Aisaia 54:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² “Egh nɨ uan averpenim asamimɨn danganir mɨtaghniam a gisɨfagh, egh uan averpenir ekiam asaragh. Egh nɨ uan averpenim bar an arokegh, egh an beniba ateghtɨ da tong ruaragh, egh averpenim gavgavim a danɨngamin afughafuziba isɨ pamtemɨn nguazimɨn dagh afughafughtɨ, da magɨreghtɨ, nɨ beniba pamtemɨn afughafuzir kabagh ikegh.

Aisaia 54:2 ပူးပေါင်းရင်းမြစ်များ

Aisaia 33:20

Ia Saionɨn gan, an ziar mam Jerusalem, a nguibar ekiar e zurara Ekiamɨn ziam fer dughiar ekiabar uari akuva itim. Danganir e avughsa deravɨra itim. A purirpenir gavgavimɨn mɨn mɨtɨgh gavgavigham, eghtɨ gumaziba an afughafuziba asigh, an beniba aghoregh, a inigh mangan kogham.

Ua Me Ini 39:40

Egha uaghan, me Purirpenimɨn dɨvazim avɨnasa iniba, ko dɨvazimɨn dɨpenir akɨniba, ko boksiar akɨniba asamiba, ko dɨvazimɨn tiar akamɨn guamin inim, ko gavgavim dɨvazim danɨngamin beniba ko afughafughamiba, me God bativamin Purirpenimɨn aven ingangarim damuasa bizir kaba bar da inigha izi.

Jeremaia 10:20

Jerusalem ikuvigha gɨfa, egha pura iti, mati purirpenir mam dɨpɨrigha irɨ. A mati en purirpenibar benir dar suighiziba dɨghoraghirezi da dɨpɨraghiregha ire. Ezɨ gumazamiziba bar Jerusalem ategha ghuegha gɨfa, mati en boriba bar ariaghiregha tav ua itir puvatɨ. Kamaghɨn amizɨ, ua Jerusalemɨn ingaramin gumazitam ua itir puvatɨ.

Ua Me Ini 35:18

Egh me Purirpenim ko an dɨvazim gavgavim aning danɨngamin beniba ko afughafughamiba, dar ingarigh.

Jenesis 26:22

Egha gɨn Aisak danganir kam ategha egha mozir par igharazim gɨkui. Ezɨ dughiar kamɨn gumaziba uam a bagha uari adozir puvatɨ. Ezɨ Aisak ghaze, “Ikiavɨra Itir God deragha e gami, eghtɨ e datɨrɨghɨn nguazir kamɨn deragh daperagh egh bizir avɨriba kagh ikiam.” Egha a mozir pam ziar kam a gatɨ, “Dabirabim derazir danganim.”

Aisaia 26:15

O Ikiavɨra Itir God, nɨ en kantri gamima, a bar ekefe. Nɨ en kantrin gumazamizibagh amizɨ, men dɨbobonim bar ghuavanabo. Nɨ en nguazimɨn mɨtaghniaba aruegha bar dagh isɨfa. Ezɨ bizir kam bangɨn, nɨn ziar ekiam ghua bar ekefe.

Maika 7:11

Ia Jerusalemɨn gumazamiziba, ia gɨn nguibar ekiamɨn dɨvaziba uam adar ingaramin. Egh nguazimɨn mɨtaghniabagh isɨvaghtɨ da mangɨ ekevegham.