Aisaia 57:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Ia ti ghaze, ia arazir aghuibaram ami. Ian arazir ia amiba, kɨ da azenim datɨgham. Eghtɨ da tong ian akuraghan kogham. Bar puvatɨgham.

Aisaia 57:12 ပူးပေါင်းရင်းမြစ်များ

Matyu 23:13

Egha Iesus ua kamaghɨn mɨgei, “Ia Judan Arazibagh fozir gumaziba ko Farisiba, Iavzika, ia bar ikuvigham! Ia ifavaribagh amir gumaziba! Ia God Bizibagh Ativamin Dughiamɨn tiam asarazɨ, gumazamiziba azenan iti. Egha ia uaghan aven mangan aghua. Ezɨ gumazamiziba aven mangasava amima ia men tuaviba apɨri.

Matyu 23:5

“Arazir me amiba, me uarir ganasa oda dagh ami. Me Godɨn Akar maba, uan daveriaba ko guaghafɨvibar da osirigha, egha dagh amizɨ, da bar ekefe, ezɨ me da azui. Egha korotiar apɨnibar itir dueviar bar ruariba, me da azui. Egha ghaze, e arazir kamɨn uari akakagh suam, e guizbangɨra Godɨn akabar gɨn zui.

Aisaia 64:5

Gumazir arazir aghuibara damuasa ifuegha nɨn tuavim gɨnɨghnɨgha an gɨn zuiba, nɨrara me bativa me gifonge. E fo, nɨ faragha en ataravɨra itima, e tong uan arazir kuraba ataghɨrazir puvatɨ. E dughiar bar ruarimɨn arazir kurabar amuasa bar gavgavighavɨra iti. Ezɨ markɨ, nɨ uan gavgavir ekiam sara izɨ uam e inigh.

Aisaia 29:15

Gumazamizir uan nɨghnɨzir kuraba ko uan arazir kuraba Ikiavɨra Itir Godɨn da mongasava amiba, mevzika! Me bar ikuvigham! Me arazir kurar kaba, mogomer danganiba ko dɨmagaribar dagh amua kamaghɨn mɨgɨa ghaze, “Tinara en ganigh e gɨfogham?”

Aisaia 58:1

Ikiavɨra Itir God kamaghɨn Aisaia mɨgei, “Nɨ bar pamtemɨn dɨm! Egh aghumra dɨman markɨ! Nɨ tiarir arozim akar, mati sɨgham arang kamaghɨn nan gumazamiziba mɨkɨm, me nan Akar Gavgavibar gɨntɨzir puvatɨ. Nɨ Jekopɨn ovavir boribar arazir kurabar gun me mɨkɨm.

Aisaia 65:7

Kɨ Ikiavɨra Itir God, kɨ kamaghɨn mɨgei, kɨ ia damutɨ, ia uan arazir kurabar osɨmtɨziba ko uan inazir afeziabar osɨmtɨziba saram ateram. Ian inazir afeziaba mɨghsɨabar ghuavanega, asebar ziaba fer danganibar, ofan mɨgharir mughuriar aghuiba zuibagh ami. Egha me mɨghsɨabar pɨn ikia arazir kurar avɨriba nan damazimɨn dagh amua, egha arazir kamɨn na dɨpova aghumsɨzim na ganɨdi. Kamaghɨn amizɨ, kɨ men arazir kurar me amizibar ivezimra me danɨngam.”

Aisaia 66:18

Ikiavɨra Itir God ghaze, “Kɨ gumazamizibar nɨghnɨziba ko arazibar ganigha fo, kar dughiar kɨ gumazamiziba bar me akuvamim. Kantriba bar dar itir gumazamiziba ko akar igharazibav mɨgeir gumazamiziba, me bar moghɨra izam. Me izɨ uari akuvaghamin dughiamɨn, me nan angazangarir ekiam ko gavgavimɨn ganam.

Aisaia 44:9

“Gumazir marvir guabar ingariba, men ingangariba dagheba puvatɨgham. Ezɨ nedazir me gara da bagha bar akongezir kaba, da pura bizir kɨnibar mɨn iti. Ezɨ aser kabar ziaba fer gumazamiziba, me mɨtatemɨn aven iti moghɨn, bizitamɨn ganigh a gɨfoghan kogham, kamaghɨn kotɨn aven me uan asebar akuragh deraghvɨra da bagh mɨkɨman kogham. Kamaghɨn amizɨ, me onganigh aghumsigham.

Jeremaia 10:11

“Israelia, ia kamaghɨn nɨghnɨzir gavgavim Godɨn itir puvatɨzir gumazamizibav kɨm, ‘Ian aseba overiam ko nguazimɨn ingarizir puvatɨzɨ, da ua nguazim ategh an ikian kogham, egh overiamɨn apengan ikian kogham.’ ”

Jeremaia 10:14

Ezɨ gumazamiziba, me bar onganigha bizitam gɨfozir puvatɨ. Gumazir marvir guaba golɨn dar ingariba, me bizir me ingarizir kaba bagh bar aghumsɨgham. Kar guizɨn godba puvatɨ. Marvir guar kaba, da amɨnir datɨrɨghɨn en ikia angamɨra itir kam puvatɨ.

Jeremaia 10:15

Kar me dɨbovir akabav kɨmasa pura ingarigha arɨghizir bizir kɨniba. Eghtɨ Ikiavɨra Itir God, me tuisɨghamin dughiam izɨtɨ me bar ikuvigham.

Jeremaia 51:18

Kar me dɨbovir akabav kɨmasa pura ingarigha arɨghizir bizir kɨniba. Eghtɨ Ikiavɨra Itir God, me tuisɨghamin dughiam izɨtɨ, me bar ikuvigham.