Aisaia 6:5 - Godɨn Eghaghanim: Akar Gavgavir Dɨkɨrɨzir Ghurim ko Igiam5 Ezɨ kɨ atiatigha ghaze, “Maia, kɨ ikuvigha gɨfa. Nan mɨzem zurara akar kurabav gɨavɨra iti, ezɨ kɨ gumazamizir mɨzer akar kurabav geiba ko iti. Kɨ arazir kurabagh amir gumazim, egha datɨrɨghɨn kɨ Atrivimɨn ganigha gɨfa, a Ikiavɨra Itir Godɨn Gavgaviba Bar Itim. Kɨ uan damazimningɨn an ganigha gɨfa, kamaghɨn amizɨ, kɨ aremegham.” အခန်းကိုကြည့်ပါ။ |
Ezɨ Ekiam kamaghɨn mɨgɨa ghaze: “Gumazamizir kaba uan akatoribara nan ziam fe, ezɨ men naviba ko nɨghnɨziba bar nan saghon iti. Me guizbangɨra nan ziam fer puvatɨ. Me gumaziba pura uari amizir otivizir arazibar gɨntɨsi. Me arazir kabar men sure gamizɨ, me pura uan akatoribara dar bori, ezɨ da men navir averiabar aven zuir puvatɨ.
Ezɨ Moses Ikiavɨra Itir God mɨgɨa ghaze, “Markɨ, Ekiam. Nɨ na amangan markɨ. Kɨ fomɨra iza datɨrɨghɨn deragha bizibav geir puvatɨ. Ezɨ nɨ datɨrɨghɨn na mɨgeima, kɨ bizibav geir gumazimɨn mɨn otozir puvatɨ. Kɨ asoghosogha bizibav gɨa, egha uaghan nɨmɨra bizibav gei. Egha kɨ mɨkɨmamin nɨghnɨzitam zuamɨra a ginɨrɨghan kogham.”
Kɨ bizir kaba bar da baregha agoi. Kɨ atiatia agoima, nan akam uaghan nɨsi. Nan agharapaniba amɨraghamɨregha berir amɨrazimɨn mɨn oto. Ezɨ nan suemning nan amɨrazɨ, kɨ ua gavgaviba puvatɨ. Kɨ fo, God izɨ apanir e gasɨghasɨghizir kaba puv me damigham. Ezɨ kɨ dughiar kam mɨzua iti. Kamaghɨn amizɨ, kɨ pura uabɨn asugha nɨmɨra iti.
Ia oragh! Nguazir kamɨn ruaghatevir bar saghon itibar gumazamiziba, me bar akongezir ighiabagh ami. Ezɨ men ighiam kamakɨn, “Ikiavɨra Itir God, arazir aghuibagh ami. Kamaghɨn amizɨ, e bar ziar ekiam a ganɨdi.” Ezɨ kɨ kamaghɨn mɨgei, “Iavzika! Kɨ bar akueghan kogham. Nan navim bar osɨmtɨzir dafam iti, ezɨ nan ikɨrɨmɨrim pura gɨvasava ami. Kɨ garima, gumazir arazir kurabagh amiba ko akar ifavaribagh amiba, igharaz darazigh ifara paza me gami.