Aisaia 53:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Ezɨ gumazamiziba akɨrim ragha a gasaragha, pazavɨra a gamua bar a gifongezir puvatɨ. Ezɨ mɨzaziba ko osɨmtɨzir avɨriba a gizɨfa. Gumazamiziba an ganan aghuagha, uan guaba monge. Egha akɨrim ragha bar a gasara. Ezɨ e an gara ghaze, a pura gumazir kɨnim.

Aisaia 53:3 ပူးပေါင်းရင်းမြစ်များ

Matyu 26:67

Egha me Iesusɨn guam giparava a mɨsogha, marazi dafariba onegha a mɨsosi.

Aisaia 53:10

Ezɨ Ikiavɨra Itir God, uabɨ uan ifongiamɨn gɨn ghua uan ingangarir gumazir kam dɨkabɨragha a gamizɨ, a mɨzazim isi. A fo, ingangarir gumazim gumazamizibar arazir kuraba gɨn amangɨsɨ, osɨmtɨziba agɨvamin ofan mɨn uan mɨkarzim anightɨ, an ikɨrɨmɨrim bar ruaraghtɨ, a uan ovavir boribar ganam. Egh ingangarir an amim, Ikiavɨra Itir God ingarasa ifongezir araziba, a dar amuam. Egh a bizir kabar amutɨ, da deraghvɨram otivam.

Aisaia 49:7

Ikiavɨra Itir God, Israelian Akurvazir Gumazim, men Godɨn Bar Zuezim, a ghaze, Gumazir kam, Kantrin Igharazibar Gumazamiziba gara ifongezir puvatɨzim. Kantrin Igharazibar Gumazamiziba an gara ghaze, a bizir bar kuram. Egha kantribar atriviba a gamizɨ, a men ingangarir gumazir kɨnimɨn mɨn iti. Egha Ikiavɨra Itir God datɨrɨghɨn kamaghɨn gumazir kam mɨgei, “Kɨ Ikiavɨra Itir God, Israelian Godɨn Bar Zuezim, kɨ uan ingangarim damuasa nɨ amɨsefe. Egha kɨ uan akar dɨkɨrɨziba abɨzir puvatɨ. Kamaghɨn amizɨ, atriviba nɨn gan, egh mɨtivigh nɨn ziam fam. Eghtɨ gumazir aruaba nguazim girɨgh fuaghɨva, ziar ekiam, nɨ danɨngam.”

Mak Osirizir Akar Aghuim 14:34

Egha kamaghɨn me mɨgei, “Nan navir averiam, osɨmtɨzim a itaragha ghuaghiri. Ezɨ kɨ aremeghasava ami. Ia kagh ikɨva, deravɨra gan.”

Aisaia 53:4

“E nɨghnɨgha ghaze, God ti ivezir kuram a ganɨga, a mɨsogha osɨmtɨzir kabagh amizɨ, da a batifi. Ezɨ puvatɨ. Ingangarir gumazir kam, e bagha en osɨmtɨziba ko mɨzaziba isa da ateri.

Hibru 5:7

Ezɨ dughiar Iesus nguazimɨn itim, a pamtemɨn God ko mɨgɨa egha diav azi. A fo, an ovengan koghsɨ, God an akuraghamin gavgavim iti. Kamaghɨn amizɨ, a uabɨ uan ifongiam dɨkabɨragha Godɨn apengan ikia, an akam barasi. Ezɨ God an dɨmdiam barasi.

Aisaia 50:6

Kɨ pura uabɨ isa apanibar taghizɨ, me aghorimɨn nan akɨragharim mɨsogha, nan ghuamasɨziba asi. Me akar kurabar na mɨgei, kɨ men gari me nan guam giparima, kɨ uan guam men modozir puvatɨ.

Hibru 4:15

E uari arazir kuraba dɨkabɨnamin gavgaviba puvatɨ. Egh e kamaghɨn nɨghnɨghan kogham, Ofa Gamir Gumazibar Dapanir kam, en nɨghnɨzibagh fogh en kuarkuvighan kogham. Puvatɨ. Satanɨn ifavarir arazir e bativiziba, da uaghan bar a bativigha gɨfa. Ezɨ an arazir kuratam gamizir puvatɨ.

Luk Osirizir Akar Aghuim 9:22

Egha a kamaghɨn mɨgei, “Gumazamizibar Otarim bar mɨzazir ekiaba ko osɨmtɨziba iniam. Eghtɨ Judabar gumazir aruaba koma ofa gamir gumazir ekiaba, ko Judan Arazibagh fozir gumaziba, me an aghuaghɨva a mɨsueghtɨ an aremegham. Egh dughiar mɨkezimɨn a ua dɨkavigham.”

Luk Osirizir Akar Aghuim 16:14

Farisin dagɨaba bagha bar ikuviziba bizir kaba baregha Iesusɨn garav mɨnbaba sighsiravɨra iti.

Luk Osirizir Akar Aghuim 8:53

Me fo, guivim areme, kamaghɨn amizɨ me an ingaravati.

Mak Osirizir Akar Aghuim 15:19

Egha me aghorim an dapanim mɨsogha, egha uaghan a giparavɨra iti. Egha me ifara uan teviba apɨrigha ira mati me guizbangɨra an ziam fe moghɨn ami.

Mak Osirizir Akar Aghuim 9:12

Ezɨ Iesus kamaghɨn men azangsɨzim ikara, “Guizbangɨra Elaija faragh izeghɨva bizibar kɨram. Ezɨ tizim bagha fomɨra Godɨn Akɨnafarimɨn osizirim kamaghɨn iti, ‘Gumazamizibar Otarim osɨmtɨzir avɨribar aven mangɨtɨ me akɨrim a gasaragham?’

Jon Osirizir Akar Aghuim 11:35

Ezɨ Iesus azia teriba iri.

Jon Osirizir Akar Aghuim 8:48

Ezɨ Judaba an akam ikaragha ghaze, “E ghaze, nɨ Samarian gumazir mam, ezɨ duar kuram nɨ gapasa. Ezɨ e nɨn azai, bizir kam ti guizbangɨra, o?”

Matyu 27:63

Me ghuegha kamaghɨn a mɨgei, “Gumazir ekiam, e gumazir ifavarir kam ikia mɨkemezir mɨgɨrɨgɨar mam ginɨrɨ. A ghaze, ‘Aruer pumuning ko mɨkezim gɨvaghtɨma kɨ ua dɨkavam.’

Maika 5:1

Ia Jerusalemia, ian mɨdorozir gumaziba uari akuvagh, arang uan mɨkarziba aghor. Apaniba ia ekɨarugha gɨfa. Me Israelian gumazir dapanim mɨsogh aghumsɨzim a danɨngasa, mati apanim aghorim inigha gumazimɨn koviam mɨsoke.

Sekaraia 11:8

Egha kɨ, sipsipbagh eghuvir gumazir 3plan atara men aghua. Ezɨ me uaghan na gifongezir puvatɨ. Ezɨ iakɨnir vamɨran aven kɨ me batoke.

Godɨn Araziba 32:15

“Israelia, bizir bar avɨrim ikia egha bar puvɨrama apa mɨkarziba saram aghui. God men ingarizɨ me otivigha iti. A men Akurvazir Gumazir gavgavim, mati men dagɨar ekiar gavgavim. Ezɨ me datɨrɨghɨn akɨrim ragha a gasaragha anetaki.

Luk Osirizir Akar Aghuim 19:41

Iesus Jerusalemɨn boroghɨra iza, egha an gara a bagha azi.

Onger Akaba 69:29

O God, kɨ osɨmtɨzir ekiam atera mɨzazim isi. Nan akuragh ua na inightɨ kɨ ua deraka.

Mak Osirizir Akar Aghuim 10:33

A kamaghɨn me mɨgei, “Ia oragh. E nguibar ekiam Jerusalemɨn ghuavanadi. Eghtɨ gumazitam Gumazamizibar Otarim isɨva, Judan Arazibagh fozir gumaziba ko ofa gamir gumazir ekiabar anɨngam. Eghtɨ me a isɨ kot datɨgh, egh a mɨsueghtɨ an aremeghsɨva akabar akɨram, egh me kamaghɨn a mɨkɨm suam, An aremegham. Egh me a mɨsueghtɨ an aremeghsɨva, a inigh Kantrin Igharazibar Gumazamizibar dafaribar arɨgham.

Mak Osirizir Akar Aghuim 10:34

Eghtɨ Kantrin Igharazibar Gumazamiziba, me dɨbovir akabar a mɨkɨm, a giparɨva, a fozoroghɨva, a mɨsueghtɨ an aremegham. An aremeghtɨ, dughiar pumuning ko mɨkezim gɨvaghtɨ a ua dɨkavigham.”

Aisaia 52:14

Me faragha an mɨkarzim ko guam gasɨghasɨghizɨ, gumazamiziba an garima, a nguazir kamɨn gumazimɨn mɨn garir puvatɨ. Gumazamiziba dɨgavir kuram gamua an ganan atiatingi.

Onger Akaba 88:4

Gumazir maba ariaghiregha ghua mozir konimɨn mangasava amima, kɨ uaghan men aven ikia, me ko zui. Kɨ guizbangɨra gavgaviba nan puvatɨ.