Aisaia 53:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Guizbangɨra, e bar moghɨra sipsipbar mɨn tintinibar arua, vaghvagha uan ifongiabar gɨn arui. Ezɨ Ikiavɨra Itir God, en arazir kuraba ikarvaghsɨ pazavɨram e damuan fɨrɨn, a kamaghɨn amizir puvatɨ. A uan ingangarir gumazim gamizɨ, a en danganim inizɨ, e iniamin mɨzaziba, an ada isa a ganɨngi.”

Aisaia 53:6 ပူးပေါင်းရင်းမြစ်များ

1 Pita 2:25

Ia bar sipsipbar mɨn tintinibar ghuegha ovenge. Ezɨ datɨrɨghɨn ia uamategha sipsipbar garir gumazim bagha ize, a ian duabagh eghuvir gumazim.

1 Pita 3:18

E kamaghɨn fo, Krais uabɨ ia bagha areme. A Godɨn damazimɨn derazir gumazim, egha a Godɨn damazimɨn derazir puvatɨzir gumazamizibar danganim inigha areme. A bar gumazamizibar arazir kuraba batueghɨva me inigh God bagh mangasa, dughiar vamɨra aremegha gɨfa. A uam aremeghan kogham. Egha a nguazir kamɨn gumazir inivafɨzimɨn mɨn itima me a mɨsoghezɨ an areme. Ezɨ Godɨn Duam a gamizɨ a ua dɨkavigha angamɨra iti.

Onger Akaba 119:176

Kɨ nɨn ingangarir gumazim. Kɨ sipsipɨn ovengezimɨn mɨn tuavir aghuim ataki. Kɨ nɨn Akar Gavgaviba gɨn amadir puvatɨ, kamaghɨn amizɨ, nɨ na bagh izɨ na buri.

Akɨnafarir Pol Romɨn Nguibar Ekiamɨn Itir Sios Bagha Osirizim 4:25

En arazir kuraba bagha, God Iesus isa gumazir kurabar dafarim gatɨzɨ me a mɨsoghezɨ, an areme. E an damazimɨn deraghasa, an e bagha Iesus gamizɨ a ua mozimɨn dɨkafi.

Aisaia 55:7

Eghtɨ gumazamizir arazir kurabagh amiba uan arazir kuraba ategh, uam adar amusɨ nɨghnɨghan kogham. Egh me uamategh Ikiavɨra Itir God, en God, a bagh izɨtɨ, a men apangkuvigh men arazir kuraba gɨn amangam.”

Aisaia 53:10

Ezɨ Ikiavɨra Itir God, uabɨ uan ifongiamɨn gɨn ghua uan ingangarir gumazir kam dɨkabɨragha a gamizɨ, a mɨzazim isi. A fo, ingangarir gumazim gumazamizibar arazir kuraba gɨn amangɨsɨ, osɨmtɨziba agɨvamin ofan mɨn uan mɨkarzim anightɨ, an ikɨrɨmɨrim bar ruaraghtɨ, a uan ovavir boribar ganam. Egh ingangarir an amim, Ikiavɨra Itir God ingarasa ifongezir araziba, a dar amuam. Egh a bizir kabar amutɨ, da deraghvɨram otivam.

Aisaia 56:11

Me afiabar mɨn daghem bagha bar ikufi, egha tong izɨvazir puvatɨ. Me mati sipsipbar garir gumazim uan ingangarim gɨfozir puvatɨ. Me vaghvagha uan ifongiabar gɨntɨsi. Me uarira uarigh nɨghnɨgha bizibagh amua uarira uarir akurvasi.

Onger Akaba 69:4

Gumazir bar avɨrim pura nan apanim gami. Men dɨbobonim bar nan dapanir arɨzibagh afira. Nan apaniba arazir kurabar na gami, ezɨ bizir me na gamir kaba mɨngariba puvatɨ. Apanir kaba na gasɨghasɨghasa, akar ifavaribar na gami. Kɨ men bizitam okemezir puvatɨ, me pura uan akaba na gasa ghaze, kɨ bizitaba pura me danɨngam.

Esekiel 3:18

Eghtɨ gumazitam arazir kurabar amightɨ, kɨ aremeghsɨ a mɨkɨmam, eghtɨ nɨ ikiangsɨzir akamɨn a mɨkɨm suam, a navim giragh uan arazir kuraba ategh, angamɨra ikiam. Nɨ a mɨkemeghtɨ, a uan arazir kurabagh iraghan kogh, ovegham. Nɨ a mɨkemeghan koghtɨ, an arazir kuraba ikɨvɨra ikɨtɨ an oveghtɨ, an ovevemɨn osɨmtɨzim nɨn ikiam.

Aisaia 6:7

Egha avir mɨkɨar kam nan akam gatɨgha uam a ini, egha kamaghɨn na mɨgei, “Nɨ oragh. Kɨ avir mɨkɨar kam nɨn akam gatɨ, ezɨ God datɨrɨghɨn nɨn arazir kuraba gɨn amadagha, nɨn osɨmtɨzim adangi, ezɨ nɨ zue.”

Aisaia 40:2

Ia apangkuvim itir akar aghuir kam isɨ, Jerusalemɨn nguibamɨn gumazamiziba me mɨkɨm gavgavim me danɨng. Egh kamaghɨn nan gun me mɨkɨm suam, kɨ Ikiavɨra Itir God, kɨ uan dafarimɨn men arazir kuraba ikaragha bar dughiar ruarimɨn me ataghizɨ me kalabusɨn ike. Ezɨ datɨrɨghɨn kɨ men mɨzaziba ko ingangarir ekiam agɨvagha men arazir kuraba gɨn amadazɨ, me fɨriaghɨre.”

Aisaia 53:5

Ezɨ en akaba batozir arazim bagha, me an ekianim bɨra. Arazir kurar e amiba bangɨn, me a dɨkabɨragha a gasɨghasɨki. Egha me puv a mɨsozima an mɨkarzim tintinibar bɨaghire, mɨzazir a inizir kam e gamizɨ, e ghuamaghegha ua deragha bar deravɨra iti.

Aisaia 53:7

Gumaziba ingangarir gumazir kam pazav a gami, ezɨ a uabɨ dɨkabɨra mɨzazir kuram ini. Egha mɨgɨrɨgɨar tam gamizir puvatɨ. A mati sipsipɨn nguzim uan akam dukuazɨ, me a mɨsueghtɨ an aremeghasa a inigha zui. Egha uaghan mati sipsip me an arɨziba aghorasava amima, a bizitam mɨgeir puvatɨ.

Aisaia 53:11

Ezɨ osɨmtɨzir ekiar an aterezir kamɨn gɨn, a bizir bar aghuibar gantɨ da otivam, eghtɨ a bar akuegham. Ezɨ Ikiavɨra Itir God kamaghɨn mɨgei, “Nan ingangarir gumazir nan damazimɨn derazir kam, a deraghavɨra na gɨfo. Egha a gumazamizir avɨribar arazir kuraba ateri, egh arazir kamɨn a me damutɨ, me nan damazimɨn derazir gumazamizibar otivigham.

Aisaia 53:12

“Kamaghɨn amizɨ, gumazamiziba an gari, a mati gumazir kuram. Egha a gumazamizir avɨrimɨn arazir kurabar osɨmtɨziba atera, uabɨ isa me bagha areme. Egha a gumazamizir arazir kurabagh amibar akurvaghasa God ko mɨgei. Kamaghɨn amizɨ, kɨ gumazir gavgavir bar ekiaba itibar tongɨn, ziar ekiam a danɨngam. Egh mati mɨdorozir gumazir gavgaviba, uan apaniba dɨkabɨragha men bizir aghuariba inigha, da tuisɨgha uan adarazigh anɨngizɨ moghɨn, kɨ bizir aghuiba isɨ a danɨngam.”

Aisaia 55:8

Ikiavɨra Itir God ghaze, “Ia gumazamiziba ian nɨghnɨziba, nan nɨghnɨzibar mɨn zuir puvatɨ. Ezɨ nan araziba, ian arazibar mɨn itir puvatɨ.

Jeremaia 50:6

“Nan gumazamiziba sipsipbar mɨn ovegha iti. Me geghuvir gumaziba me gamima me tuavir aghuim ataki, egha tintinibar mɨghsɨamɨn arui. Me tintinibar mɨghsɨamɨn arua, egha uan avughsir danganir dɨvazim itim gɨn amada.

Daniel 9:5

“E gumazamizir derazir puvatɨziba. E arazir kuram gami, egha nɨn gɨn zuir tuavim ataki. E nɨn akam batuegha, Akar Gavgaviba ko, bizir nɨ damuasa e mɨkemeziba e dagh amir puvatɨ.

Jenesis 22:6

Egha Abraham dazir ofan bar isi mɨghɨramim damuamiba Aisak ganɨngizɨ, ana dagh isaghpu. Ezɨ Abraham sabam ko avim suiragha, aning zui.

Gumazir Dapaniba 21:25

Dughiar kabar atrivir tam Israelɨn itir puvatɨ. Kamaghɨn, gumazamiziba vaghvagha tintinibar uan ifongiabar gɨn ghua pura bizibagh amua iti.

Aisaia 66:3

“Gumazamizir maba uan ifongiar kuramɨn gɨntɨgha arazir kurabar amuasa bar ifonge. Egha me uari kamaghɨn nɨghnɨgha ghaze, me guizbangɨra nan ziam fe. Egha me amir ofan kaba, kɨ bar dar aghua. Kɨ garima, me bulmakaubav sogha na bagha ofabagh amua, merara uaghan gumazir maba isa, me mɨsuegha uan aseba bagha ofabagh ami. Me na bagha sipsipɨn nguzibar ofabagh amua, me uaghan afiaba isa dav suegha, aseba bagha dar ofabagh ami. Me witba isa na bagha ofabagh amua, me uaghan uan aseba bagha dabar ghuzibar ofabagh ami. Me na bagha pauran me iter balsamɨn eborimɨn ingarizimɨn ofabagh amua, egha uaghan asebar marvir guaba bagha ofabagh ami.