguibamɨn ingarigh, egh uan gavgavim ko angazangarim sara gumazamizibar akagham.