Aisaia 56:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² “Gumazamiziba arazir aghuibar gɨn mangasa gavgavigha, Sabatɨn araziba deravɨram dar gɨn ghua, egha arazir kurabagh amir puvatɨ, me bar akongegh. Kɨ deraghvɨra me damuam.”

Aisaia 56:2 ပူးပေါင်းရင်းမြစ်များ

Aisaia 58:13

Ikiavɨra Itir God kamaghɨn mɨgei, “Ia Sabatɨn dughiamɨn araziba abɨghan markɨ, kar dughiar kɨ ua bagha mɨsevezim. Egh ia dughiar kamɨn uari uan bizibar amusɨ nɨghnɨghan markɨ. Kɨ Ikiavɨra Itir God, ia nan dughiar kam bar a gifongegh kamaghɨn a gɨnɨghnɨgh, kar nan dughiar bar ekiam. Egh ia pura tintinibar mangɨ uan ingangaribar amuava, uan mɨgɨrɨgɨar guar avɨribar amuan markɨ.

Esekiel 20:12

Egha kɨ Sabatɨn dughiam isa me ganɨga, na ko men tongɨn ababanimɨn mɨn anetɨ. Me dughiar kamɨn avughsɨva kamaghɨn fogham, kɨ Ikiavɨra Itir God, kɨ me gamima me nan damazimɨn zue.

Onger Akaba 112:1

E Ikiavɨra Itir Godɨn ziam fam! Gumazamizir Ikiavɨra Itir Godɨn atiatia an Akar Gavgavimɨn gɨn mangasa bar ifongeziba, me bar akongegh.

Luk Osirizir Akar Aghuim 11:28

Ezɨ Iesus a ikaragha ghaze, “Te nan Afeziamɨn akam baragha an gɨn zui, me bar akongegh.”

Esekiel 20:20

Ia nan Sabatɨn dughiam damightɨ, a nan damazimɨn zuegh ikɨ. Eghtɨ a na ko ian tongɨn ababanimɨn mɨn ikiam. Eghtɨ ia kamaghɨn nɨghnɨgh suam, kɨ Ikiavɨra Itir God, ian God.

Ua Me Ini 20:10

Ezɨ namba 7ɨn dughiam, kar Ikiavɨra Itir God, ian Godɨn dughiamra. Kar dughiar ia avughsamim. Egh Sabatɨn dughiam, ia bar ingangaribar amuan markɨ. Ia uan otariba, guiviba, ingangarir gumaziba, ingangarir amiziba, asɨziba, ko ikɨzir igharazibar gumazamizir iza ian nguibamɨn itiba, ia bar ingangaribar amuan kogham.

Jon Osirizir Akar Aghuim 13:17

Ezɨ datɨrɨghɨn ia arazir kɨ amizir kamɨn mɨngarim gɨfogha gɨfa, kamaghɨn ia deraghvɨra an gɨn mangɨva, egh ia bar akuegham.

Onger Akaba 106:3

Gumazamizir an Akar Gavgavimɨn gɨn ghua arazir aghuibagh amiba, me bar akongegh.

Aghuzir Akaba 16:17

Gumazamizir aghuiba arazir kuramɨn gɨn zuir tuavim gitavɨrasi. Gumazim uan darorim deragha an asavsuisi, a deraghvɨra ikiam.

Aghuzir Akaba 16:6

Gumazim Ikiavɨra Itir God bar a gifuegha, bar an poro, Ikiavɨra Itir God an arazir kuraba gɨn amangam. Gumazim Ikiavɨra Itir Godɨn atiating an apengan ikɨ, egh an arazir kurabagh itagham.

Aghuzir Akaba 14:16

Gumazir nɨghnɨzir aghuim itim, a deraghavɨra gara egha osɨmtɨzibagh itaghvɨrasi. Ezɨ gumazir nɨghnɨzir aghuiba puvatɨzim, a deravɨra nɨghnɨzir puvatɨgha ifaghatava pura bizibagh ami.

Aghuzir Akaba 4:27

Nɨ zuir tuavir aghuim, nɨ anetaghɨraghan markɨ. Egh nɨ agharir guvim ko ikiriamɨn gɨn mangɨ arazir kuratam bar a damuan markɨ.

Aghuzir Akaba 4:13

Aghuzir akar aghuim, a nɨn ikɨrɨmɨrimɨn mɨngarim. Kamaghɨn nɨ zurara an suiragh deravɨram a geghuv, egh anetaghɨraghan markɨ.

Onger Akaba 119:101

Kɨ nɨn akamɨn gɨn mangasa ifonge. Kamaghɨn, kɨ arazir kuramɨn gɨn mangan aghua.

Ofa Gami 19:30

Ia Sabatɨn dughiamɨn ingaran markɨ. Egh ia Purirpenir gumazamiziba iza nan ziam fer kam, bar a gifongegh. Kɨ Ikiavɨra Itir God, kɨ ia mɨkemegha gɨfa.

Ua Me Ini 20:8

Ia Sabatɨn dughiam deragh a gɨnɨghnɨgh mɨkɨm suam, a dughiar kɨ ua bagha inabazimra ikiam.

Akar Mogomem 22:14

“Ezɨ gumazamizir uan korotiaba ruegha itiba, God ghaze, me temer ikɨrɨmɨrir zurara itim anɨdir kamɨn daghebar amɨva, uaghan nguibar ekiar kamɨn tiar akabar aven mangam. Kamaghɨn amizɨ me bar akongegh.

Luk Osirizir Akar Aghuim 12:43

Ingangarir gumazir kam ingara itima, an gumazir ekiam iza a batogha an ingangarir kamɨn garima, gumazir kamɨn navir averiam bar an dera.

Aisaia 56:6

Ikiavɨra Itir God ghaze, Kantrin Igharazibar Gumazamizir maba, me Ikiavɨra Itir Godɨn gumazamiziba ko ikiasa ifonge. Egha na bagha ingara bar na gifuegha, nan gɨn iza nan ziam fa, nan apengan ikia, Sabatɨn dughiaba deravɨra dar gɨn zui. Egha kɨ Akar Dɨkɨrɨzir Gavgavir uan gumazamiziba ko amizim, me deravɨra an suiragha an gɨn zui.

Onger Akaba 128:1

Gumazamizir Ikiavɨra Itir Godɨn atiatia an apengan ikia, an akaba baragha dar gɨn zuiba, me bar akongegh.

Onger Akaba 37:27

Nɨ uan arazir kuraba akɨrim ragh dagh asaragh, egh arazir aghuibara amu. Egh nɨ zurara deravɨra nguazir kamɨn ikɨvɨra ikiam.

Onger Akaba 34:14

Nɨ akɨrim ragh arazir kurabagh asaragh, egh arazir aghuibara damu. Egh navir amɨrizimɨn gumazamizir igharaziba ko ikɨsɨ gavgavigh mamaghɨra ikɨ.

Nehemia 13:17

Ezɨ kɨ Judabar gumazir aruabar atara ghaze, “Ia orakigh! Ia bar arazir kuram gami. Ia Sabatɨn dughiam gamizɨ, a dughiar kɨnimɨn oto.

Akɨnafarir Pol Romɨn Nguibar Ekiamɨn Itir Sios Bagha Osirizim 12:9

Ia ifar gumazamizibagh ifongan markɨ, ia uan navir averiabar aven guizɨn gumazamizibagh ifongegh. Egh arazir kurabar aghuaghɨva, arazir aghuibar suiragh gavgafigh.

Aisaia 56:4

Ikiavɨra Itir God kamaghɨn mɨgei, “Gumazir kamaghɨn amiziba, me Sabatɨn arazibar gɨn mangɨ, egh arazir kɨ ifongezibar gɨn mangɨ, egh kɨ uan gumazamiziba ko amizir Akar Dɨkɨrɨzir Gavgavimɨn akabar gɨn mangɨtɨ,

Fofozir Gumazim 7:18

Nɨ uabɨ tuavir aghuimɨn gɨn mangɨ, egh arazir aghuimɨn suiragh, egh arazir kuramɨn suighan markɨ. Gumazim Godɨn atiatia an apengan iti, a bizir manam damutɨ, a bar deravɨram otogham.