Aisaia 6:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ezɨ kɨ ikiava orazima, enselba dɨa ongema, Dɨpenimɨn akɨnir tiar akamɨn itiba ivazvagha nɨsi. Ezɨ kɨ garima, mɨgharim Dɨpenim gizɨfa.

Aisaia 6:4 ပူးပေါင်းရင်းမြစ်များ

Akar Mogomem 15:8

Ezɨ Godɨn Dɨpenim, an angazangarim ko an gavgavimɨn mɨgharim, bar a gizɨfa. Kamaghɨn amizɨ gumazitam dɨpenimɨn aven mangan kogham. Me kamaghɨra ikɨ mangɨ 7plan enselba, 7plan bizir bar kurar gumazamizibagh asɨghasɨghamin ingangarim gɨvagham.

Akar Mogomem 11:19

24plan gumazir dapaniba mɨkemegha gɨvazɨma, Godɨn Dɨpenir an Nguibamɨn itim kuiaghirɨzɨma, me garima, Akar Dɨkɨrɨzir Gavgavim itir Boksiam Godɨn Dɨpenimɨn aven iti. Ezɨ overiamɨn onɨmariba taghtagha tintinibar zuima, nɨgɨnir dafam otozɨ, arariba dagarvasi, ezɨ mɨkɨmkɨzim otozɨ amozir ofɨzir ekiar dagɨabar mɨn gariba iri.

Esekiel 10:5

Ezɨ enselɨn bar gavgavir kabar avɨziba tɨngazir nɨgɨnim, me dɨvazir ekiar azenan itimɨn aven uaghan da baragham. Dar avɨzibar nɨgɨnim, mati Gavgaviba Bar Itir Godɨn tiarim.

Ua Me Ini 40:34

Egha ingangariba bar gɨvazɨ, ghuariam maghɨra iza God bativamin Purirpenim avarazɨ, Ikiavɨra Itir Godɨn angazangarir ekiam Purirpenim bar a gizɨfa.

Amos 9:1

Kɨ Ekiamɨn garima, a uan Dɨpenim avɨnizir dɨvazimɨn aven itir ofa gamir dakozimɨn boroghɨn tughav iti. Egha kamaghɨn mɨgei: “Ia nan Dɨpenimɨn guarir akɨnir ruaribar dapanibav soghtɨ, dɨpenimɨn azuarimɨn danganiba bar ivazvagh. Eghtɨ Dɨpenir akɨnir guariba dɨpɨrighɨrɨ, gumazamizibar dapanibav soghtɨ me arɨmɨghiram. Eghtɨ ariaghirezir puvatɨziba ikɨvɨra ikɨtɨ, kɨ apanibar amamangatɨghtɨ me izɨ me mɨsoghtɨ, me arɨmɨghiregham. Men tarazi aregh deraghvɨra ikian kogham. Bar puvatɨgham.

Onger Akaba 18:8

Mɨgharim Ikiavɨra Itir Godɨn atinimɨn otivaghiri, ezɨ avim an akamɨn otivaghira bizir avɨribar isi. Egha mɨzariaba ira tintinibar zui.

Esekiel 1:24

Egha da mɨgha zuima, kɨ dar avɨzibar nɨgɨnim barazima, mati ongarim dɨpɨra tɨngazi, egha mati mɨdorozir gumazir okuruar gavgavir mam mɨsoghasa zui, egha mati Godɨn Gavgaviba Bar Itimɨn tiarim, ararimɨn mɨn dagarvasi. Egha da mɨghegha ghua tuivigha, uan avɨzibar kumi.

Esekiel 44:4

Egha gumazir kam na inigha ga notɨn amadaghan itir tiar akamɨn aven ghua, Godɨn Dɨpenimɨn tiamɨn oto. Ezɨ kɨ garima, Ikiavɨra Itir Godɨn angazangarir ekiam, Ikiavɨra Itir Godɨn Dɨpenim bar a gizɨfa. Kamaghɨn amizɨ, kɨ degiaghirɨgha uan guam nguazim gatɨ.