Aisaia 57:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Gumazamizir aghuiba ariaghirir dughiamɨn, gumazamiziba men gara men apangkuvir puvatɨ. Egha me kamaghɨn nɨghnɨzir puvatɨ, Ekiam gumazamizir kaba ataghizɨ, me ovea zui, me gɨn izamin dughiar kurabagh itavɨragham.

Aisaia 57:1 ပူးပေါင်းရင်းမြစ်များ

2 Atriviba 22:20

Egh kɨ nɨ ateghtɨ, nɨ uabɨ Jerusalemɨn otivamin asɨghasɨzir kamɨn ganighan kogham. Puvatɨ. Nɨ bar deraghvɨra ikiam. Egh nɨ gɨn uan inazir afeziabar mɨn aremeghtɨ, me nɨn kuam afagh gɨvaghtɨ, kɨ Jerusalem gasɨghasigham.’ ” Godɨn akam inigha izir amizim Hulda, Ikiavɨra Itir Godɨn akam gumazir kabagh anigha gɨvazɨ, me akar kam inigha uam atrivim bagha uamategha ghue.

Onger Akaba 12:1

O Ikiavɨra Itir God, nɨ en akuragh. Gumazamizir aghuiba bar puvatɨ? Nɨ ua gumazamizir zurara nɨghnɨzir gavgavir nɨn ikiavɨra itibar ganan kogham.

2 Eghaghaniba 34:28

Egh kɨ nɨ ateghtɨ, nɨ uabɨ Jerusalemɨn otivamin asɨghasɨzir kamɨn ganighan kogham. Puvatɨ. Nɨ bar deraghvɨra ikiam. Egh nɨ gɨn uan inazir afeziabar mɨn aremeghtɨ, me nɨn kuam afagh gɨvaghtɨ, kɨ Jerusalem ko, an itir darazigh asɨghasɨgham.’ ” Godɨn akam inigha izir amizim Hulda, Ikiavɨra Itir Godɨn akam gumazir kabagh anigha gɨvazɨ, me akar kam inigha atrivim bagha uamategha ghue.

Maika 7:2

Gumazir aghuitam nan kantrin aven itir puvatɨ. Gumazitam guizbangɨra Godɨn gɨn zuir puvatɨ. Bar puvatɨ. Dughiabar zurara gumazamiziba uarira uarir apanibagh amua uarigh asɨghasɨghasa uari bagha tuaviba buri, mati gumazim asɨzibav soghasa, azuazim agura.

Aisaia 42:25

A en apanibar amamangatɨzɨ, me iza e ko mɨsosi. Ezɨ tuavir kamɨn, a uan anɨngagharim isa e Israelia, e gingezɨ, an e avara. An anɨngagharim avimɨn mɨn bar en isi. E arazir kamɨn gara, egha deragha fozir puvatɨgha, bizitam gamir puvatɨ.

Aisaia 47:7

Nɨ ghaze, nɨ atrivir amizimɨn ikɨ mamaghɨra ikiam, kamaghɨn amizɨ, bizir kaba ko bizir gɨn nɨ bativamiba, nɨ deragha dagh nɨghnɨzir puvatɨ.

Malakai 2:2

Ia na bagh ingangaribar amusɨ, ia guizbangɨra nan ziar ekiam famin ingangaribar amu. Ia nan akaba batogh da baraghan koghtɨ, kɨ Ikiavɨra Itir Godɨn Gavgaviba Bar Itim, kɨ kamaghɨn mɨgei, ia bar ikuvigham. Egh bizir aghuir ia uarir akurvaghasa isiba, kɨ dagh asɨghasigham. Ia ghaze, kɨ ti pura mɨgei, egha nan akaba batosi. Kamaghɨn, kɨ ia gasɨghasigha gɨfa.

2 Eghaghaniba 35:24

Ezɨ me karisɨn a itimɨn a inigha karisɨn igharazim gatɨgha, a inigha Jerusalemɨn ghu. Ezɨ an aremezɨma, me an kuam isa an inazir afeziabar mozibar boroghɨn anefa. Ezɨ Judaba ko, Jerusalemɨn gumazamiziba, me bar Atrivim Josaian kuarkuvigha, a bagha puv azi.

2 Eghaghaniba 32:33

Atrivim Hesekia uan inazir afeziabar mɨn aremezɨ, me an kuam isa Atrivim Devitɨn ovavir boribar mozibar boroghɨn anefa. An mozim atrivir igharazir mabar mozibar mong mɨghsɨamɨn pɨn iti. Ezɨ Juda ko, Jerusalemian gumazamiziba, an ziar ekiam gɨnɨghnɨgha bar an kuarkufi. Ezɨ an otarim Manase an danganim inigha atrivimɨn oto.

1 Atriviba 14:13

Eghtɨ Israelia bar moghɨra an aziva anefam. A uabɨra Jeroboamɨn adarazir tongɨn, Ikiavɨra Itir God, Israelian God, an garima, an arazir aghuibagh ami. An kuamra gumaziba a isɨ mozim darɨgham. Eghtɨ Jeroboamɨn adarazir gumazir igharaziba, puvatɨgham.

Aisaia 57:11

“Ia bar tinaram atiatia, na gifara akɨrim ragha na gasaragha bar na bakɨnɨghnɨki? Kɨ ti bar dughiar ruarimɨn ian atarizir puvatɨ, kamaghɨn amizɨ, ia ua nan atiatir puvatɨ.

Dɨboboniba 23:10

Israelɨn ovavir boriba bar avɨraseme, me nguazir mɨnezibar mɨn bar avɨraseme. Eghtɨ gumazitam me mengan iburagham. Ia na teghtɨ, kɨ uan arueba gɨvaka. Kɨ Godɨn gumazamizibar mɨn navir amɨrizim sara aremeka. Kɨ gumazamizir aghuibar mɨn aremeghasa.”

Onger Akaba 37:37

Gumazamizir Godɨn damazimɨn deraziba, me osɨmtɨzitam itir puvatɨ. Nɨ men gan fogham. Me navir amɨrizimɨn ikia deravɨram apiazɨ, men ovavir boribar dabirabim deragha ikia mamaghɨra iti.

Aisaia 47:11

Dughiar bar kuram nɨ batogham, eghtɨ nɨ akavsiamɨn gavgavimɨn a gitavɨraghan kogham. Osɨmtɨzir dafam zuamɨra nɨ batogham, eghtɨ nɨ an tuavim apɨramin bizitam damuan kogham. Bizir bar kurar nɨ nɨghnɨzi da nɨ bativan koghamiba, da nɨ batogh bar nɨ gasɨghasigham.

Jeremaia 18:11

“Jeremaia, nɨ kamaghɨn Judaba ko Jerusalemia mɨkɨm, ‘Kɨ Ikiavɨra Itir God, kɨ ghaze, ia oragh! Bizir kurar kɨ ia damuamim, kɨ anekɨrigha gɨfa. Kɨ ivezir kuram ia danɨngasava ami. Kamaghɨn amizɨ, ia vaghvagh uan arazir kuraba ategh, uan dabirabiba akɨrigh arazir aghuibara gɨn mangɨ.’

Jeremaia 22:10

Ia Judaba, ian Atrivim Josaia aremegha gɨfa, ezɨ ian apangkuv a bagh azian markɨ. Ezɨ Atrivim Josaian otarim Joahas e ategha gɨfa. A uamategh uan nguibamɨn izeghan kogham. Kamaghɨn amizɨ, ia Joahas bagh puv azi.

Esekiel 21:3

Nɨ nan Akar Gavgavim isɨ kamaghɨn Israelɨn nguazimɨn itir gumazamizibav kɨm suam, kɨ Ikiavɨra Itir God ghaze, kɨ ian apanim damuva, uan mɨdorozir sabamɨn bar ia mɨsoghɨrarigham, ian gumazamizir aghuiba ko kuraba sara.