Aisaia 52:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Kɨ Ikiavɨra Itir God, ian Ekiam, kɨ kamaghɨn mɨgei, Fomɨra nan gumazamiziba ghua Isipɨn itir dughiamɨn, me mati gumazamizir pura guighav itibar mɨn ghua pura kantrin kamɨn iti. Ezɨ gɨn, Asiriaba iza ingangarir gumazamizir kɨnibar mɨn me inigha ghu. Asiriaba na givezezir puvatɨgha pura me inigha ghu.

Aisaia 52:4 ပူးပေါင်းရင်းမြစ်များ

Jenesis 46:6

Egha me uaghan bulmakauba ko bizir me Kenanɨn nguazimɨn inizir maba sara inigha zui, egha Jekop uan adarazi ko, me bar Isipɨn kantrin zui.

Onger Akaba 69:4

Gumazir bar avɨrim pura nan apanim gami. Men dɨbobonim bar nan dapanir arɨzibagh afira. Nan apaniba arazir kurabar na gami, ezɨ bizir me na gamir kaba mɨngariba puvatɨ. Apanir kaba na gasɨghasɨghasa, akar ifavaribar na gami. Kɨ men bizitam okemezir puvatɨ, me pura uan akaba na gasa ghaze, kɨ bizitaba pura me danɨngam.

Jopɨn Akɨnafarim 2:3

Ezɨ Ikiavɨra Itir God an azara, “Nɨ nan ingangarir gumazim Jopɨn ganiz, o puvatɨ? A gumazir bar aghuim, egha nan damazimɨn arazir kuraba puvatɨ. A nan apengan ikia nan ziam fava, zurara akɨrim ragha arazir kurabagh asi. Nguazir kamɨn danganiba bar, gumazitam an mɨn itir puvatɨ. Ezɨ nɨ na apezepera na abɨrazɨ, kɨ nɨ ataghizɨ nɨ puram osɨmtɨzim a gatɨ. Ezɨ a na ataghizir puvatɨ. A fomɨram ami moghɨn nan gɨn ghua kamaghɨra iti. An arazir kuratam gamir puvatɨ.”

Onger Akaba 25:3

Gumazamizir nɨghnɨzir gavgavim nɨn itiba, apaniba me abɨn aghumsɨzim me danɨngan kogham. Gumazamizir pura nɨn akaba batoziba, merara aghumsɨzim iniam.

Jon Osirizir Akar Aghuim 15:25

Osizirir mam, Judan Arazibar aven iti, a kamaghɨn mɨgei, ‘Gumazamiziba pura nan apanim gami.’ Ezɨ akar kam guizbangɨra otivasa, kamaghɨn me nan apanim gami.

Jeremaia 50:17

Ikiavɨra Itir God kamaghɨn mɨkeme: “Israelia mati sipsipɨn mam, ezɨ nguibar maba mati laionba, me a gasɨghasɨghasa an agɨntɨsi. Asirian atrivim faragha an suiragha aneme. Egha gɨn Babilonɨn Atrivim Nebukatnesar an aghariba ame.

Aisaia 14:25

Asiriaba nan nguazimɨn iza, nan gumazamizibagh amizɨ, me osɨmtɨzir bar ekiam ateri. Asiriaba pamtemɨn Israelia abɨrima, me puvɨra ingari, mati bulmakaun mam, gumazim ter ararim an tuem gatɨgha, anebɨrima, a ingari. Eghtɨ Asiriaba, Israelian nguazir mɨghsɨabar ikɨvɨra ikɨtɨ, kɨ me dɨkabɨn bar me rɨghɨrigham. Egh osɨmtɨzir ekiar Israelia aterir kam, kɨ bar anegɨvagham.”

Onger Akaba 44:12

Nɨ uan gumazamiziba isa gumazir igharaziba pura ingangarir gumazir kɨnibar ikiasa me amangizɨ, gumazir kaba dagɨar ekiatamɨn me givezezir puvatɨ.

Jenesis 46:7

Ezɨ Jekopɨn otariba ko guiviba ko an igiaba, me bar Jekop ko zui.