Aisaia 6:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Egha me dɨa ongava uarira uariv gɨa ghaze: “Ikiavɨra Itir Godɨn Gavgaviba Bar Itim, an arazir kurabar saghon ikiava Bar Zue, a Bar Zue, a Bar Zue! An angazangarim ko gavgavim ko ziar ekiam, bar nguazim avara.”

Aisaia 6:3 ပူးပေါင်းရင်းမြစ်များ

Onger Akaba 72:19

E zurara an ziar aghuir kam fɨvɨra ikiam. Bar guizbangɨra. An ziar Ekiam nguazir kam bar a gizɨfagh.

Esra 3:11

Me bar akongegha uarira uari ikarvazir ighiabagh amua Ikiavɨra Itir Godɨn ziam fava a mɨnabi: “Ikiavɨra Itir God, a bar dera! Guizbangɨra, a zurara Israelian apangkuvigha mamaghɨra iti.” Me gara guizbangɨra fo, ingangarir gumaziba Ikiavɨra Itir Godɨn Dɨpenimɨn dagɨar ekiar an apengan ikɨ gavgavim a danɨngamiba, me da arɨghizɨ da iti. Kamaghɨn amizɨ, me bar uan gavgavibar pamtemɨn tiariba akara Ikiavɨra Itir Godɨn ziam fe.

Dɨboboniba 14:21

Bar guizbangɨra, kɨ Ikiavɨra Itir God, kɨ zurara angamɨra iti, ezɨ nan gavgavim ko angazangarim ko ziar ekiam nguazir kam bar a gizɨfa. Ezɨ kɨ datɨrɨghɨn uan ziamɨn akar dɨkɨrɨzim gamua ghaze,

Ua Me Ini 15:11

O Ikiavɨra Itir God, ua godɨn manam ikia nɨn mɨn gavgafi? Tav ua itir puvatɨ. Nɨ atrivir ekiam, egha arazir aghuibaram ami. Nɨ bar pɨn kozɨ, e nɨn atiati. Tina nɨn mɨn iti? Tav ua itir puvatɨ. Nɨrara dɨgavir kuram gamir arazibagh ami, egha ingangarir ekiabagh ami.

Sekaraia 14:9

Eghtɨ Ikiavɨra Itir God nguazir kamɨn kantriba bar dagh ativagh dar Atrivimɨn ikiam. Eghtɨ a bar uabɨra, gumazamiziba bar moghɨra ziar vamɨra a darɨgh, an ziam fam.

Aisaia 40:5

Eghtɨ Ikiavɨra Itir Godɨn angazangarir gavgavim ko ziar ekiam azenim girɨghtɨ, nguazir kamɨn gumazamiziba bar moghɨram an ganam.” Kar Ikiavɨra Itir Godɨn, akatorimɨn otozir mɨgɨrɨgɨam.

Aisaia 24:16

Ia oragh! Nguazir kamɨn ruaghatevir bar saghon itibar gumazamiziba, me bar akongezir ighiabagh ami. Ezɨ men ighiam kamakɨn, “Ikiavɨra Itir God, arazir aghuibagh ami. Kamaghɨn amizɨ, e bar ziar ekiam a ganɨdi.” Ezɨ kɨ kamaghɨn mɨgei, “Iavzika! Kɨ bar akueghan kogham. Nan navim bar osɨmtɨzir dafam iti, ezɨ nan ikɨrɨmɨrim pura gɨvasava ami. Kɨ garima, gumazir arazir kurabagh amiba ko akar ifavaribagh amiba, igharaz darazigh ifara paza me gami.

Onger Akaba 57:11

O God, nɨ overiamɨn uan gavgavim akagh. Eghtɨ nguazimɨn gumazamiziba ganigh fogh suam, nɨn gavgavim bar ekevegha me gafiragha pɨn iti.

Efesus 1:18

Kɨ kamaghɨn Godɨn azangsɨsi, ian nɨghnɨzim kuighirɨghtɨ ia Godɨn angazangarimɨn ganam. Egh ia kamaghɨn fogham, God ian diazɨma bizir aghuir ia fogha iniamiba bagha mɨzuai iti. Egh kamaghɨn fogham, bizir aghuir God uan gumazamizibar anɨngamiba, da bar ekevegha pɨn ko.

Habakuk 2:14

Eghtɨ nguazimɨn itir gumazamiziba bar deraghvɨra Ikiavɨra Itir God gɨfogham. Eghtɨ fofozir kam, nguazimɨn oteviba bar dagh izɨvagham, mati ongarim bar ghua uan danganimra tu.

Onger Akaba 90:16

E nɨn ingangarir gumaziba, nɨ uan ingangarir gavgaviba en akagh. Nɨ uaghan en ovavir boriba, nɨ uan ingangarir gavgavir aghuiba men akagh.

Onger Akaba 97:6

Overiam uabɨ, kamaghɨn akam akura ghaze, “God arazir aghuibaram ami.” Ezɨ gumazamiziba bar an angazangarim ko gavgavimɨn gari.

Onger Akaba 99:3

Gumazamiziba bar anarɨra nɨghnɨgh, ana atrivim, egha gavgavim ko ziar ekiam itima, an ziam bar zue. Me an ziar ekiam fɨ.

Aisaia 54:5

“Gumazir nɨn ingarizim, a nɨn pamɨn mɨn iti. An ziam kara, Ikiavɨra Itir Godɨn Gavgaviba Bar Itim, a Israelian Godɨn Bar Zuezim, a nɨn Akurvazir Gumazim, a nguaziba bar dagh ativagha dar garir God.

Esekiel 43:2

Ezɨ kɨ garima, Israelian Godɨn angazangarir ekiam ko gavgavim aruem anadi naghɨn ikegha izi. Ezɨ angazangarir ekiam ko gavgavim izir dughiamɨn, kɨ nɨgɨnir ekiam barazima, a mati ongarir ekiaba dɨpɨra tɨngazi. Ezɨ Godɨn angazangarim nguazim gamima a bar dafogha taghtasi.

Esekiel 44:4

Egha gumazir kam na inigha ga notɨn amadaghan itir tiar akamɨn aven ghua, Godɨn Dɨpenimɨn tiamɨn oto. Ezɨ kɨ garima, Ikiavɨra Itir Godɨn angazangarir ekiam, Ikiavɨra Itir Godɨn Dɨpenim bar a gizɨfa. Kamaghɨn amizɨ, kɨ degiaghirɨgha uan guam nguazim gatɨ.

Onger Akaba 8:2

Borir bar iririviba uaghan nɨn ziam fe. Nɨn apaniba ko, nɨn akam batozir darazi nɨ men tuavim apɨrasa, dɨvazir bar gavgavim atɨ.

Onger Akaba 66:2

E ighiaba bangɨ an ziar ekiamɨn gun mɨkɨm, an ziar ekiam fɨtɨ, a bar pɨn ikɨ.

Onger Akaba 99:9

E Ikiavɨra Itir Godɨn ziam fam, a en God, e an mɨghsɨamɨn an ziam fam. Ikiavɨra Itir God, a en God, a Godɨn arazir aghuibaram amim.