Aisaia 53:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Ezɨ me guizɨn arazim oteghavkɨnigha, puram a isa kalabus gatɨgha, a inigha kotɨn ghu, ezɨ kot a mɨgɨa ghaze, an aremegham. Ezɨ me a mɨsoghezɨ an areme. Egha an adarazir tav kamaghɨn nɨghnɨgha fozir puvatɨ, a men danganim inigha mɨzazir me uari iniamin an a ini, egha en arazir kuraba gɨn amangasa areme.

Aisaia 53:8 ပူးပေါင်းရင်းမြစ်များ

1 Pita 3:18

E kamaghɨn fo, Krais uabɨ ia bagha areme. A Godɨn damazimɨn derazir gumazim, egha a Godɨn damazimɨn derazir puvatɨzir gumazamizibar danganim inigha areme. A bar gumazamizibar arazir kuraba batueghɨva me inigh God bagh mangasa, dughiar vamɨra aremegha gɨfa. A uam aremeghan kogham. Egha a nguazir kamɨn gumazir inivafɨzimɨn mɨn itima me a mɨsoghezɨ an areme. Ezɨ Godɨn Duam a gamizɨ a ua dɨkavigha angamɨra iti.

Jon Osirizir Akar Aghuim 19:7

Ezɨ Judaba kamaghɨn an akam ikaragha ghaze, “A uabɨ ghaze ‘Kɨ Godɨn Otarim.’ Ezɨ en Arazibar Osizirir mam iti, ezɨ arazir kam kamaghɨn mɨgei, gumazir kamaghɨn mɨgeim, an aremegham.”

Aisaia 53:12

“Kamaghɨn amizɨ, gumazamiziba an gari, a mati gumazir kuram. Egha a gumazamizir avɨrimɨn arazir kurabar osɨmtɨziba atera, uabɨ isa me bagha areme. Egha a gumazamizir arazir kurabagh amibar akurvaghasa God ko mɨgei. Kamaghɨn amizɨ, kɨ gumazir gavgavir bar ekiaba itibar tongɨn, ziar ekiam a danɨngam. Egh mati mɨdorozir gumazir gavgaviba, uan apaniba dɨkabɨragha men bizir aghuariba inigha, da tuisɨgha uan adarazigh anɨngizɨ moghɨn, kɨ bizir aghuiba isɨ a danɨngam.”

Daniel 9:26

Egh 434plan azeniba gɨvaghtɨ, me gumazir God en akurvaghasa mɨsevezim mɨsueghtɨ an aremegham. Eghtɨ an bizitam ikian kogham. Eghtɨ atrivir gavgavir mamɨn mɨdorozir gumazir bɨzir ekiam izɨva Jerusalem ko Godɨn Dɨpenim gasɨghasɨgham. Eghtɨ dughiar abuananamɨn, mati aperiam faner ekiamɨn otogha, biziba atera zui. Eghtɨ mɨdorozir ekiam ikɨ mangɨtɨ, God mɨkemezɨ moghɨn, dughiar abuananam otogham.

Akɨnafarir Pol Romɨn Nguibar Ekiamɨn Itir Sios Bagha Osirizim 1:4

Egha Godɨn Duamɨn gavgavimɨn tuavimɨn, God a gamizɨ a ua dɨkavigha kamaghɨn en aka, a gavgavim itir Godɨn Otarim: A Krais Iesus, en Ekiam.

Aisaia 53:5

Ezɨ en akaba batozir arazim bagha, me an ekianim bɨra. Arazir kurar e amiba bangɨn, me a dɨkabɨragha a gasɨghasɨki. Egha me puv a mɨsozima an mɨkarzim tintinibar bɨaghire, mɨzazir a inizir kam e gamizɨ, e ghuamaghegha ua deragha bar deravɨra iti.

Onger Akaba 69:12

Gumaziba tuavir akabar uari akuva ikia, na geghara na mɨgei. Gumaziba wainɨn dɨpaba apava onganigha, na dɨghora onger akabagh ami.

Matyu 1:1

Kar Krais Iesusɨn inaziba ko ovavibar eghaghanim. Iesus a Devitɨn ovavim. Ezɨ Devit Abrahamɨn ovavim.

Onger Akaba 88:5

Kɨ mati, me na ataghizɨ kɨ gumazir oveaghueziba ko men danganimɨn iti. Kɨ mati, gumazim me a mɨsoghezɨ, an aremegha gumaziba ariaghira itir danganimɨn iti. Kɨ mati, gumazir nɨ bar gɨn amadagha akurvazi puvatɨzibar mɨn iti.

Jeremaia 11:19

Kɨ faragha fozir puvatɨ, me paza na damuasa na bagha akam mɨsosi. Kɨ mati sipsipɨn nguzim gumaziba a mɨsueghtɨ an aremeghasa an akua zui. Ezɨ gumazir kaba akam mɨsuegha ghaze, ‘Aria, e datɨrɨghɨram a mɨsueghtɨ an aremegham, mati gumazim temem bema, me an dughiamrama an oti mokɨn. E bar a kuavaremeghtɨ, gumazamiziba uam an gɨnɨghnɨghan kogham.’