Aisaia 6:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Ezɨ enselɨn kabar mav, ghua akamimɨn mɨn garir bizim isa ofa gamir dakozimɨn itir avir mɨkɨamɨn suiragha, mɨghegha na bagha izi.

Aisaia 6:6 ပူးပေါင်းရင်းမြစ်များ

Esekiel 10:2

Ezɨ Ikiavɨra Itir God, gumazir inir ghurghurir aghuim aruzim mɨgɨa ghaze, “Nɨ mangɨ ganigh, 4plan wilba, da enselɨn bar gavgavir kabar apengan iti. Nɨ wilbar tongɨn mangɨva dafarim amadagh, avivkɨataba inighɨva nguibar ekiam gisɨn tintinibar da kavamadagh.” Ezɨ kɨ garima, a zui.

Hibru 13:10

Ezɨ e Godɨn ofa gamir dakozir mam iti. Ezɨ Judabar Purirpenimɨn aven ofa gamizir gumaziba, God men anogoroghezɨma, me ofa gamir dakozir kamɨn daghebar aman kogham.

Hibru 1:7

God enselbagh nɨghnɨgha kamaghɨn mɨgei, “A uan enselbagh amima da amɨnimɨn mɨn otifi, egha uan ingangarir gumazibagh amima me avir mɨzariabar mɨn otifi.”

Aisaia 6:2

Ezɨ enselɨn bar gavgaviba an okarigha iti. Egha enselba bar vaghvagha 6plan avɨziba iti. Me uan avɨzir mamning isa uan guaba ava, egha avɨzir mamningɨn uan mɨkarziba nogha, egha avɨzir mamningɨn mɨgha zui.

Ofa Gami 16:12

Egh a gɨn mɨnetam inigh, Ikiavɨra Itir Godɨn damazimɨn itir ofa gamir dakozimɨn mangɨ, egh avir mɨkɨar isia itiba mɨnem daghuigh, da inigh inir ekiamɨn gɨrakɨrangɨn itir Danganir Bar Anogoroghezimɨn mangɨ. Egh a Ikiavɨra Itir Godɨn damazimɨn dafarir pumuning pauran mughuriar aghuim zuim a daghuigh, a isɨ avir kam datɨghtɨ, pauran kamɨn mɨgharim, Akar Dɨkɨrɨzir Gavgavimɨn Boksiamɨn asuam avaragham, kar arazir kuraba gɨn amadir danganim. Mɨgharir gavgavir kam ikɨtɨ, kamaghɨn Aron uabɨ, arazir kuraba gɨn amadir danganimɨn ganan kogham. An an ganightɨ, kɨ a mɨsueghtɨ an aremegham.

Hibru 1:14

Guizbangɨra enselba me duaba, egha me Godɨn ingangarim gami. Ezɨ God gumazamizir a ua iniamibar akurvaghasa me amadi, me arui.

Aposel 2:3

Egha me garima bizir mam mati avir mɨzariaba bɨaghira vaghvagha men dapanir siriabagh apiaghiri.

Matyu 3:11

“Ia navibagh irazir arazim akakaghasa kɨ dɨpamɨn ia rue. Ezɨ nan gɨn izir gumazim, an gavgavim nan gavgavim gafira. Ezɨ kɨ an dagarir asuabar ateramin gavgaviba puvatɨ. Gumazir kam Godɨn Duam ko avimɨn ia ruam.

Dɨboboniba 16:46

Egha Moses kamaghɨn Aron mɨgei, “Nɨ uan ofan mɨgharir mughuriar aghuim zuimɨn itarim inigh, ofan dakozimɨn avir mɨkɨar isia itiba ko pauran taba dar arɨkigh. Egh zuamɨra gumazamiziba bagh mangɨ, men arazir kuraba gɨn amangɨsɨ, ofa damu. Bar guizbangɨra, Ikiavɨra Itir Godɨn anɨngagharim izaghirɨzɨ, arɨmariar bar kuram otogha me gasɨghasɨzima, marazi ariaghiri.”

Ua Me Ini 25:38

Egh golɨn aghuariba inigh, egh akamimɨn mɨn avimɨn suizir bizitabar ingarigh egh uaghan itaribar ingarigh.

Jeremaia 1:9

Egha Ikiavɨra Itir God, uan dafarim isa nan akam gatɨgha, kamaghɨn mɨgei: “Nɨ oragh. Kɨ datɨrɨghɨn uan akaba isa nɨn akam garɨsi, eghtɨ nɨ dar gun mɨkɨmam.